Выбрать язык
Книги Ветхого Завета
Книги Нового Завета
без русского текстаKIRJEINE RIMALAIŽILE | ПОСЛАНИЕ К РИМЛЯНАМ |
Глава 11 | Глава 11 |
| 1Ka sid' küzun: Jose Jumal om hül'gäidanu ičeze rahvast? Ka ei! Ved' minä-ki olen izrail'aine, Avraaman jäl'gnik, Veniaminan heimospäi. | 1Итак, спрашиваю: неужели Бог отверг народ Свой? Никак. Ибо и я Израильтянин, от семени Авраамова, из колена Вениаминова. |
| 2Jumal ei ole jätnu ičeze rahvast, kudambad oli valičenu jo edel. Ved' tö tedat, midä Pühäd Kirjutused sanuba Iljan polhe. Hän väritab Jumalan edes Izrail'ad sanudes: | 2Не отверг Бог народа Своего, который Он наперед знал. Или не знаете, что говорит Писание в повествовании об Илии? как он жалуется Богу на Израиля, говоря: |
| 3«Sur' Sünd, hö oma riknuded sinun sanankandajid i pannuded sinun žertvaltarid mantazale. Minä üksnäin olen jänu henghe, no hö eciba minun-ki henged.» | 3Господи! пророков Твоих убили, жертвенники Твои разрушили; остался я один, и моей души ищут. |
| 4A midäk hänele sanui vastha Jumal? «Minä olen jätnu ičelein seičemetuhad mest, kudambad ei langenugoi kombuile Vaal-jumalan edehe.» | 4Что же говорит ему Божеский ответ? Я соблюл Себе семь тысяч человек, которые не преклонили колени перед Ваалом. |
| 5Muga nügüdläižel-ki aigal om kaičenus loppala, kudamban Jumal om valičenu ičeze armoiš. | 5Так и в нынешнее время, по избранию благодати, сохранился остаток. |
| 6No ku nece valičend om tehtud armoiden pohjal, ka se ei ole tehtud azjoiden pohjal — muite armod ei oliži armoin. A ku valičend om tehtud azjoiden pohjal, ka se jo ei ole tehtud armoiden pohjal — muite azj ei ole jo azj. | 6Но если по благодати, то не по делам; иначе благодать не была бы уже благодатью. А если по делам, то это уже не благодать; иначе дело не есть уже дело. |
| 7Ka midä sid' om? Izrail' ei ole sanu sidä, midä om ecnu; vaiše valitud oma sanuded. Toižed oma kovitanuded ičeze südäimed, | 7Что же? Израиль, чего искал, того не получил; избранные же получили, а прочие ожесточились, |
| 8muga kut om kirjutadud Pühiš Kirjutusiš: — Jumal om andnu heile kovidunuden hengen, sil'mäd, kudambad ei nähkoi, i korvad, kudambad ei kulgoi. Muga om völ nügüd'-ki. | 8как написано: Бог дал им дух усыпления, глаза, которыми не видят, и уши, которыми не слышат, даже до сего дня. |
| 9I David sanub: — Tehkahas heiden prazniklong heile verkoks da rihmaks, kukištuseks da kovaks openduseks. | 9И Давид говорит: да будет трапеза их сетью, тенетами и петлею в возмездие им; |
| 10Pimenegha heiden sil'mäd, miše hö ei nägiži, mängaha kokovicoikš heiden sel'gäd-ki igäks. | 10да помрачатся глаза их, чтобы не видеть, и хребет их да будет согбен навсегда. |
| 11Minä küzun: jose evrejalaižed oma kukištunuded, miše nikonz ei libuda? Ka ei! Heiden lanktemižen tagut päzutand om tulnu toižile rahvahile, miše evrejalaižed zavodižiba kadehtida heid. | 11Итак спрашиваю: неужели они преткнулись, чтобы совсем пасть? Никак. Но от их падения спасение язычникам, чтобы возбудить в них ревность. |
| 12I ku evrejalaižiden lanktemine om andnu hüvüt mirule da heiden käraudamine Jumalaspäi — hüvüt toižile rahvahile, ka kuvert völ hüvüt tob heiden käraudamine Jumalaha! | 12Если же падение их--богатство миру, и оскудение их--богатство язычникам, то тем более полнота их. |
| 13Pagižen nügüd' teile, ked olet käraudanus Jumalaha toižiš rahvahišpäi. Minä pidän korktas arvos minun apostolan radod teiden keskes. | 13Вам говорю, язычникам. Как Апостол язычников, я прославляю служение мое. |
| 14Voib olda, libutan minun heimolaižiš kadehut teihe i muga voin päzutada keda-ni heišpäi. | 14Не возбужу ли ревность в сродниках моих по плоти и не спасу ли некоторых из них? |
| 15Ku Jumalan käraudamine evrejalaižišpäi om avaidanu mirule ten kožmusehe, ka midä linneb, konz Jumal otab heid tagaze? Siloi kollijad eläbzuba! | 15Ибо если отвержение их--примирение мира, то что будет принятие, как не жизнь из мертвых? |
| 16Ved' ku ezmäine leib om pühä, ka kaik taigin-ki om pühä, a ku pun jur' om pühä, ka oksad-ki oma pühäd. | 16Если начаток свят, то и целое; и если корень свят, то и ветви. |
