Выбрать язык
Книги Ветхого Завета
Книги Нового Завета
без русского текстаAPOSTOLOIDEN TEGOD | ДЕЯНИЯ АПОСТОЛОВ |
Глава 14 | Глава 14 |
| 1Ikonias Pavel i Varnava mäniba ühtes evrejalaižiden suimpert'he i pagižiba muga, miše äi evrejalaižid i grekalaižid zavodiba uskta. | 1В Иконии они вошли вместе в Иудейскую синагогу и говорили так, что уверовало великое множество Иудеев и Еллинов. |
| 2No ned evrejalaižed, kudambad ei usknugoi, tomotiba Jumalad tundmatomid rahvahid vastustamha uskondvellid. | 2А неверующие Иудеи возбудили и раздражили против братьев сердца язычников. |
| 3No üks'kaik apostolad oliba lidnas völ hätken. Hö pagižiba rohktas Ižandan polhe. Ižand andoi heile väged tehta tundmuztegoid da čudoid i muga ozuti, miše heiden sanad hänen armoiden polhe oliba todesižed. | 3Впрочем они пробыли здесь довольно времени, смело действуя о Господе, Который, во свидетельство слову благодати Своей, творил руками их знамения и чудеса. |
| 4Lidnan eläjad jagoihe: toižed oliba evrejalaižiden, toižed apostoloiden polel. | 4Между тем народ в городе разделился: и одни были на стороне Иудеев, а другие на стороне Апостолов. |
| 5Ei-evrejalaižed i evrejalaižed ühtes ičeze pämehidenke tahtoiba tabata apostoloid i tacta heihe kivil. | 5Когда же язычники и Иудеи со своими начальниками устремились на них, чтобы посрамить и побить их камнями, |
| 6No konz apostolad tedištiba necen, hö pageniba Likaonian lidnoihe Listraha i Derviaha i niiden ümbrištoho. | 6они, узнав о сем, удалились в Ликаонские города Листру и Дервию и в окрестности их, |
| 7Sigä hö saneliba hüväd vestid. | 7и там благовествовали. |
| 8Listras oli mez', kudamban jaugad oliba vägetomad. Hän oli sündnu mugoman i ei voind nikonz kävelta. | 8В Листре некоторый муж, не владевший ногами, сидел, будучи хром от чрева матери своей, и никогда не ходил. |
| 9Mez' ištui i kundli Pavlan paginad. Pavlan sil'mäd azotihe hänel, i Pavel homaiči, miše mez' uskob tervehtumižehe. | 9Он слушал говорившего Павла, который, взглянув на него и увидев, что он имеет веру для получения исцеления, |
| 10Pavel sanui surel änel: «Sanun sinei Ižandan Iisusan Hristosan nimes: seižutade jaugoile!» Mez' sid'-žo hüppähti jaugoile i käveleškanzi. | 10сказал громким голосом: тебе говорю во имя Господа Иисуса Христа: стань на ноги твои прямо. И он тотчас вскочил и стал ходить. |
| 11Konz rahvaz nägišti, midä Pavel oli tehnu, hö kidastaškanziba likaonian kelel: «Jumalad mehiden kartte oma tulnuded alahaks meidennoks!» | 11Народ же, увидев, что сделал Павел, возвысил свой голос, говоря по-ликаонски: боги в образе человеческом сошли к нам. |
| 12Hö kucuškanziba Varnavan Zevsaks i Pavlan Germesaks, sikš ku hän pagiži enamban. | 12И называли Варнаву Зевсом, а Павла Ермием, потому что он начальствовал в слове. |
| 13Heiden lidnan irdpolel oli Zevs-jumalan pühäkodi, i sen pap toi härgid i vencoid lidnan verajannoks, miše ühtes rahvahanke panda ned žertvaks altarile Pavlan i Varnavan täht. | 13Жрец же идола Зевса, находившегося перед их городом, приведя к воротам волов и принеся венки, хотел вместе с народом совершить жертвоприношение. |
| 14Konz apostolad Varnava i Pavel kulištiba neciš, hö rebitiba ičeze sobad, tacihe rahvazkogoho i zavodiba kidastada: | 14Но Апостолы Варнава и Павел, услышав о сем, разодрали свои одежды и, бросившись в народ, громогласно говорили: |
