Выбрать язык
Книги Ветхого Завета
Книги Нового Завета
без русского текстаJOANNAN EZMÄINE KIRJEINE | ПЕРВОЕ ПОСЛАНИЕ ИОАННА |
Глава 4 | Глава 4 |
| 1Minun armhad, algat uskkoi kaikile hengile, kackat hüvin, oma-k ned Jumalaspäi. Ved' mirhu om tulnu äi tühjid sanankandajid. | 1Возлюбленные! не всякому духу верьте, но испытывайте духов, от Бога ли они, потому что много лжепророков появилось в мире. |
| 2Jumalan Hengen [i segoidushe vedäjan hengen] tö tundištat muga: kaik henged, kudambad sanuba Iisusan Hristosan meheks, lihaspäi da verespäi tulnudeks, oma Jumalaspäi. | 2Духа Божия (и духа заблуждения) узнавайте так: всякий дух, который исповедует Иисуса Христа, пришедшего во плоти, есть от Бога; |
| 3Kaikutte heng, kudamb ei sanu Iisusad Hristosad lihaspäi da verespäi tulnudeks, ei ole Jumalaspäi. Mugoine heng om antihristan heng, kudamb, kut tö kulit, om tulmas da jo om-ki mirus. | 3а всякий дух, который не исповедует Иисуса Христа, пришедшего во плоти, не есть от Бога, но это дух антихриста, о котором вы слышали, что он придет и теперь есть уже в мире. |
| 4Tö, lapsuded, olet Jumalaspäi, i tö olet vägestanuded nenid kelhid sanankandajid, sikš ku se, ken om teiš, om suremb sidä, ken om mirus. | 4Дети! вы от Бога, и победили их; ибо Тот, Кто в вас, больше того, кто в мире. |
| 5Ned sanankandajikš heitnus mehed oma miruspäi. Miruspäi oma kaik heiden paginad, i mir kundleb heid. | 5Они от мира, потому и говорят по-мирски, и мир слушает их. |
| 6Mö olem Jumalaspäi. Ken tundeb Jumalan, se kundleb meid, no ken ei ole Jumalaspäi, se ei kundle meid. Sišpäi mö tedam, kudamb om toden heng, kudamb — manitusen heng. | 6Мы от Бога; знающий Бога слушает нас; кто не от Бога, тот не слушает нас. По сему-то узнаём духа истины и духа заблуждения. |
| 7Minun armhad, armastagam toine tošt, ved' armastuz om Jumalaspäi. Kaikutte, ken armastab, om Jumalaspäi sündnu i tundeb Jumalan. | 7Возлюбленные! будем любить друг друга, потому что любовь от Бога, и всякий любящий рожден от Бога и знает Бога. |
| 8Ken ei armasta, se ei tunde Jumalad, sikš ku Jumal om armastuz. | 8Кто не любит, тот не познал Бога, потому что Бог есть любовь. |
| 9Ved' siš Jumalan armastuz ozutihe-ki meile, ku hän oigenzi ičeze üksjaižen Poigan mirhu, miše mö hänen kal't saižim elon. | 9Любовь Божия к нам открылась в том, что Бог послал в мир Единородного Сына Своего, чтобы мы получили жизнь через Него. |
| 10Armastuz ei ole siš, miše mö olem armastanuded Jumalad, a siš, miše Jumal om armastanu meid da oigendanu ičeze Poigan žertvmaksmižeks meiden grähkiš. | 10В том любовь, что не мы возлюбили Бога, но Он возлюбил нас и послал Сына Своего в умилостивление за грехи наши. |
| 11Minun armhad! Ku Jumal om muga armastanu meid, pidab meile-ki armastada toine tošt. | 11Возлюбленные! если так возлюбил нас Бог, то и мы должны любить друг друга. |
| 12Jumalad niken nikonz ei ole nähnu. No ku mö armastam toine tošt, ka Jumal püžub meiš i hänen armastuz om ozutanus meiš täudeks. | 12Бога никто никогда не видел. Если мы любим друг друга, то Бог в нас пребывает, и любовь Его совершенна есть в нас. |
| 13Mö püžum hänes, i hän püžub meiš — necen mö tedam sišpäi, ku hän om andnu meile ičeze Hengen. | 13Что мы пребываем в Нем и Он в нас, узнаём из того, что Он дал нам от Духа Своего. |
| 14Mö olem nähnuded sen da todištam, miše Tat om oigendanu ičeze Poigan mirhu Päzutajaks. | 14И мы видели и свидетельствуем, что Отец послал Сына Спасителем миру. |
| 15Ken sanub Iisusad Jumalan Poigaks, hänes Jumal püžub, i hän iče püžub Jumalas. | 15Кто исповедует, что Иисус есть Сын Божий, в том пребывает Бог, и он в Боге. |
| 16Mö tundem Jumalan armastusen meihe i uskom sihe.Jumal om armastuz. Ken püžub armastuses, püžub Jumalas, da Jumal püžub hänes. | 16И мы познали любовь, которую имеет к нам Бог, и уверовали в нее. Бог есть любовь, и пребывающий в любви пребывает в Боге, и Бог в нем. |
| 17Jumalan armastuz om ozutanus meiš täudeks, i muga mö sudanpäivän voim rohktas astta ezile, sikš miše mitte om Hristos, mugoižed mö-ki olem neciš mirus. | 17Любовь до того совершенства достигает в нас, что мы имеем дерзновение в день суда, потому что поступаем в мире сем, как Он. |
| 18Armastuses ei ole varaidust, täuz' armastuz kükseb varaidusen. Varaiduz iče-ki om jo mok, i ken varaidab, hänes armastuz völ ei ole tehnus täudeks. | 18В любви нет страха, но совершенная любовь изгоняет страх, потому что в страхе есть мучение. Боящийся несовершен в любви. |
| 19Mö armastam, sikš miše ezmäi Jumal om armastanu meid. | 19Будем любить Его, потому что Он прежде возлюбил нас. |
| 20Ku ken-ni sanub: «Minä armastan Jumalad», a iče kandab vihad uskondvelliden päle, ka hän om kelastai. Ved' ken ei armasta velled, kudamban hän om nähnu, ka hän ei voi armastada Jumalad, kudambad ei ole nähnu. | 20Кто говорит: `я люблю Бога', а брата своего ненавидит, тот лжец: ибо не любящий брата своего, которого видит, как может любить Бога, Которого не видит? |
| 21Necen käskön mö olem sanuded hänespäi: ken armastab Jumalad, armastagha hän uskondvelled-ki. | 21И мы имеем от Него такую заповедь, чтобы любящий Бога любил и брата своего. |
Глава 4