Выбрать язык
Книги Ветхого Завета
Книги Нового Завета
без русского текстаEZMÄINE KIRJEINE KORINFALAIŽILE | ПЕРВОЕ ПОСЛАНИЕ К КОРИНФЯНАМ |
Глава 11 | Глава 11 |
| 1Otkat mindai ozuteseks, kut minä kaiken otan Hristosad ozuteseks. | 1Будьте подражателями мне, как я Христу. |
| 2Minä kitän teid, velled, miše tö muštat mindai da teget neniden opendusiden mödhe, kudambid olet sanuded minuspäi. | 2Хвалю вас, братия, что вы все мое помните и держите предания так, как я передал вам. |
| 3Minä tahtoin, miše tö tedaižit necen: kaikuččen mužikan pä om Hristos, naižen pä om mužik, i Hristosan pä om Jumal. | 3Хочу также, чтобы вы знали, что всякому мужу глава Христос, жене глава--муж, а Христу глава--Бог. |
| 4Ku mužikan pähä om midä-se pandud, konz hän loičeb vai saneleb Jumalan vestid, ka hän huigenzoitab ičeze päd. | 4Всякий муж, молящийся или пророчествующий с покрытою головою, постыжает свою голову. |
| 5No vastkarin, ku naine om pal'hal päl konz loičeb vai saneleb Jumalan vestid, ka hän mugažo huigenzoitab ičeze päd. Se om üks'kaik, ku hän keričiži pän. | 5И всякая жена, молящаяся или пророчествующая с открытою головою, постыжает свою голову, ибо это то же, как если бы она была обритая. |
| 6Ku naine ei kata päd, ka hän voib leikata hibused vai kerita pän. No ku hibusiden leiktamine vai pän keričemine huigenzoitab našt, ka katkaha hän pä paikal. | 6Ибо если жена не хочет покрываться, то пусть и стрижется; а если жене стыдно быть остриженной или обритой, пусть покрывается. |
| 7Mužikale ei pida katta päd, sikš ku hän om Jumalan kuva i hänes tuleb sil'mnägubale Jumalan korged arv. Sen sijas naižes tuleb sil'mnägubale mužikan korged arv. | 7Итак муж не должен покрывать голову, потому что он есть образ и слава Божия; а жена есть слава мужа. |
| 8Ved' mužik ei ole tehtud naižespäi, a naine mužikaspäi, | 8Ибо не муж от жены, но жена от мужа; |
| 9i ei ved' mužik ole tehtud naižen täht, a naine mužikan täht. | 9и не муж создан для жены, но жена для мужа. |
| 10Sikš ičeze kattud päl naižele pidab ozutada angeloile, miše hän om valdan al. | 10Посему жена и должна иметь на голове своей знак власти над нею, для Ангелов. |
| 11Ižandan edes ei ole našt mužikata da mužikad naižeta, | 11Впрочем ни муж без жены, ни жена без мужа, в Господе. |
| 12sikš ku naine om tehtud mužikaspäi, a mužik sündub naižespäi. No kaik om lähtnu Jumalaspäi. | 12Ибо как жена от мужа, так и муж через жену; все же--от Бога. |
| 13Kackat iče, om-ik naižele hüvä loita Jumalale pal'hal päl. | 13Рассудите сами, прилично ли жене молиться Богу с непокрытою головою? |
| 14Ei-ik iče londuz-ki openda teid: ku mužikal oma pit'käd hibused, ka nece om huiged, | 14Не сама ли природа учит вас, что если муж растит волосы, то это бесчестье для него, |
| 15no ku naižel oma pit'käd hibused, ka se om hüvä? Pit'käd hibused om anttud hänele katandaks. | 15но если жена растит волосы, для нее это честь, так как волосы даны ей вместо покрывала? |
| 16No ku ken-ni tahtoib ridelta neciš, ka sanun hänele, miše meil, kut toižil-ki uskondkundil, ei ole tošt verod. | 16А если бы кто захотел спорить, то мы не имеем такого обычая, ни церкви Божии. |
| 17Tahtoižin sirttas toižehe azjaha. Minä en voi kitta teid teiden suimiš, kudambad toba enamban pahad mi hüväd. | 17Но, предлагая сие, не хвалю вас, что вы собираетесь не на лучшее, а на худшее. |
| 18Ezmäi kaiked olen kulnu, miše konz tö keradatoiš ühthe, teiden keskes sündub ridoid. Minä kuti uskon neche. | 18Ибо, во-первых, слышу, что, когда вы собираетесь в церковь, между вами бывают разделения, чему отчасти и верю. |
