Выбрать язык
Книги Ветхого Завета
Книги Нового Завета
без русского текстаAPOSTOLOIDEN TEGOD | ДЕЯНИЯ АПОСТОЛОВ |
Глава 2 | Глава 2 |
| 1Sid' konz tuli Stroicanpäiv, hö kaik oliba ühtes. | 1При наступлении дня Пятидесятницы все они были единодушно вместе. |
| 2Ühtnägoi taivhaspäi kuluškanzi än' kuti piringkuro, i se täuti kaiken sen pertin, kus hö ištuiba. | 2И внезапно сделался шум с неба, как бы от несущегося сильного ветра, и наполнил весь дом, где они находились. |
| 3Hö nägištiba lämoin karččed keled, kudambad jagoihe i seižutihe kaikuččen päle. | 3И явились им разделяющиеся языки, как бы огненные, и почили по одному на каждом из них. |
| 4Hö kaik täutihe Pühäl Hengel i zavodiba pagišta erazvuiččil kelil, muga kut Heng andoi heile pagišta. | 4И исполнились все Духа Святаго, и начали говорить на иных языках, как Дух давал им провещевать. |
| 5Jerusalimas eliba jumalahižed evrejalaižed, kudambad oliba tulnuded sinna kaikiš rahvahišpäi, keda vaiše om taivhan al. | 5В Иерусалиме же находились Иудеи, люди набожные, из всякого народа под небом. |
| 6Konz kuluškanzi nece än', sinna kerazihe äi rahvast; kaik čududelihe, sikš ku kaikutte heišpäi kuli paginan ičeze kelel. | 6Когда сделался этот шум, собрался народ, и пришел в смятение, ибо каждый слышал их говорящих его наречием. |
| 7Lujas čududeldes hö kaik küzeliba toine tošt: «Ei-ik nene, ked pagižeba, olgoi kaik galilejalaižed? | 7И все изумлялись и дивились, говоря между собою: сии говорящие не все ли Галилеяне? |
| 8Kutak kaikutte meišpäi kuleb paginan sen man kelel, kus om sündnu? | 8Как же мы слышим каждый собственное наречие, в котором родились. |
| 9Ved' meiden keskes om Parfianman eläjid, midianalaižid, elamilaižid, meid om Mesopotamiaspäi, Judejaspäi i Kappadokiaspäi, Pontaspäi i Azian taholpäi, | 9Парфяне, и Мидяне, и Еламиты, и жители Месопотамии, Иудеи и Каппадокии, Понта и Асии, |
| 10Frigiaspäi, Pamfiliaspäi, Egiptaspäi, Livian Kirinejan lidnan ümbrištospäi. Erased meišpäi oma tulnuded Rimaspäi, toižed — igähižed evrejalaižed, toižed — ked kärauzihe meiden rahvahan uskondaha; | 10Фригии и Памфилии, Египта и частей Ливии, прилежащих к Киринее, и пришедшие из Рима, Иудеи и прозелиты, |
| 11meiden keskes oma kritalaižed i arabad — i kaik mö kulem, kut hö pagižeba Jumalan suriden tegoiden polhe meiden kelil.» | 11критяне и аравитяне, слышим их нашими языками говорящих о великих делах Божиих? |
| 12Hö ei tednugoi, midä meletada. Čududeldes hö küzeliba toine tošt: «Mi nece om?» | 12И изумлялись все и, недоумевая, говорили друг другу: что это значит? |
| 13No erased nagroiba heid: «Hö oma jonuded äi magedad vinad.» | 13А иные, насмехаясь, говорили: они напились сладкого вина. |
| 14Sid' Petr ühtes toižidenke ühtentoštkümnenke tuli ezile. Hän zavodi pagišta surel änel: «Kundelkat mindai, evrejalaižed, i kaik, ked elät Jerusalimas! Tekat nece: | 14Петр же, став с одиннадцатью, возвысил голос свой и возгласил им: мужи Иудейские, и все живущие в Иерусалиме! сие да будет вам известно, и внимайте словам моим: |
| 15Nene mehed ei olgoi humalaššed, kut tö meletat, — ved' nügüd' om vaiše päivän koumanz' čas. | 15они не пьяны, как вы думаете, ибо теперь третий час дня; |
| 16Nece om se, mi oli sanutud Jumalan sanankandajan Joil'an sul: | 16но это есть предреченное пророком Иоилем: |
