Выбрать язык
Книги Ветхого Завета
Книги Нового Завета
без русского текстаPETRAN EZMÄINE KIRJEINE | ПЕРВОЕ ПОСЛАНИЕ ПЕТРА |
Глава 1 | Глава 1 |
| 1Minä, Petr, Iisusan Hristosan apostol, oigendan tervhutesid Jumalan valitud uskondvellile, kudambad pagenikoin eläba levedali verhas mas — Pontas, Galatias, Kappadokias, Azias i Vifinias. | 1Петр, Апостол Иисуса Христа, пришельцам, рассеянным в Понте, Галатии, Каппадокии, Асии и Вифинии, избранным, |
| 2Jumal, meiden Tat, ičeze melen mödhe om valičenu teid, miše tö Pühän Hengen vedäden tegižitoiš kundlijaižikš Iisusale Hristosale i puhtastaižitoiš hänen verel.Antkaha Jumal teile enamban da enamban armoid da mirud! | 2по предведению Бога Отца, при освящении от Духа, к послушанию и окроплению Кровию Иисуса Христа: благодать вам и мир да умножится. |
| 3Olgha kittud meiden Ižandan Iisusan Hristosan Jumal da Tat! Ičeze suren armahtusen täht hän om eläbzoitnu Iisusan Hristosan kollijoišpäi i necen kal't om andnu meile uden sündundan, miše meil oliži eläb nadei, | 3Благословен Бог и Отец Господа нашего Иисуса Христа, по великой Своей милости возродивший нас воскресением Иисуса Христа из мертвых к упованию живому, |
| 4jäl'gestuz, kudamb nikonz ei kado, ei hubene, ei kuiva. Sidä kaitas taivhas teiden täht, | 4к наследству нетленному, чистому, неувядаемому, хранящемуся на небесах для вас, |
| 5keda Jumal ičeze vägel varjoičeb, miše tö uskondan kal't saižit päzutandan. Se päzutand om vaumiž, i se linneb avaitud necen aigan lopus. | 5силою Божиею через веру соблюдаемых ко спасению, готовому открыться в последнее время. |
| 6I sikš olgat hüviš meliš, hot' nügüd' teile pidab-ki tirpta vähäižen ahtištust, sikš ku teiden uskondad kodvdas kaikenlaižil manitusil. | 6О сем радуйтесь, поскорбев теперь немного, если нужно, от различных искушений, |
| 7Ved' kuld-ki pandas lämoihe, miše tundištada, om-ik nece todesine kuld, a teiden uskond om äjan kal'hemb, mi nece kadoi kuld. Ku teiden uskond püžub neniš ahtištusiš todesižen, ka se toškandeb teile kitändad, hoštotest da korktad arvod Iisusan Hristosan tulendpäiväl. | 7дабы испытанная вера ваша оказалась драгоценнее гибнущего, хотя и огнем испытываемого золота, к похвале и чести и славе в явление Иисуса Христа, |
| 8Tö armastat händast, hot' et olgoi nähnuded; hänehe tö uskot, hot' nügüd'-ki et nähkoi, i tö linnet sanumatomas i röunatomas ihastuses, | 8Которого, не видев, любите, и Которого доселе не видя, но веруя в Него, радуетесь радостью неизреченною и преславною, |
| 9ku sat päzutandan. Sikš tö uskot Hristosaha. | 9достигая наконец верою вашею спасения душ. |
| 10Necidä päzutandad oma Jumalan sanankandajad ecnuded da tarkištanuded. Hö oma endustanuded i pagižnuded teiden palan polhe tulijoiš armoiš, | 10К сему-то спасению относились изыскания и исследования пророков, которые предсказывали о назначенной вам благодати, |
| 11i tarkištanuded, kut i miččen aigan se päzutand tuleb. Sidä aigad heile ozuti heiš olii Hristosan Heng, konz endusti Hristosan mokid da sen jäl'ghe tulijad korktad arvod. | 11исследывая, на которое и на какое время указывал сущий в них Дух Христов, когда Он предвозвещал Христовы страдания и последующую за ними славу. |
