Выбрать язык
Книги Ветхого Завета
Книги Нового Завета
без русского текстаTOINE KIRJEINE FESSALONIKALAIŽILE | ВТОРОЕ ПОСЛАНИЕ К ФЕССАЛОНИКИЙЦАМ |
Глава 3 | Глава 3 |
| 1Lopuks völ, velled: loičkat meiš, miše Ižandan sana leveniži teramba i oliži kaikjal mugoižes korktas arvos, kut nece om tehnus teiden keskes. | 1Итак молитесь за нас, братия, чтобы слово Господне распространялось и прославлялось, как и у вас, |
| 2Loičkat mugažo, miše meile kaitas pahoiš da vällišpäiš mehišpäi; ved' kaik ei uskkoi. | 2и чтобы нам избавиться от беспорядочных и лукавых людей, ибо не во всех вера. |
| 3No Ižandale voib uskta, i hän vahvištab teid da kaičeb pahaspäi. | 3Но верен Господь, Который утвердит вас и сохранит от лукавого. |
| 4Ižandan täht mö lujas uskom sihe, miše tö nügüd' radat da edemba-ki radaškandet ninga, kut mö käskem. | 4Мы уверены о вас в Господе, что вы исполняете и будете исполнять то, что мы вам повелеваем. |
| 5Kärautkaha Ižand teiden südäimed Jumalan armastushe i Hristosan tirpandaha. | 5Господь же да управит сердца ваши в любовь Божию и в терпение Христово. |
| 6Meiden Ižandan Iisusan Hristosan nimes mö käskem teid, velled, püžumaha eriži kaikuččes vellespäi, kudamb eläb laškad elod, ei kundle meiden opendust. | 6Завещеваем же вам, братия, именем Господа нашего Иисуса Христа, удаляться от всякого брата, поступающего бесчинно, а не по преданию, которое приняли от нас, |
| 7Tö tedat iče, miše teile pidab otta ozutez meišpäi. Konz olim teidenno, em elänugoi laškad elod. | 7ибо вы сами знаете, как должны вы подражать нам; ибо мы не бесчинствовали у вас, |
| 8Mö em sönugoi maksmata nikenen leibäd, a tegim töid i radoim öd i päiväd, miše ei ištta teiden niškal. | 8ни у кого не ели хлеба даром, но занимались трудом и работою ночь и день, чтобы не обременить кого из вас, -- |
| 9I nece ei ole sen täht, miše meil ei ole olnu sihe oiktust, a sen täht, miše tahtoim olda teile ozutesen. | 9не потому, чтобы мы не имели власти, но чтобы себя самих дать вам в образец для подражания нам. |
| 10Konz olim teidenno, mö andoim teile käskön: ku ken-ni ei tahtoškande rata, algha hän sögoi-ki. | 10Ибо когда мы были у вас, то завещевали вам сие: если кто не хочет трудиться, тот и не ешь. |
| 11Ved' mö olem kulnuded, miše erased teišpäi eläba laškad elod, ei rakoi, a ličesoiš verhiže azjoihe. | 11Но слышим, что некоторые у вас поступают бесчинно, ничего не делают, а суетятся. |
| 12Mugomile mö käskem i pakičem meiden Ižandan Iisusan Hristosan nimes rata tünäs i sada ičeleze leibäd. | 12Таковых увещеваем и убеждаем Господом нашим Иисусом Христом, чтобы они, работая в безмолвии, ели свой хлеб. |
| 13No tö, velled, algat väzugoi tehmaha hüväd. | 13Вы же, братия, не унывайте, делая добро. |
| 14Ku ken-se ei kundle sidä, midä mö olem kirjutanuded neciš kirjeižes, pidägat händast sil'mnägubal i olgat eriži hänespäi. Tehkahas hänele huiged. | 14Если же кто не послушает слова нашего в сем послании, того имейте на замечании и не сообщайтесь с ним, чтобы устыдить его. |
| 15No kaiken-se algat pidägoi händast vihanikan, vaiše škol'gat händast kut velled. | 15Но не считайте его за врага, а вразумляйте, как брата. |
| 16Iče kožmusen Ižand antkaha teile kožmust kaiken aigan da kaikuččel ladul. Ižand olgha teiden kaikidenke. | 16Сам же Господь мира да даст вам мир всегда во всем. Господь со всеми вами! |
| 17Minä, Pavel, ičein kädel kirjutan teile nene tervhutesed. Muga minä kirjutan kaiken, i nece om tundmuzznam kaikuččes kirjeižes. | 17Приветствие моею рукою, Павловою, что служит знаком во всяком послании; пишу я так: |
| 18Olgha teidenke kaikidenke meiden Ižandan Iisusan Hristosan armod! Amin'. | 18благодать Господа нашего Иисуса Христа со всеми вами. Аминь. |
Глава 3