Выбрать язык
Книги Ветхого Завета
Книги Нового Завета
без русского текстаKIRJEINE EFESALAIŽILE | ПОСЛАНИЕ К ЕФЕСЯНАМ |
Глава 1 | Глава 1 |
| 1Minä, Pavel, Jumalan tahton mödhe Iisusan Hristosan apostol, oigendan tervhutesid Efesan jumalanuskojile, ked eläba uskondas Hristosaha Iisusaha. | 1Павел, волею Божиею Апостол Иисуса Христа, находящимся в Ефесе святым и верным во Христе Иисусе: |
| 2Armoid da mirud teile Jumalas, meiden Tataspäi, da Ižandas Iisusas Hristosaspäi! | 2благодать вам и мир от Бога Отца нашего и Господа Иисуса Христа. |
| 3Olgha kittud meiden Ižandan Iisusan Hristosan Jumal da Tat! Hän om Hristosan kal't blahoslovinu meid kaikil Hengespäi tulnuzil hüvüzil, midä om taivhaližes valdkundas. | 3Благословен Бог и Отец Господа нашего Иисуса Христа, благословивший нас во Христе всяким духовным благословением в небесах, |
| 4Hän om valičenu meid völ edel mirun tegemišt, miše mö oližim pühäd i vigatomad Hristosan edes i eläižim armastuses. | 4так как Он избрал нас в Нем прежде создания мира, чтобы мы были святы и непорочны пред Ним в любви, |
| 5Jumal jo ezmässai tahtoi tehta meid ičeze lapsikš Iisusan Hristosan kal't, i mugoine oli hänen hüvä taht. | 5предопределив усыновить нас Себе чрез Иисуса Христа, по благоволению воли Своей, |
| 6Ka kitkam sid' Jumalad hänen sanumatomiden suriden armoiden tagut, miččid hän om andnu meile ičeze armhan Poigan kal't. | 6в похвалу славы благодати Своей, которою Он облагодатствовал нас в Возлюбленном, |
| 7Hristosan verel meid om pästtud valdale da meiden grähkäd om pästtud. Mugoižed röunatomad oma Jumalan armod, | 7в Котором мы имеем искупление Кровию Его, прощение грехов, по богатству благодати Его, |
| 8miččid hän žalleičemata om andnu meile kaikes ičeze melevudes da el'genduses. | 8каковую Он в преизбытке даровал нам во всякой премудрости и разумении, |
| 9Hän om avaidanu meile ičeze peitoližen Hristosad koskijan tahton, miččen hän ičeze hüvüdes jo ezmässai oli tahtoinu täutta Hristosan kal't: | 9открыв нам тайну Своей воли по Своему благоволению, которое Он прежде положил в Нем, |
| 10märitud aigan hän ühtenzoitab kaiken Hristosan kal't, i kaik taivhas i man päl linneb Hristosan valdas. | 10в устроении полноты времен, дабы все небесное и земное соединить под главою Христом. |
| 11Jumal om andnu meile Hristosas jäl'gestusen, muga kut hän oli meletanu-ki i edelpäi märičenu — hän, ken kaiken tegeb ičeze tahton mödhe i ičeze melen mödhe, | 11В Нем мы и сделались наследниками, быв предназначены к тому по определению Совершающего все по изволению воли Своей, |
| 12miše meiden elo, ked ezmäižin olem zavodinuded nadeidas Hristosaha, mäniži Jumalan korktan arvon kituseks! | 12дабы послужить к похвале славы Его нам, которые ранее уповали на Христа. |
| 13Hristosas tö-ki olet sanuded pečatikš toivotadud Pühän Hengen, konz kulištit toden sanan, hüvän vestin teiden päzutandan polhe, i uskoškanzit hänehe. | 13В Нем и вы, услышав слово истины, благовествование вашего спасения, и уверовав в Него, запечатлены обетованным Святым Духом, |
| 14Nece Heng om anttud meile kut vahvištoituzznam meiden jäl'gestuses sihe aighasai, kuni Jumal pästab valdale ičeze rahvahan — kaik nece hänen korktan arvon kituseks. | 14Который есть залог наследия нашего, для искупления удела Его, в похвалу славы Его. |
| 15Sikš minä-ki, konz kulištin teiden uskondas Hristosaha Iisusaha da armastuses kaikihe uskojihe, | 15Посему и я, услышав о вашей вере во Христа Иисуса и о любви ко всем святым, |
| 16väzumata kitän Jumalad teiden tagut, konz johtutan teid ičein loičendoiš. | 16непрестанно благодарю за вас Бога, вспоминая о вас в молитвах моих, |
| 17Minä loičen, miše meiden Ižandan Iisusan Hristosan Jumal, taivhaližen hoštotesen Tat, andaiži teile Pühän Hengen, kudamb tegeb teid melevikš da el'gendajikš, miše tö opendaižitoiš tundištamha händast. | 17чтобы Бог Господа нашего Иисуса Христа, Отец славы, дал вам Духа премудрости и откровения к познанию Его, |
| 18Avaikaha hän teiden südäimen sil'mäd, miše nägištaižit, miččehe nadejaha hän om teid kucnu, miččen suren da bohatan jäl'gestusen hän andab jumalanuskojile, | 18и просветил очи сердца вашего, дабы вы познали, в чем состоит надежда призвания Его, и какое богатство славного наследия Его для святых, |
| 19i mitte sur'kulu om hänen vägi, kudamb radab meiš, uskojiš. I nece om-ki se sur' vägi, | 19и как безмерно величие могущества Его в нас, верующих по действию державной силы Его, |
| 20miččen hän om ozutanu Hristosas, konz eläbzoiti händast kollijoišpäi da ištuti ičeze oiktale kädele taivhiš, | 20которою Он воздействовал во Христе, воскресив Его из мертвых и посадив одесную Себя на небесах, |
| 21ülemba kaikid valdanpidäjid, pämehid, ižandoid da vägid i kaikuttušt nimed, mittušt johtutadas nügüdläižes dai tulijas mirus. | 21превыше всякого Начальства, и Власти, и Силы, и Господства, и всякого имени, именуемого не только в сем веке, но и в будущем, |
| 22Jumal om pannu kaiken hänen jaugoiden alle i tehnu händast korktemba kaikid, uskondkundan päks. | 22и все покорил под ноги Его, и поставил Его выше всего, главою Церкви, |
| 23Uskondkund om Hristosan hibj, hänen täudehuz', hänen, ken täutab kaikes kaiken. | 23которая есть Тело Его, полнота Наполняющего все во всем. |
Глава 1