Выбрать язык
Книги Ветхого Завета
Книги Нового Завета
без русского текстаAPOSTOLOIDEN TEGOD | ДЕЯНИЯ АПОСТОЛОВ |
Глава 5 | Глава 5 |
| 1Eraz mez', kudamb kuctihe Anania, möi ičeze akanke Sapfiranke palan mad, | 1Некоторый же муж, именем Анания, с женою своею Сапфирою, продав имение, |
| 2no ühten palan dengoišpäi jäti ičeleze, i hänen ak tezi necen. Toižed dengad hän toi i pani apostoloiden jaugoihe. | 2утаил из цены, с ведома и жены своей, а некоторую часть принес и положил к ногам Апостолов. |
| 3No Petr sanui: «Anania, mikš andoid ičeiž südäimen sotonan valdha i kelastid Pühäle Hengele, jätid ičeleiž palan mödud man dengoišpäi? | 3Но Петр сказал: Анания! Для чего ты допустил сатане вложить в сердце твое мысль солгать Духу Святому и утаить из цены земли? |
| 4Ved' nece ma oli sinun, konz völ ed olend mönu sidä, i sinun oliba dengad-ki, konz sen möid. Kut sinei tuli mel'he tehta muga? Ved' sinä ed mehile kelastand, a Jumalale.» | 4Чем ты владел, не твое ли было, и приобретенное продажею не в твоей ли власти находилось? Для чего ты положил это в сердце твоем? Ты солгал не человекам, а Богу. |
| 5Kuldes nene sanad, Anania koli i lanksi maha. Kaik, ked kulištiba siš, lujas pöl'gästuiba. | 5Услышав сии слова, Анания пал бездыханен; и великий страх объял всех, слышавших это. |
| 6Sid' tuliba nored mehed, käriba Ananian hibjan, veiba sigäpäi i paniba maha. | 6И встав, юноши приготовили его к погребению и, вынеся, похоронили. |
| 7Časud koume möhemba tuli Ananian ak, kudamb ei tedand, mi oli tehnus. | 7Часа через три после сего пришла и жена его, не зная о случившемся. |
| 8Petr küzui hänel: «Sanu minei, mugoižes-ik arvos tö möit manpalan?» «Ka,» sanui hän, «mugoižes.» | 8Петр же спросил ее: скажи мне, за столько ли продали вы землю? Она сказала: да, за столько. |
| 9Petr sanui hänele: «Kut tö laditoiš manitada Ižandan Henged! Kacu uksiš oma mehed, ked paniba maha sinun mužikan. Hö veba täspäi sindai-ki.» | 9Но Петр сказал ей: что это согласились вы искусить Духа Господня? вот, входят в двери погребавшие мужа твоего; и тебя вынесут. |
| 10Ühtnägoi ak lanksi Petran jaugoihe i koli. Nored mehed tuliba i nägištiba händast kollijan. Hö veiba händast täspäi i paniba maha mužikan rindale. | 10Вдруг она упала у ног его и испустила дух. И юноши, войдя, нашли ее мертвою и, вынеся, похоронили подле мужа ее. |
| 11Nece lujas pöl'gästoiti kaiken uskondkundan i kaikid, ked kulištiba neciš. | 11И великий страх объял всю церковь и всех слышавших это. |
| 12Apostolad tegiba rahvahan keskes äi tundmuztegoid i čudoid. Kaik uskojad ühtmeližin vastsihe Solomonan pacazgalerejas. | 12Руками же Апостолов совершались в народе многие знамения и чудеса; и все единодушно пребывали в притворе Соломоновом. |
| 13Niken toine ei rohtind tartta heihe, no rahvaz navedi heid. | 13Из посторонних же никто не смел пристать к ним, а народ прославлял их. |
| 14Ižandaha uskojiden lugumär, kut mužikoiden, muga akoiden-ki, kaiken kazvoi. | 14Верующих же более и более присоединялось к Господу, множество мужчин и женщин, |
| 15Mehed toskeliba läžujid irdoile, panliba heid sijoile i kangazsabilahile muga, miše Petran asttes vaiše hänen kuvahaine kosketaiži keda-ni heišpäi. | 15так что выносили больных на улицы и полагали на постелях и кроватях, дабы хотя тень проходящего Петра осенила кого из них. |
