Выбрать язык
Книги Ветхого Завета
Книги Нового Завета
без русского текстаPETRAN EZMÄINE KIRJEINE | ПЕРВОЕ ПОСЛАНИЕ ПЕТРА |
Глава 2 | Глава 2 |
| 1Sikš tackat polhe kaik pahuz' da manitelend, algat heitelgoiš parembikš, algat kadehtigoi toižiden hüväd, algat pagiškoi pahad toižiden polhe. | 1Итак, отложив всякую злобу и всякое коварство, и лицемерие, и зависть, и всякое злословие, |
| 2Kut vaiše sündnuded lapsed, tahtoigat puhtast hengelišt maidod, miše sil kazda da sada päzutandan. | 2как новорожденные младенцы, возлюбите чистое словесное молоко, дабы от него возрасти вам во спасение; |
| 3Ved' tö olet jo «mujanuded, mitte hüvä Ižand om». | 3ибо вы вкусили, что благ Господь. |
| 4Tulgat hänennoks, eläban kivennoks, kudamban mehed oma lükäidanuded, no kudamban om valičenu Jumal da kudamb om hänele kalliž. | 4Приступая к Нему, камню живому, человеками отверженному, но Богом избранному, драгоценному, |
| 5Eläbin kivin pangat ičtatoi hengeližen pertin sauvondaha, miše tehtas pühäks papkundaks da zavodida toda Jumalale hengeližid žertvoid. Ned oma hänele mel'he Iisusan Hristosan täht. | 5и сами, как живые камни, устрояйте из себя дом духовный, священство святое, чтобы приносить духовные жертвы, благоприятные Богу Иисусом Христом. |
| 6Ved' om sanutud Pühiš Kirjutusiš: — Minä seižutan Sionaha kiven, päkiven, valitud da kal'hen. Ken hänehe uskob, ei putu huiktaha. | 6Ибо сказано в Писании: вот, Я полагаю в Сионе камень краеугольный, избранный, драгоценный; и верующий в Него не постыдится. |
| 7Ka teile, ked uskot, nece kivi om kalliž, no nenile, ked ei uskkoi, «kivi, kudamban sauvojad taciba laptaha, om tehnus päkiveks» | 7Итак Он для вас, верующих, драгоценность, а для неверующих камень, который отвергли строители, но который сделался главою угла, камень претыкания и камень соблазна, |
| 8da «kiveks, kudambaha kukištudas, da kal'l'oks, kudamban tagut langetas». Hö kukištuba, sikš ku ei uskkoi sihe, midä Jumal om sanunu, i muga heile om märitud elos. | 8о который они претыкаются, не покоряясь слову, на что они и оставлены. |
| 9No tö olet valitud rod, suren kunigahan papkund, pühä rahvaz, Jumalan ičeze rahvaz, i teid pandihe sanelemha hänen suriden tegoiden polhe, hänen, ken om kucnu teid pimedaspäi ičeze čudosižehe päivänvauktaha. | 9Но вы--род избранный, царственное священство, народ святой, люди, взятые в удел, дабы возвещать совершенства Призвавшего вас из тьмы в чудный Свой свет; |
| 10Ende tö et olnugoi rahvaz, no nügüd' tö olet Jumalan rahvaz. Ende tö olit Jumalan armoita, no nügüd' hän om armahtanu teid. | 10некогда не народ, а ныне народ Божий; некогда непомилованные, а ныне помилованы. |
| 11Minä pakičen teid, kal'hed velled, ked elät tulijoiden kartte verhas mas: algat antkoi valdad hibjan himoile, kudambad toradaba hengenke. | 11Возлюбленные! прошу вас, как пришельцев и странников, удаляться от плотских похотей, восстающих на душу, |
