Выбрать язык
Книги Ветхого Завета
Книги Нового Завета
без русского текстаAPOSTOLOIDEN TEGOD | ДЕЯНИЯ АПОСТОЛОВ |
Глава 15 | Глава 15 |
| 1Judejaspäi Antiohiaha tuliba erased mehed, kudambad openziba vellid: «Ku tö et antkoi ičtatoi ümbrileikata, kut Moisei om käsknu, ka tö et voigoi päzuda grähkišpäi.» | 1Некоторые, пришедшие из Иудеи, учили братьев: если не обрежетесь по обряду Моисееву, не можете спастись. |
| 2Pavel i Varnava zavodiba vastustada heid, i sid' zavodihe sur' rid. Lopuks oli pättud, miše Pavel, Varnava i erased toižed lähteba necen ridazjan tagut apostoloidennoks da vanhembidennoks Jerusalimha. | 2Когда же произошло разногласие и немалое состязание у Павла и Варнавы с ними, то положили Павлу и Варнаве и некоторым другим из них отправиться по сему делу к Апостолам и пресвитерам в Иерусалим. |
| 3Uskondkund kerazi heid matkha, i hö astuiba Finikias i Samarias päliči i starinoičiba vellile, kut Jumalad tundmatomad rahvahad kärauzihe Jumalaha. Necen kulištades kaik lujas ihastuiba. | 3Итак, быв провожены церковью, они проходили Финикию и Самарию, рассказывая об обращении язычников, и производили радость великую во всех братиях. |
| 4Konz hö tuliba Jerusalimha, uskondkund, apostolad i vanhembad vastsiba heid hüvin, i hö saneliba, miččid surid tegoid Jumal heiden kal't om tehnu i kut hän avaiži uskondan uksen Jumalad tundmatomile rahvahile-ki. | 4По прибытии же в Иерусалим они были приняты церковью, Апостолами и пресвитерами, и возвестили всё, что Бог сотворил с ними и как отверз дверь веры язычникам. |
| 5Siloi erased uskondaha tulnuded farisejad seižutihe i sanuiba, miše pidab ümbrileikata ei-evrejalaižid uskojid i käskta heile tehta kaiken Moisejan käskišton mödhe. | 5Тогда восстали некоторые из фарисейской ереси уверовавшие и говорили, что должно обрезывать язычников и заповедывать соблюдать закон Моисеев. |
| 6Apostolad i vanhembad kogozihe pagižemha necen azjan polhe. | 6Апостолы и пресвитеры собрались для рассмотрения сего дела. |
| 7Pit'kiden vastpaginoiden jäl'ghe Petr libui i sanui: «Velled, tö tedat, miše jo amu Jumal om valičenu mindai meiden keskespäi, miše Jumalad tundmatomad rahvahad minun suspäi kuližiba hüvän vestin i uskoižiba. | 7По долгом рассуждении Петр, встав, сказал им: мужи братия! вы знаете, что Бог от дней первых избрал из нас меня, чтобы из уст моих язычники услышали слово Евангелия и уверовали; |
| 8Jumal, kaikiden südäimiden tundii, andoi heile Pühän Hengen mugažo kut meile-ki, i necil todišti, miše hän kacub heihe hüvin. | 8и Сердцеведец Бог дал им свидетельство, даровав им Духа Святаго, как и нам; |
| 9Hän nikut ei erigoitand heid meišpäi, vaiše puhtasti heiden südäimed uskondal. | 9и не положил никакого различия между нами и ими, верою очистив сердца их. |
| 10Ka mikš tö nügüd' tahtoit rändütoitta Jumalad, konz panlet openikoiden niškoihe mugoižen korman, mittušt ni mö, ni meiden tatad em voinugoi kantta? | 10Что же вы ныне искушаете Бога, желая возложить на выи учеников иго, которого не могли понести ни отцы наши, ни мы? |
| 11Ved' mö uskom, miše meid, mugažo kut heid-ki, päzutaba vaiše Ižandan Iisusan Hristosan armod.» | 11Но мы веруем, что благодатию Господа Иисуса Христа спасемся, как и они. |
| 12Kaik vaikastuiba i kundleškanziba, kut Varnava i Pavel starinoičiba, miččid tundmuztegoid i čudoid Jumal oli tehnu heiden kal't Jumalad tundmatomiden rahvahiden keskes. | 12Тогда умолкло все собрание и слушало Варнаву и Павла, рассказывавших, какие знамения и чудеса сотворил Бог через них среди язычников. |