| 19Ka, teiden keskes voib olda erilaižid melid, i nece ei ole hond, sikš ku siloi tö nägištat, ken teišpäi voib püžuda vahvemba uskondas. | 19Ибо надлежит быть и разномыслиям между вами, дабы открылись между вами искусные. |
| 20Nu ka naku, konz tö keradatoiš ühthe, ka sidä ei voi lugeda Ižandan pühäks longikš, | 20Далее, вы собираетесь, так, что это не значит вкушать вечерю Господню; |
| 21sikš ku kaikutte rigehtib söda ičeze sömid: toine om näl'gäs, a toine om humalas. | 21ибо всякий поспешает прежде других есть свою пищу, так что иной бывает голоден, а иной упивается. |
| 22Ei-ik teil ole kodid, kus tö voižit söda i joda? Vai hondostat-ik Jumalan uskondkundad i huigenzoitat nenid, kenel ei ole nimidä? Midä sid' sanuda teile? Kitta-k teid? Ei, neniš azjoiš en kitäškande. | 22Разве у вас нет домов на то, чтобы есть и пить? Или пренебрегаете церковь Божию и унижаете неимущих? Что сказать вам? похвалить ли вас за это? Не похвалю. |
| 23Minä olen sanu necen Ižandaspäi, midä olen mugažo teile-ki opendanu: Ižand Iisus sil öl, konz händast mödihe, oti leibän, | 23Ибо я от Самого Господа принял то, что и вам передал, что Господь Иисус в ту ночь, в которую предан был, взял хлеб |
| 24kiti siš Jumalad, lohkaiži i sanui: «Otkat, sögat, nece om minun hibj, lohkaitud teiden täht. Tehkat nece minun muštoks.» | 24и, возблагодарив, преломил и сказал: приимите, ядите, сие есть Тело Мое, за вас ломимое; сие творите в Мое воспоминание. |
| 25Ehtlongin lopus hän oti mugažo mal'l'an i sanui: «Nece mal'l' om uz' kožmuz minun veres. I kaikuččen kerdan, konz tö jot sišpäi, ka tehkat nece minun muštoks.» | 25Также и чашу после вечери, и сказал: сия чаша есть новый завет в Моей Крови; сие творите, когда только будете пить, в Мое воспоминание. |
| 26I kaikuččen kerdan, konz tö söt necidä leibäd da jot neciš mal'l'aspäi, ka tö sanelet Ižandan surman polhe sihesai, konz hän tuleb udes. | 26Ибо всякий раз, когда вы едите хлеб сей и пьете чашу сию, смерть Господню возвещаете, доколе Он придет. |
| 27Sikš se, ken el'gendamata söb sidä leibäd da job Ižandan mal'l'aspäi, se huigenzoitab Ižandan hibjad da vert. | 27Посему, кто будет есть хлеб сей или пить чашу Господню недостойно, виновен будет против Тела и Крови Господней. |
| 28Kaikuččele pidab ezmäi paremba tundištada ičtaze, a vaiše sen jäl'ghe söda necidä leibäd da joda neciš mal'l'aspäi. | 28Да испытывает же себя человек, и таким образом пусть ест от хлеба сего и пьет из чаши сей. |
| 29Se, ken söb da job muite, ka hän söb da job ičeleze sudaks, ku ei el'genda, miše nece om Ižandan hibj. | 29Ибо, кто ест и пьет недостойно, тот ест и пьет осуждение себе, не рассуждая о Теле Господнем. |
| 30Sikš-se teiden keskes om-ki äi vähävägižid da läžujid, a äjad oma jo pästnuded hengen. | 30Оттого многие из вас немощны и больны и немало умирает. |
| 31Meile pidaiži paremba tundištada ičtamoi, siloi meile ei oliži sudad. | 31Ибо если бы мы судили сами себя, то не были бы судимы. |
| 32No konz Ižand sudib meid, se om meile openduseks, ika meid sudiškatas ühtes necen mirunke. | 32Будучи же судимы, наказываемся от Господа, чтобы не быть осужденными с миром. |
| 33Ka velled, konz keradatoiš sömlaudan taga, varastagat toine tošt. | 33Посему, братия мои, собираясь на вечерю, друг друга ждите. |
| 34A ku ken-se om näl'gäs, ka sögha kodiš, miše et keradaižihe ičeletoi sudaks. Konz iče tulen, ka andan nevondoid toižiš azjoiš. | 34А если кто голоден, пусть ест дома, чтобы собираться вам не на осуждение. Прочее устрою, когда приду. |
Глава 11