| 12Heile anttihe teta, miše hö abutiba teile, a ei ičeleze. Hö toiba teile hüvän vestin oldes Pühäs Henges, oigetud taivhaspäi. Nece vest' oli teiden täht, no angelad-ki tahtoižiba kacuhtada sihe. | 12Им открыто было, что не им самим, а нам служило то, что ныне проповедано вам благовествовавшими Духом Святым, посланным с небес, во что желают проникнуть Ангелы. |
| 13Ka [armhad], olgha teiden mel' sel'ged i vaumiž tehta töid. Pangat teiden nadejad vaiše Jumalan armoihe, kudambid teile anttas, konz tuleb Iisus Hristos. | 13Посему, (возлюбленные), препоясав чресла ума вашего, бодрствуя, совершенно уповайте на подаваемую вам благодать в явлении Иисуса Христа. |
| 14Kut kundlijaižed lapsed, algat mängoi pahoiden himoiden jäl'ghe, miččiden valdas tö olit ende, konz völ et tednugoi hüväd vestid Iisusan Hristosan polhe. | 14Как послушные дети, не сообразуйтесь с прежними похотями, бывшими в неведении вашем, |
| 15Kut hän, ken om kucnu teid, om pühä, muga tö-ki olgat pühäd kaikes, midä teget. | 15но, по примеру призвавшего вас Святаго, и сами будьте святы во всех поступках. |
| 16Ved' Pühiš Kirjutusiš om sanutud: «Olgat pühäd, sikš ku minä olen pühä.» | 16Ибо написано: будьте святы, потому что Я свят. |
| 17I ku loites tö sanut Tataks händast, ken valičemata sudib jogahišt hänen azjoiden mödhe, ka elägat Jumalad varaiten, kuni elät völ verhin man päl. | 17И если вы называете Отцем Того, Который нелицеприятно судит каждого по делам, то со страхом проводите время странствования вашего, |
| 18Ved' tö tedat, miše teid om päzutadud valdale tatoiden tühjas elospäi ei miččen-se kadojan tavaran arvol, ei hobedan da kuldan, | 18зная, что не тленным серебром или золотом искуплены вы от суетной жизни, преданной вам от отцов, |
| 19a Hristosan, sen vigatoman da puhthan Vodnhan kal'hen veren arvol. | 19но драгоценною Кровию Христа, как непорочного и чистого Агнца, |
| 20Händast valitihe jo edel mirun tegendad, a nügüd' lopaigoil avaitihe teiden täht. | 20предназначенного еще прежде создания мира, но явившегося в последние времена для вас, |
| 21Hänen kal't tö uskot Jumalaha, kudamb om eläbzoitnu händast kollijoišpäi i andnu hänele korktan arvon. Muga teiden uskond da nadei om ühtenzoittud Jumalaha. | 21уверовавших чрез Него в Бога, Который воскресил Его из мертвых и дал Ему славу, чтобы вы имели веру и упование на Бога. |
| 22Nügüd' tö voit puhthal melel armastada uskondvellid, sikš miše olet puhtastanus, konz otit südäimehe toden Hengen kal't. Armastagat sid' toine tošt väzumata, kaikel südäimel. | 22Послушанием истине чрез Духа, очистив души ваши к нелицемерному братолюбию, постоянно любите друг друга от чистого сердца, |
| 23Ved' tö olet sündnuded udes, i et kadojas semnespäi, a kadomatomaspäi, Jumalan eläban i igähižen sanan kal't. | 23как возрожденные не от тленного семени, но от нетленного, от слова Божия, живаго и пребывающего вовек. |
| 24Ved' om sanutud Pühiš Kirjutusiš: — Mez' om kuti hein, mehen čomuz' om kuti nitun änikoine. Hein kuivab, änikoine lankteb, | 24Ибо всякая плоть--как трава, и всякая слава человеческая--как цвет на траве: засохла трава, и цвет ее опал; |
| 25a Ižandan sana püžub vahvan igän. I nece om se sana, om se hüvä vest', kudamban tö olet sanuded. | 25но слово Господне пребывает вовек; а это есть то слово, которое вам проповедано. |
Глава 1