| 12Elägat hüvin Jumalad tundmatomiden rahvahiden keskes, i hot' hö erašti lajiškandeba teid kuti pahantegijoid, no konz nägištaba teiden azjoid, ka zavodiba ülenzoitta Jumalad sil päiväl, konz hän tuleb sudimaha mirud. | 12и провождать добродетельную жизнь между язычниками, дабы они за то, за что злословят вас, как злодеев, увидя добрые дела ваши, прославили Бога в день посещения. |
| 13Kundelkat kaikid maižid valdanpidäjid: kunigast, kudamb om kaikid ülembaine, | 13Итак будьте покорны всякому человеческому начальству, для Господа: царю ли, как верховной власти, |
| 14pämehid, kudambid kunigaz om pannu kovas opendamha pahantegijoid i kitmaha hüväntegijoid. | 14правителям ли, как от него посылаемым для наказания преступников и для поощрения делающих добро, -- |
| 15Ved' nece om Jumalan taht, miše tö hüvil azjoil lopenzoitaižit el'getoman rahvahan meletomid paginoid. | 15ибо такова есть воля Божия, чтобы мы, делая добро, заграждали уста невежеству безумных людей, -- |
| 16Tö olet valdal, no üks'kaik necil valdal algat tehkoi pahad, a elägat Jumalan käsköiden mödhe. | 16как свободные, не как употребляющие свободу для прикрытия зла, но как рабы Божии. |
| 17Pidägat korktas arvos kaikid, armastagat uskondvellid, varaikat Jumalad, pidägat korktas arvos kunigast. | 17Всех почитайте, братство любите, Бога бойтесь, царя чтите. |
| 18Orjad, olgat ičetoi ižandoiden valdan al, olgat kundlijaižed ei vaiše hüvile da hobedtabaižile ižandoile, no nenile-ki, ked oma pahatabaižed. | 18Слуги, со всяким страхом повинуйтесь господам, не только добрым и кротким, но и суровым. |
| 19Hüvä om sille mehele, ken mahtab tirpta ahtištusid i mokid vigatoman oldes, sikš ku tedab, miše mugoine om Jumalan vald. | 19Ибо то угодно Богу, если кто, помышляя о Боге, переносит скорби, страдая несправедливо. |
| 20A ku tö mokičetoiš, konz teid lödas teiden grähkiden tagut, ka miš sid' kitta? A ku tirpaškandet ahtištusid ičetoi hüviden azjoiden polhe, ka sid' Jumal teid kitäb. | 20Ибо что за похвала, если вы терпите, когда вас бьют за проступки? Но если, делая добро и страдая, терпите, это угодно Богу. |
| 21Sihe ved' teid om kuctud, sikš ku Hristos-ki tirpoi meiden täht da jäti meile ozutesen, miše astuižim hänen jäl'ghe. | 21Ибо вы к тому призваны, потому что и Христос пострадал за нас, оставив нам пример, дабы мы шли по следам Его. |
| 22— Ved' hän ei tegend grähkid, i hänen suspäi niken ei kulend kelastust. | 22Он не сделал никакого греха, и не было лести в устах Его. |
| 23Konz händast satatadihe sanal, hän ei tahtoind vastata sil-žo, a andoi ičtaze sen sudjan käzihe, kudamb sudib oiktal sudal. | 23Будучи злословим, Он не злословил взаимно; страдая, не угрожал, но предавал то Судии Праведному. |
| 24Hän libuti meiden grähkäd ičeze hibjas ristha, miše mö oližim kuti kolnuded grähkiden täht i eläižim tozioiktusen täht. Hänen kibedoil tö olet tehnus tervhikš. | 24Он грехи наши Сам вознес телом Своим на древо, дабы мы, избавившись от грехов, жили для правды: ранами Его вы исцелились. |
| 25Tö olit kut segoinuded lambhad [paimneta], a nügüd' tö olet pördnus teiden hengiden Paimnennoks da Kacujannoks. | 25Ибо вы были, как овцы блуждающие (не имея пастыря), но возвратились ныне к Пастырю и Блюстителю душ ваших. |
Глава 2