Выбрать язык
Книги Ветхого Завета
Книги Нового Завета
без русского текстаAPOSTOLOIDEN TEGOD | ДЕЯНИЯ АПОСТОЛОВ |
Глава 18 | Глава 18 |
| 1Sen jäl'ghe Pavel läksi Afinaspäi i tuli Korinfaha. | 1После сего Павел, оставив Афины, пришел в Коринф; |
| 2Sigä hän vastsi evrejalaižen Akilan i hänen akan Priskillan. Akilan koditaho oli Ponta. Hö oliba ei amu tulnuded tänna Italiaspäi, sikš miše Klavdi-kesar' oli käsknu kaikile evrejalaižile lähtta Rimaspäi. Pavel läksi heidennoks, | 2и, найдя некоторого Иудея, именем Акилу, родом Понтянина, недавно пришедшего из Италии, и Прискиллу, жену его, --потому что Клавдий повелел всем Иудеям удалиться из Рима, --пришел к ним; |
| 3i ku heil oli ühtejitte rad, hän jäi ühtes heidenke radmaha. Hö oliba kangazpertižiden omblijad. | 3и, по одинаковости ремесла, остался у них и работал; ибо ремеслом их было делание палаток. |
| 4Kaikuččen sobatan Pavel pagiži suimpertiš i napri sada uskondaha kut evrejalaižid muga grekalaižid-ki. | 4Во всякую же субботу он говорил в синагоге и убеждал Иудеев и Еллинов. |
| 5Konz Sila i Timofei tuliba Makedoniaspäi, Pavel ičeze hengen käskös todišti evrejalaižile, miše Iisus om Messia. | 5А когда пришли из Македонии Сила и Тимофей, то Павел понуждаем был духом свидетельствовать Иудеям, что Иисус есть Христос. |
| 6No konz evrejalaižed zavodiba vastustada i nagrda, ka hän pudišti pölün ičeze sobišpäi i sanui: «Tulgha teiden veri teiden päle! Minä olen puhtaz. Neciš aigaspäi minä lähten Jumalad tundmatomiden rahvahidennoks.» | 6Но как они противились и злословили, то он, отрясши одежды свои, сказал к ним: кровь ваша на главах ваших; я чист; отныне иду к язычникам. |
| 7Hän läksi sigäpäi i mäni Justannoks, kudamb varaiži Jumalad i kudamban pert' oli suimpertin rindal. | 7И пошел оттуда, и пришел к некоторому чтущему Бога, именем Иусту, которого дом был подле синагоги. |
| 8No suimpertin pämez' Krisp i hänen kodihižed uskoškanziba Ižandaha, i äjad korinfalaižed kundeldes Pavlad uskoškanziba, i heid valatadihe. | 8Крисп же, начальник синагоги, уверовал в Господа со всем домом своим, и многие из Коринфян, слушая, уверовали и крестились. |
| 9Erasen ön Ižand sanui nägudeses Pavlale: «Ala varaida, a pagiže! Ala ole vaikti! | 9Господь же в видении ночью сказал Павлу: не бойся, но говори и не умолкай, |
| 10Minä olen sinunke. Niken ei koske sindai, miše tehta sinei pahad. Minai om äi rahvast neciš lidnas.» | 10ибо Я с тобою, и никто не сделает тебе зла, потому что у Меня много людей в этом городе. |
| 11I Pavel oli korinfalaižiden keskes pol'tošt vot i openzi heile Jumalan sanad. | 11И он оставался там год и шесть месяцев, поучая их слову Божию. |
| 12Sen aigan, konz valdižandan Ahaijas oli Gallion, evrejalaižed ühtes meles libuiba Pavlad vasthapäi, tabaziba i toiba händast sudha. | 12Между тем, во время проконсульства Галлиона в Ахаии, напали Иудеи единодушно на Павла и привели его пред судилище, |
| 13Hö sanuiba: «Nece mez' naprib käta rahvast loičmaha Jumalale muga, kut käskišton mödhe ei sa tehta.» | 13говоря, что он учит людей чтить Бога не по закону. |
| 14No Pavel völ ei ehtind avaita sud, ku Gallion sanui: «Evrejalaižed! Ku paginas oliži zakonan murenduz vai mitte-ni toine paha azj, ka minai oliži sü kundelta teid. | 14Когда же Павел хотел открыть уста, Галлион сказал Иудеям: Иудеи! если бы какая-нибудь была обида или злой умысел, то я имел бы причину выслушать вас, |