| 15«Midä tö teget? Mö-ki olem mehed, mugoižed-žo kut tö. Mö sanelem teile hüvän vestin, miše tö kärauzižitoiš neniš tühjiš jumaloišpäi eläbaha Jumalaha, kudamb om tehnu taivhan i man i meren i kaiken, midä sigä om. | 15мужи! что вы это делаете? И мы--подобные вам человеки, и благовествуем вам, чтобы вы обратились от сих ложных к Богу Живому, Который сотворил небо и землю, и море, и все, что в них, |
| 16Endižaigal hän andoi valdan kaikile rahvahile kävuda ičeze tedme, | 16Который в прошедших родах попустил всем народам ходить своими путями, |
| 17no hän kaiken todišti ičeze polhe hüvil tegoil: hän andoi meile vihmoid taivhaspäi i villäd ičeze aigan, hän söti meid i täuti meid ihastusel.» | 17хотя и не переставал свидетельствовать о Себе благодеяниями, подавая нам с неба дожди и времена плодоносные и исполняя пищею и веселием сердца наши. |
| 18Nenil sanoil hö habi seižutiba rahvast andmaspäi žertvoid heile i käskiba mända kodihe.Pavel i Varnava jäiba Listraha i openziba rahvast. | 18И, говоря сие, они едва убедили народ не приносить им жертвы и идти каждому домой. Между тем, как они, оставаясь там, учили, |
| 19Necen aigan Antiohiaspäi i Ikoniaspäi tuliba sinna erased evrejalaižed, i konz apostolad pagižiba rohktas, evrejalaižed pagištoitiba rahvast erigata apostoloišpäi sanuden: «Hö ei pagiškoi nimittušt tot, vaiše manitaba.» Hö libutiba rahvast i taciškanziba kivid Pavlaha. Hö meletiba, miše hän koli, i lükäižiba hänen hibjan lidnanseinän taga. | 19из Антиохии и Иконии пришли некоторые Иудеи и, когда Апостолы смело проповедывали, убедили народ отстать от них, говоря: они не говорят ничего истинного, а все лгут. И, возбудив народ, побили Павла камнями и вытащили за город, почитая его умершим. |
| 20No konz openikad kerazihe hänes ümbri, hän libui maspäi i pördihe lidnaha. Toižel päiväl hän läksi Varnavanke Derviaha. | 20Когда же ученики собрались около него, он встал и пошел в город, а на другой день удалился с Варнавою в Дервию. |
| 21Pavel i Varnava saneliba Dervias hüväd vestid i tegiba äjid mehid openikoikš. Sid' hö pördihe Listraha, Ikoniaha i Antiohiaha, | 21Проповедав Евангелие сему городу и приобретя довольно учеников, они обратно проходили Листру, Иконию и Антиохию, |
| 22vahvištiba openikoiden südäimid i tomotiba heid püžuda uskondas. Hö saneliba: «Meile pidab mända läbi äjiš ahtištusiš, edel ku tulem Jumalan valdkundaha.» | 22утверждая души учеников, увещевая пребывать в вере и поучая, что многими скорбями надлежит нам войти в Царствие Божие. |
| 23Pavel i Varnava paniba vanhembid kaikuččehe uskondkundaha, loičiba i pühütiba i jätiba heid Ižandale, kenehe nügüd' hö uskoiba. | 23Рукоположив же им пресвитеров к каждой церкви, они помолились с постом и предали их Господу, в Которого уверовали. |
| 24Apostolad mäniba Pisidias päliči i tuliba Pamfiliaha. | 24Потом, пройдя через Писидию, пришли в Памфилию, |
| 25Sid' hö saneliba Ižandan sanad Pergias i läksiba edemba Attaliaha. | 25и, проповедав слово Господне в Пергии, сошли в Атталию; |
| 26Sigäpäi hö meriči tuliba Antiohiaha, kuspäi heid Jumalan armoil oli-ki oigetud sille radole, kudamban hö nügüd' lopiba. | 26а оттуда отплыли в Антиохию, откуда были преданы благодати Божией на дело, которое и исполнили. |
| 27Antiohiaha tuldes hö kucuiba uskondkundan suimha i starinoičiba, miččid surid tegoid Jumal heiden kal't oli tehnu i kut hän oli avaidanu uskondan uksen Jumalad tundmatomile rahvahile. | 27Прибыв туда и собрав церковь, они рассказали всё, что сотворил Бог с ними и как Он отверз дверь веры язычникам. |
| 28Sigä hö oliba pordon aigad openikoiden keskes. | 28И пребывали там немалое время с учениками. |
Глава 14