| 16Ümbrišton lidnoišpäi-ki sured kogod rahvast tuliba Jerusalimha. Hö toskeliba läžujid i nenid, keda mokičiba paganad henged, i kaik tegihe tervhikš. | 16Сходились также в Иерусалим многие из окрестных городов, неся больных и нечистыми духами одержимых, которые и исцелялись все. |
| 17Sid' ülembaine pap i kaik, ked oliba hänen polel, saddukejiden sebras, lujas kadehtiškanziba. | 17Первосвященник же и с ним все, принадлежавшие к ереси саддукейской, исполнились зависти, |
| 18Hö tabaziba apostoloid i taciba heid türmha. | 18и наложили руки свои на Апостолов, и заключили их в народную темницу. |
| 19No öl Ižandan angel avaiži türman uksed, vei heid irdale i sanui: | 19Но Ангел Господень ночью отворил двери темницы и, выведя их, сказал: |
| 20«Mängat, seiškat pühäkodiš i sanelgat rahvahale kaik necen uden elon sanad.» | 20идите и, став в храме, говорите народу все сии слова жизни. |
| 21Apostolad tegiba-ki muga: mäniba aigoiš homendesel pühäkodihe i zavodiba opeta. Konz ülembaine pap tuli, hän i hänen polel olijad keraziba Nevondkundan — kaikid Izrail'an rahvahan vanhembid — i oigenziba tomha apostoloid türmaspäi. | 21Они, выслушав, вошли утром в храм и учили. Между тем первосвященник и которые с ним, придя, созвали синедрион и всех старейшин из сынов Израилевых и послали в темницу привести Апостолов. |
| 22Käskabunikad tuliba sinna, no ei löudnugoi apostoloid. Hö pördihe i sanuiba: | 22Но служители, придя, не нашли их в темнице и, возвратившись, донесли, |
| 23«Mö nägim, miše türm oli vahvas saubatud i varjoičijad seižuiba uksiš, no konz avaižim uksen, ka em löudnugoi sigä nikeda.» | 23говоря: темницу мы нашли запертою со всею предосторожностью и стражей стоящими перед дверями; но, отворив, не нашли в ней никого. |
| 24Konz ülembaine pap, pühäkodin varjoičijoiden pämez' i toižed ülembaižed papid kulištiba necen, ka hö ei voinugoi el'geta, midä nece kaik znamoičiži. | 24Когда услышали эти слова первосвященник, начальник стражи и прочие первосвященники, недоумевали, что бы это значило. |
| 25Sid' tuli eraz mez' sanumaha: «Ned mehed, keda tö tacit türmha, seižuba pühäkodiš i opendaba rahvast.» | 25Пришел же некто и донес им, говоря: вот, мужи, которых вы заключили в темницу, стоят в храме и учат народ. |
| 26Varjoičijoiden pämez' läksi käskabunikoidenke i toi apostoloid tagaze. Hö ei tehnugoi sidä väges, sikš ku varaižiba, miše rahvaz voiži tacta heihe kivid. | 26Тогда начальник стражи пошел со служителями и привел их без принуждения, потому что боялись народа, чтобы не побили их камнями. |
| 27Hö toiba apostoloid i seižutiba heid Nevondkundan edehe, i ülembaine pap zavodi küzelta heid. | 27Приведя же их, поставили в синедрионе; и спросил их первосвященник, говоря: |
| 28Hän sanui: «Em-ik mö lujas käsknugoi teile, miše et opendaiži sen mehen nimes? No nügüd' kaik Jerusalim om täuz' teiden opendust, da völ tö tahtoit väritada meid sen mehen surmas.» | 28не запретили ли мы вам накрепко учить о имени сем? и вот, вы наполнили Иерусалим учением вашим и хотите навести на нас кровь Того Человека. |
| 29Neche Petr i toižed apostolad sanuiba: «Enamban pidab kundelta Jumalad, mi mehid. | 29Петр же и Апостолы в ответ сказали: должно повиноваться больше Богу, нежели человекам. |