| 15No ku tö ridlet openduses, nimiš i teiden käskištos, ka nece om teiden azj. Sid' minä en tahtoi olda sudjan.» | 15но когда идет спор об учении и об именах и о законе вашем, то разбирайте сами; я не хочу быть судьею в этом. |
| 16Hän ajoi heid sudaspäi. | 16И прогнал их от судилища. |
| 17Siloi kaik grekalaižed tabaziba suimpertin pämehen Sosfenan i peksiba händast sudanpertin edes, no Gallional pä-ki ei kibištand siš. | 17А все Еллины, схватив Сосфена, начальника синагоги, били его перед судилищем; и Галлион нимало не беспокоился о том. |
| 18Pavel jäi miččeks-se aigaks Korinfaha. Sid' hän prostihe vellidenke i läksi meriči Siriaha. Hänenke oliba Priskilla i Akila. Edel matkad Pavel keriči pän Kenhrejas Jumalale anttud sanan tagut. | 18Павел, пробыв еще довольно дней, простился с братиями и отплыл в Сирию, --и с ним Акила и Прискилла, --остригши голову в Кенхреях, по обету. |
| 19Tuldes Efesaha, hän eriganzi heišpäi, iče mäni suimpert'he i pagiži evrejalaižidenke. | 19Достигнув Ефеса, оставил их там, а сам вошел в синагогу и рассуждал с Иудеями. |
| 20Hö pakičiba händast jäda heidennoks hätkembaks aigaks, no hän ei tahtoind. | 20Когда же они просили его побыть у них долее, он не согласился, |
| 21Hän prostihe heidenke i sanui: «Minei ani pidab praznuida tulii praznik Jerusalimas, no minä völ pördamoi teidennoks, ku linneb mugoine Jumalan vald.» Sid' hän läksi meriči Efesaspäi. [A Akila i Priskilla jäiba Efesaha.] | 21а простился с ними, сказав: мне нужно непременно провести приближающийся праздник в Иерусалиме; к вам же возвращусь опять, если будет угодно Богу. И отправился из Ефеса. (Акила же и Прискилла остались в Ефесе). |
| 22Hän tuli randale Kesariaha i sigäpäi läksi Jerusalimha. Hän sanui sigä tervhensanoid uskondkundale i läksi sid' Antiohiaha. | 22Побывав в Кесарии, он приходил в Иерусалим, приветствовал церковь и отошел в Антиохию. |
| 23Hän oli sigä pordon aigad, sid' läksi i käveli tahospäi tahoze Galatian i Frigian maiš, i vahvišti kaikid openikoid. | 23И, проведя там несколько времени, вышел, и проходил по порядку страну Галатийскую и Фригию, утверждая всех учеников. |
| 24Efesaha tuli Apollos-nimine evrejalaine, kudamb oli sündnu Aleksandrias. Hän mahtoi čomin pagišta i tezi kaik Pühäd Kirjutused. | 24Некто Иудей, именем Аполлос, родом из Александрии, муж красноречивый и сведущий в Писаниях, пришел в Ефес. |
| 25Hänele oli opetud Ižandan te, i hän palabal hengel i tarkas openzi Ižandan polhe, hot' iče tezi vaiše Joannan valatusen. | 25Он был наставлен в начатках пути Господня и, горя духом, говорил и учил о Господе правильно, зная только крещение Иоанново. |
| 26Apollos zavodi rohktas pagišta suimpertiš. Kulištades hänen sanad Akila i Priskilla kucuiba händast ičezennoks i sel'genzoitiba hänele Ižandan ten. | 26Он начал смело говорить в синагоге. Услышав его, Акила и Прискилла приняли его и точнее объяснили ему путь Господень. |
| 27Konz Apollos tahtoi mända Ahaijaha, velled vahvištiba händast neciš i kirjutiba kirjeižen openikoile, miše hö otaižiba händast ičezennoks. Tuldes sinna hän abuti nenile, ked Jumalan armoiden tagut oliba tehnus uskojikš. | 27А когда он вознамерился идти в Ахаию, то братия послали к тамошним ученикам, располагая их принять его; и он, прибыв туда, много содействовал уверовавшим благодатью, |
| 28Rahvahan edes Apollos lujas vahvas kumaiži evrejalaižiden sanad i Pühiden Kirjutusiden mödhe hän ozuteli, miše Iisus om Messia. | 28ибо он сильно опровергал Иудеев всенародно, доказывая Писаниями, что Иисус есть Христос. |
Глава 18