| 17— Jäl'gmäižil päivil, sanub Jumal, minä valan minun Hengen kaikihe mehiže. Teiden poigad i tütred tegesoiš minun sanankandajikš, nored mehed nägištaba nägudesid, a vanhad mehed — endustuzunid. | 17И будет в последние дни, говорит Бог, излию от Духа Моего на всякую плоть, и будут пророчествовать сыны ваши и дочери ваши; и юноши ваши будут видеть видения, и старцы ваши сновидениями вразумляемы будут. |
| 18Eskai minun käskabunikoihe, kut mužikoihe, muga akoihe-ki, minä valan ičein Hengespäi nenil päivil, i hö zavodiba sanelda sidä, midä kulištaba minuspäi. | 18И на рабов Моих и на рабынь Моих в те дни излию от Духа Моего, и будут пророчествовать. |
| 19Minä ozutan čudoid ülähän taivhas, znamoid alahan man päl: vert, lämoid i savunpil'vid. | 19И покажу чудеса на небе вверху и знамения на земле внизу, кровь и огонь и курение дыма. |
| 20Päiväine pimenzub, kudmaine tegese rusktaks kut veri, edel sidä ku linneb Ižandan päiv, sur' i korged. | 20Солнце превратится во тьму, и луна--в кровь, прежде нежели наступит день Господень, великий и славный. |
| 21No ken kucuškandeb abuhu Ižandan nimed, se linneb päzutadud. | 21И будет: всякий, кто призовет имя Господне, спасется. |
| 22Tö, izrail'aižed, kundelkat, midä teile sanun! Jumal om valičenu teiden täht Nazaretalaižen Iisusan. Hän ozuti sen suril tegoil, čudoil i znamoil, kudambid hän Iisusan kal't tegi teiden keskes, muga kut tö iče-ki tedat. | 22Мужи Израильские! выслушайте слова сии: Иисуса Назорея, Мужа, засвидетельствованного вам от Бога силами и чудесами и знамениями, которые Бог сотворил через Него среди вас, как и сами знаете, |
| 23Necen Iisusan tö rikoit. Ku händast anttihe teiden käzihe, ka tö otit i jumalatomiden mehiden käzil nagloičit händast ristha, kut Jumal oli meletanu i edelpäi nähnu. | 23Сего, по определенному совету и предведению Божию преданного, вы взяли и, пригвоздив руками беззаконных, убили; |
| 24Vaiše Jumal eläbzoiti händast, päzuti surman kobrišpäi, sikš ku surmal ei olend valdad pidätada händast. | 24но Бог воскресил Его, расторгнув узы смерти, потому что ей невозможно было удержать Его. |
| 25Ved' David pagižeb hänen polhe: — Minä nägin Ižandan kaiken aigan minun edes, hän om minun oiktal kädel, miše minä astuižin oikti. | 25Ибо Давид говорит о Нем: видел я пред собою Господа всегда, ибо Он одесную меня, дабы я не поколебался. |
| 26Sikš minun südäin ihastub i minun kel' kitäb sindai, i minun hibj-ki eläb nadejas! | 26Оттого возрадовалось сердце мое и возвеселился язык мой; даже и плоть моя упокоится в уповании, |
| 27Sikš ku sinä ed jäta minun henged surman valdkundaha, sinä ed anda sinun pühän orjan hibjale hapata kaumas. | 27ибо Ты не оставишь души моей в аде и не дашь святому Твоему увидеть тления. |
| 28Sinä ozutid minei ten eloho. Sinä täutad mindai ihastusel ičeiž edes. | 28Ты дал мне познать путь жизни, Ты исполнишь меня радостью пред лицем Твоим. |
| 29Minun velled! Meiden ezitatan Davidan polhe voib rohktas sanuda, miše hän om kolnu i om pandud maha. I hänen kaum om kaičenus mijal neche päivhäsai-ki. | 29Мужи братия! да будет позволено с дерзновением сказать вам о праотце Давиде, что он и умер и погребен, и гроб его у нас до сего дня. |
| 30David oli Jumalan sanankandai, i Jumal oli vahval sanal toivotanu hänele ištutamha Messian, hänen verijäl'gnikan, hänen valdištmele. David tezi necen | 30Будучи же пророком и зная, что Бог с клятвою обещал ему от плода чресл его воздвигнуть Христа во плоти и посадить на престоле его, |
| 31i pagiži edelpäi Messian eläbzumižen polhe. Sikš hän sanui, miše Messian heng ei jä surman valdkundaha, a hänen hibj ei hapne. | 31Он прежде сказал о воскресении Христа, что не оставлена душа Его в аде, и плоть Его не видела тления. |