| 13Konz hö lopiba paginan, zavodi pagišta Jakov. Hän sanui: «Velled, kulgat, midä sanun. | 13После же того, как они умолкли, начал речь Иаков и сказал: мужи братия! послушайте меня. |
| 14Simon starinoiči meile, kut Jumal ezmäks läheni ei-evrejalaižihe, miše otta heišpäi rahvahan ičeleze. | 14Симон изъяснил, как Бог первоначально призрел на язычников, чтобы составить из них народ во имя Свое. |
| 15Nece om üks'-se, midä oma Jumalan sanankandajad-ki sanunuded ičeze kirjutusiš: | 15И с сим согласны слова пророков, как написано: |
| 16— Sen jäl'ghe minä pördamoi, lendan udes Davidan murenuden kodin. Minä lendan sen kivironguspäi, minä panen sen udes, | 16Потом обращусь и воссоздам скинию Давидову падшую, и то, что в ней разрушено, воссоздам, и исправлю ее, |
| 17miše kaik toižed-ki mehed ecižiba Ižandad, kaik rahvahad, kudambiden keskes saneleškatas minun nimen polhe. Muga sanub Ižand, kudamb tegeb kaiken necen. | 17чтобы взыскали Господа прочие человеки и все народы, между которыми возвестится имя Мое, говорит Господь, творящий все сие. |
| 18Jumalale oma tetabad kaik hänen tegod amuižes aigaspäi. | 18Ведомы Богу от вечности все дела Его. |
| 19Sikš olen mugošt mel't, miše ei pida jügenzoitta elod nenil, ked toižiš rahvahišpäi käraudasoiš Jumalaha. | 19Посему я полагаю не затруднять обращающихся к Богу из язычников, |
| 20Vaiše meile tarbiž kirjutada heile kirjeine, miše hö ei söiži mugošt, mi om tühjil jumaloil paganzoittud, miše ei eläiži vedeluzelod, ei söiži lihad, kuspäi veri ei ole pästtud, i vert, i miše ei tegiži toižile sidä, midä ei tahtoigoi ičeleze. | 20а написать им, чтобы они воздерживались от оскверненного идолами, от блуда, удавленины и крови, и чтобы не делали другим того, чего не хотят себе. |
| 21Jo amuižiš aigoišpäi kaikuččes lidnas saneldas Moisejan käskištod, sikš ku lugetas sidä suimpertiš joga sobatan.» | 21Ибо закон Моисеев от древних родов по всем городам имеет проповедующих его и читается в синагогах каждую субботу. |
| 22Siloi apostolad i vanhembad ühtes kaiken uskondkundanke tuliba sihe mel'he, miše pidab valita mehid ičeze sebraspäi i oigeta heid ühtes Pavlanke i Varnavanke Antiohiaha. Hö valičiba Judan, kudamban toine nimi oli Varsava, i Silan. Nene kaks' mest oliba pämehin uskondvelliden keskes. | 22Тогда Апостолы и пресвитеры со всею церковью рассудили, избрав из среды себя мужей, послать их в Антиохию с Павлом и Варнавою, именно: Иуду, прозываемого Варсавою, и Силу, мужей, начальствующих между братиями, |
| 23Heidenke oigetihe mugoine kirjeine:«Mö, apostolad i vanhembad, teiden velled, oigendam tervhensanoid teile, kudambad Jumalad tundmatomiš rahvahišpäi olet käraudanus Jumalaha i olet nügüd' Antiohias, Sirias i Kilikias. | 23написав и вручив им следующее: `Апостолы и пресвитеры и братия--находящимся в Антиохии, Сирии и Киликии братиям из язычников: радоваться. |
| 24Mö kulištim, miše erased meišpäi lähtnuded mehed, kudambid mö em oigendanugoi, ičeze paginoil segoitiba teid i holestoitiba, ku sanuiba, miše pidab tehta ümbrileiktuz i tarkas eläda käskišton mödhe. | 24Поелику мы услышали, что некоторые, вышедшие от нас, смутили вас своими речами и поколебали ваши души, говоря, что должно обрезываться и соблюдать закон, чего мы им не поручали, |