| 30Meiden ezitatoiden Jumal om eläbzoitnu Iisusan, kudamban tö riputit puhu i surmičit. | 30Бог отцов наших воскресил Иисуса, Которого вы умертвили, повесив на древе. |
| 31Jumal om libutanu händast ičeze oiktale kädele Pämeheks i Päzutajaks, miše hän kändaiži Izrail'an rahvast Jumalaha da pästaiži heile grähkäd. | 31Его возвысил Бог десницею Своею в Начальника и Спасителя, дабы дать Израилю покаяние и прощение грехов. |
| 32Mö olem kaiken necen todištajad, kuti Pühä Heng-ki, kudamban Jumal om andnu heile, ked händast kundleba.» | 32Свидетели Ему в сем мы и Дух Святый, Которого Бог дал повинующимся Ему. |
| 33Necen kulištades Nevondkundan mehed lujas käreganziba i tahtoiba rikta apostoloid. | 33Слышав это, они разрывались от гнева и умышляли умертвить их. |
| 34Sid' Nevondkundas seižutihe üks' farisei, käskištonopendai, kudamb kuctihe Gamaliilaks i kudamban rahvaz pidi sures arvos. Hän käski veda apostoloid pordoižeks irdale | 34Встав же в синедрионе, некто фарисей, именем Гамалиил, законоучитель, уважаемый всем народом, приказал вывести Апостолов на короткое время, |
| 35i sid' sanui Nevondkundale: «Izrail'aižed, ezmäi hüvin meletagat, edel ku midä-ni teget nenile mehile. | 35а им сказал: мужи Израильские! подумайте сами с собою о людях сих, что вам с ними делать. |
| 36Ei amu täs oli üks' mez', Fevda, kudamb pidi ičtaze suren mehen. Hänen jäl'ghe läksi läz nellädsadad mest. No händast riktihe, i kaik hänen sebr suli, i sil kaik lopihe. | 36Ибо незадолго перед сим явился Февда, выдавая себя за кого-то великого, и к нему пристало около четырехсот человек; но он был убит, и все, которые слушались его, рассеялись и исчезли. |
| 37Hänen jäl'ghe oli Juda Galilejalaine. Hän tuli rahvahan kirjutamižen aigan i kerazi äi rahvast ümbri ičtaze. Hän-ki mugažo koli, i kaik hänen sebr suli. | 37После него во время переписи явился Иуда Галилеянин и увлек за собою довольно народа; но он погиб, и все, которые слушались его, рассыпались. |
| 38Sikš minä nügüd' sanun teile: algat tartkoi nenihe mehiže, jätkat heid. Ku nece azj vai nece tego om rahvahaspäi, ka iče sambub. | 38И ныне, говорю вам, отстаньте от людей сих и оставьте их; ибо если это предприятие и это дело--от человеков, то оно разрушится, |
| 39A ku om Jumalaspäi, ka tö et voigoi seižutada sidä. Kackat! A ku tö toradat Jumalad vasthapäi?» | 39а если от Бога, то вы не можете разрушить его; берегитесь, чтобы вам не оказаться и богопротивниками. |
| 40Kaik kundliba Gamaliilad. Nevondkundan mehed kucuiba apostoloid pert'he, andoiba heid löda i käskiba kovas, miše hö ei pagižiži Iisusan nimes, i pästiba heid valdale. | 40Они послушались его; и, призвав Апостолов, били их и, запретив им говорить о имени Иисуса, отпустили их. |
| 41Apostolad läksiba Nevondkundaspäi ihastusiš, miše heid kactihe arvokahikš tirpta huiktad Ižandan Iisusan nimen täht. | 41Они же пошли из синедриона, радуясь, что за имя Господа Иисуса удостоились принять бесчестие. |
| 42Hö ei azotanus, a kaikuččen päivän openziba pühäkodiš i saneliba pertišpäi pert'he hüväd vestid, miše Iisus om Messia. | 42И всякий день в храме и по домам не переставали учить и благовествовать об Иисусе Христе. |
Глава 5