| 32Necen Iisusan Jumal om eläbzoitnu, mö kaik olem necen todištajad. | 32Сего Иисуса Бог воскресил, чему все мы свидетели. |
| 33Jumal om libutanu händast ičeze oiktal kädel, i hän om sanu Tataspäi toivotatud Pühän Hengen i valanu sen, min nügüd' tö näget i kulet. | 33Итак Он, быв вознесен десницею Божиею и приняв от Отца обетование Святаго Духа, излил то, что вы ныне видите и слышите. |
| 34David ei libund taivhaze. Iče hän sanub muga: — Ižand sanui minun Ižandale: ištu minun oiktal kädel, | 34Ибо Давид не восшел на небеса; но сам говорит: сказал Господь Господу моему: седи одесную Меня, |
| 35kuni minä panen sinun vihanikad sinun jaugoiden alle. | 35доколе положу врагов Твоих в подножие ног Твоих. |
| 36Sikš kaik Izrail'an rahvaz tekaha vahvas: Jumal om tehnu Iisusan Ižandaks i Messiaks — necen Iisusan, kudamban tö nagloičit ristha.» | 36Итак твердо знай, весь дом Израилев, что Бог соделал Господом и Христом Сего Иисуса, Которого вы распяли. |
| 37Konz rahvaz kulišti necen, kibu iški heiden südäimid. Hö küzeliba Petral i toižil apostoloil: «Velled, midä meile nügüd' tehta?» | 37Услышав это, они умилились сердцем и сказали Петру и прочим Апостолам: что нам делать, мужи братия? |
| 38Petr sanui heile: «Käraukatoiš grähkišpäi, i valatagatoiš kaikutte teišpäi Iisusan Hristosan nimehe, miše teiden grähkäd oliži pästtud. Siloi tö sat lahjaks Pühän Hengen. | 38Петр же сказал им: покайтесь, и да крестится каждый из вас во имя Иисуса Христа для прощения грехов; и получите дар Святаго Духа. |
| 39Nece toivotuz om teile i teiden lapsile i kaikile, ked oma edahan — kaikile, keda Ižand, meiden Jumal, kucub.» | 39Ибо вам принадлежит обетование и детям вашим и всем дальним, кого ни призовет Господь Бог наш. |
| 40Petr äjil toižil sanoil todišti i tomoti: «Päzutagat ičtatoi neciš pahas rahvahan sugupol'vespäi.» | 40И другими многими словами он свидетельствовал и увещевал, говоря: спасайтесь от рода сего развращенного. |
| 41Ked hüviš meliš otliba hänen sanad südäimehe, heid valatadihe. Necen päivän uskojiden keskhe ližazihe läz koumedtuhad mest. | 41Итак охотно принявшие слово его крестились, и присоединилось в тот день душ около трех тысяч. |
| 42Hö kaiken kundliba apostoloiden opendust. Heil kaik oli ühthine. Hö ühtes lohkaižiba leibäd i loičiba. | 42И они постоянно пребывали в учении Апостолов, в общении и преломлении хлеба и в молитвах. |
| 43Pöl'gästuz leviganzi rahvahan keskes, a apostoloiden kal't tegihe äi čudoid i tundmuztegoid Jerusalimas. | 43Был же страх на всякой душе; и много чудес и знамений совершилось через Апостолов в Иерусалиме. |
| 44Kaik uskojad oliba ühtes, i kaik heil oli ühthine. | 44Все же верующие были вместе и имели всё общее. |
| 45Hö möiba ičeze pertid i tavarad, a dengad jagoiba kaikile, kaikuččele severdan, miverdan hänele tarbiž. | 45И продавали имения и всякую собственность, и разделяли всем, смотря по нужде каждого. |
| 46Kaikuččen päivän hö ühtmeližin kogodelihe pühäkodihe, a kodiš ühtes lohkaižiba leibäd i longičiba hüväl i puhthal melel. | 46И каждый день единодушно пребывали в храме и, преломляя по домам хлеб, принимали пищу в веселии и простоте сердца, |
| 47Hö kitiba Jumalad, i kaik rahvaz armasti heid. Joga päivän Ižand ližadeli uskondkundha nenid, kudambad päzuiba Jumalan uskondaha. | 47хваля Бога и находясь в любви у всего народа. Господь же ежедневно прилагал спасаемых к Церкви. |
Глава 2