| 25Kerates mö tulim ühthe mel'he, miše pidab valita mehid i oigeta heid teidennoks. Hö tuleba meiden armhiden vellidenke Pavlanke i Varnavanke, | 25то мы, собравшись, единодушно рассудили, избрав мужей, послать их к вам с возлюбленными нашими Варнавою и Павлом, |
| 26kudambad oliba vaumhed antta ičeze elod meiden Ižandan Iisusan Hristosan nimen täht. | 26человеками, предавшими души свои за имя Господа нашего Иисуса Христа. |
| 27Oigendam sikš Judan i Silan, i hö toba necen-žo vestin paginal-ki. | 27Итак мы послали Иуду и Силу, которые изъяснят вам то же и словесно. |
| 28Pühä Heng i mö em tahtoigoi jügenzoitta teiden elod mil-ni toižel, vaiše necil, kudambata ei sa olda: | 28Ибо угодно Святому Духу и нам не возлагать на вас никакого бремени более, кроме сего необходимого: |
| 29Algat sögoi sömäd, kudamb om pandud altarile tühjile jumaloile, mugažo vert i mugošt lihad, kudambaspäi veri ei ole pästtud. Algat elägoi vedeluzelod i algat tehkoi toižile sidä, midä et tahtoigoi ičeletoi. Ku nenid azjoid et tehkoi, kaik linneb hüvin. Jägat tervhikš.» | 29воздерживаться от идоложертвенного и крови, и удавленины, и блуда, и не делать другим того, чего себе не хотите. Соблюдая сие, хорошо сделаете. Будьте здравы'. |
| 30Muga heid oigetihe matkha. Antiohiaha tuldes hö kucuiba uskondkundan ühthe i andoiba kirjeižen vellile. | 30Итак, отправленные пришли в Антиохию и, собрав людей, вручили письмо. |
| 31Hö lugiba kirjeižen i ihastuiba, ku saiba rohktust sen sanoišpäi. | 31Они же, прочитав, возрадовались о сем наставлении. |
| 32Juda i Sila, kudambad iče-ki oliba Jumalan sanankandajad, äjil sanoil nevoiba vellid i vahvištiba heid uskondas. | 32Иуда и Сила, будучи также пророками, обильным словом преподали наставление братиям и утвердили их. |
| 33Hö oliba sigä äjak-se aigad, i velled pästiba heid tünäs tagaze apostoloidennoks. | 33Пробыв там некоторое время, они с миром отпущены были братиями к Апостолам. |
| 34No Sila tahtoi jäda heidenke. A Juda pördihe üksnäze Jerusalimha. | 34Но Силе рассудилось остаться там. (А Иуда возвратился в Иерусалим.) |
| 35Pavel i Varnava jäiba völ Antiohiaha. Ühtes äjiden toižidenke hö openziba i saneliba Ižandan sanad. | 35Павел же и Варнава жили в Антиохии, уча и благовествуя, вместе с другими многими, слово Господне. |
| 36Mäni kuverz'-se aigad, i Pavel sanui Varnavale: «Lähtkam möst ühtes matkha kaikihe nenihe lidnoihe, kus mö sanelim Ižandan sanad. Kackam, kut meiden velled eläba.» | 36По некотором времени Павел сказал Варнаве: пойдем опять, посетим братьев наших по всем городам, в которых мы проповедали слово Господне, как они живут. |
| 37Varnava tahtoi otta kerdale Joannad, kudamb völ kuctihe Markaks, | 37Варнава хотел взять с собою Иоанна, называемого Марком. |
| 38no Pavel ei tahtoind otta händast, sikš ku hän Pamfilias jäti heid i ei jatktand heidenke radod, miččele heid oli oigetud. | 38Но Павел полагал не брать отставшего от них в Памфилии и не шедшего с ними на дело, на которое они были посланы. |
| 39Hö muga ridleškanziba, miše heile pidi erigata toine toižespäi. Varnava oti kerdale Markan i läksi meriči Kiprale. | 39Отсюда произошло огорчение, так что они разлучились друг с другом; и Варнава, взяв Марка, отплыл в Кипр; |
| 40Pavel valiči ičeze sebranikaks Silan. Velled pakičiba Jumalal armoid hänen täht, i hän läksi matkha. | 40а Павел, избрав себе Силу, отправился, быв поручен братиями благодати Божией, |
| 41Pavel astui Sirias i Kilikias läbi i vahvišti uskondkundid. | 41и проходил Сирию и Киликию, утверждая церкви. |
Глава 15