| 17Ku erased sadvoipun oksad om katkaitud, da sindai, kudamb oled mecvoipun oks, om kazvatoittud sadvoipun oksiden keskhe, sikš sinä oled tehnus sen pun palaks i sanu sen jurišpäi väged, | 17Если же некоторые из ветвей отломились, а ты, дикая маслина, привился на место их и стал общником корня и сока маслины, |
| 18ka ala kitte toižiden oksiden keskes! A ku kitätoi, ka mušta: ed sinä pidä jur't, a jur' pidäb sindai. | 18то не превозносись перед ветвями. Если же превозносишься, то вспомни, что не ты корень держишь, но корень тебя. |
| 19Sinä void sanuda: «Ned oksad katkaitihe, miše kazvatada mindai.» | 19Скажешь: `ветви отломились, чтобы мне привиться'. |
| 20Se om tozi. Ned katkaitihe heiden uskmatomuden tagut, a sinä püžud, kuni uskod. Ala baffalide, a varaida. | 20Хорошо. Они отломились неверием, а ты держишься верою: не гордись, но бойся. |
| 21Ku Jumal ei žalleičend sen pun ičeze oksid, ka hän ei žalleiče sindai-ki. | 21Ибо если Бог не пощадил природных ветвей, то смотри, пощадит ли и тебя. |
| 22Kacu, mitte pehmedsüdäimeline da kova-ki om Jumal: lanktenuzile hän om kova, a sinei om pehmed, kuni püžud hänen hüvüdes, a muite sindai-ki leikatas. | 22Итак видишь благость и строгость Божию: строгость к отпадшим, а благость к тебе, если пребудешь в благости Божией; иначе и ты будешь отсечен. |
| 23No ned toižed-ki voiba kazvahtuda udhe, ku ei jägoi uskmatomuden valdha, sikš miše Jumal voib kazvatada ned udes. | 23Но и те, если не пребудут в неверии, привьются, потому что Бог силен опять привить их. |
| 24Ku sindai katkaitihe mecvoipuspäi, kudambas sinä olid kaznu, da udes kazvatadihe sadvoipuhu londusen vasthapäi, ka sidä teramba sadvoipun oksad voiba kazvahtuda tagaze ičeze puhu. | 24Ибо если ты отсечен от дикой по природе маслины и не по природе привился к хорошей маслине, то тем более сии природные привьются к своей маслине. |
| 25Tahtoin, miše tö tedaižit necen peitazjan, velled, i et oliži ičetoi melevuden valdas: südäimen kovuz', kudamb tuli ühtele Izrail'an rahvahan palale, linneb sihesai, kuni Jumalannoks tuleb täuz' lugumär toižiš rahvahišpäi. | 25Ибо не хочу оставить вас, братия, в неведении о тайне сей, --чтобы вы не мечтали о себе, --что ожесточение произошло в Израиле отчасти, до времени, пока войдет полное число язычников; |
| 26Konz heiden lugumär tegese täudeks, kaik Izrail' päzub, kut om sanutud Pühiš Kirjutusiš: — Sionaspäi tuleb Päzutai, hän kükseb jumalatomuden Jakovan jäl'gnikoišpäi. | 26и так весь Израиль спасется, как написано: придет от Сиона Избавитель, и отвратит нечестие от Иакова. |
| 27I nece linneb minun kožmuz heidenke: minä heitän heišpäi heiden grähkäd. | 27И сей завет им от Меня, когда сниму с них грехи их. |
| 28Izrail'an rahvaz om Jumalan vihanik, ku vastustab hüväd vestid — se om teiden täht, no ku hö oma valitud rahvaz, ka oma Jumalale armhad — se om tatoiden täht. | 28В отношении к благовестию, они враги ради вас; а в отношении к избранию, возлюбленные Божии ради отцов. |
| 29Jumal ei ota tagaze ičeze lahjoid da kucundad-ki. | 29Ибо дары и призвание Божие непреложны. |
| 30Tö ende et kundelnugoi Jumalad, no izrail'aižiden kundlematomuden tagut Jumal nügüd' om žalleičenu teid. | 30Как и вы некогда были непослушны Богу, а ныне помилованы, по непослушанию их, |
| 31Muga hö-ki nügüd' oma kundlematomad, miše Jumal heid-ki armahtaiži, sikš ku om armahtanu teid. | 31так и они теперь непослушны для помилования вас, чтобы и сами они были помилованы. |
| 32Ved' Jumal kaikid om pannu kundlematomuden čapihe, miše sid' voiži heile kaikile antta armahtusen. | 32Ибо всех заключил Бог в непослушание, чтобы всех помиловать. |
| 33Mitte märatoi om Jumalan bohatuz', mitte süvä om hänen melevuz' da tedo! Miččed el'gendamatomad oma hänen sudad da tundmatomad hänen ted! | 33О, бездна богатства и премудрости и ведения Божия! Как непостижимы судьбы Его и неисследимы пути Его! |
| 34Ken voib tedištada hänen mel't, ken voib olda hänen nevojan? | 34Ибо кто познал ум Господень? Или кто был советником Ему? |
| 35Ken om andnu hänele midä-ni, miše hänele pidaiži maksta tagaze? | 35Или кто дал Ему наперед, чтобы Он должен был воздать? |
| 36Ka kaik om hänespäi, hänen kal't i hänen täht. Olgha hänele igän korged arv, amin'! | 36Ибо все из Него, Им и к Нему. Ему слава во веки, аминь. |
Глава 11