Выбрать язык
Книги Ветхого Завета
Книги Нового Завета
без русского текстаEVANGELII JOANNAN MÖDHE | ЕВАНГЕЛИЕ ОТ ИОАННА |
Глава 7 | Глава 7 |
| 1Necen jäl'ghe Iisus käveli Galilejas. Judejas hän ei tahtoind kävuda, sikš miše evrejalaižed eciba aigad rikta händast. | 1После сего Иисус ходил по Галилее, ибо по Иудее не хотел ходить, потому что Иудеи искали убить Его. |
| 2Evrejalaižiden Lehtezpertižen praznik oli läz. | 2Приближался праздник Иудейский--поставление кущей. |
| 3Iisusan velled sanuiba hänele: «Mäne Judejaha, miše sinun openikad-ki nägižiba tegod, miččid sinä teged. | 3Тогда братья Его сказали Ему: выйди отсюда и пойди в Иудею, чтобы и ученики Твои видели дела, которые Ты делаешь. |
| 4Ved' niken ei peitä ičeze tegoid, ku tahtoib olda tetab. Ku teged mugomid tegoid, ka ozuta mirule, ken sinä oled!» | 4Ибо никто не делает чего-либо втайне, и ищет сам быть известным. Если Ты творишь такие дела, то яви Себя миру. |
| 5Velled-ki ved' ei usknugoi hänele. | 5Ибо и братья Его не веровали в Него. |
| 6Iisus sanui heile: «Minun aig ei ole völ tulnu — a teile kaikutte aig kožub. | 6На это Иисус сказал им: Мое время еще не настало, а для вас всегда время. |
| 7Teiden päle mir ei voi kantta vihad, no minun päle kandab, ved' minä todištan, miše sen tegod oma pahad. | 7Вас мир не может ненавидеть, а Меня ненавидит, потому что Я свидетельствую о нем, что дела его злы. |
| 8Mängat tö praznikale. A minä völ en mäne necile praznikale, sikš ku minun aig völ ei ole tulnu.» | 8Вы пойдите на праздник сей; а Я еще не пойду на сей праздник, потому что Мое время еще не исполнилось. |
| 9Muga hän sanui i jäi Galilejaha. | 9Сие сказав им, остался в Галилее. |
| 10No konz hänen velled tuliba, siloi Iisus-ki tuli praznikale, no ei avoin, a kuti peitoiči. | 10Но когда пришли братья Его, тогда и Он пришел на праздник не явно, а как бы тайно. |
| 11Praznikan aigan evrejalaižiden pämehed eciba händast i küzeliba: «Kus se mez' om?» | 11Иудеи же искали Его на празднике и говорили: где Он? |
| 12Mehiden keskes oli äi paginoid hänen polhe. Toižed sanuiba, miše hän om hüvä mez', toižed, miše ei, hän manitab rahvast. | 12И много толков было о Нем в народе: одни говорили, что Он добр; а другие говорили: нет, но обольщает народ. |
| 13Niken ei rohtind pagišta hänen polhe avoin, sikš ku hö varaižiba evrejalaižiden pämehid. | 13Впрочем никто не говорил о Нем явно, боясь Иудеев. |
| 14No kesked praznikad Iisus tuli pühäkodihe i opendaškanzi. | 14Но в половине уже праздника вошел Иисус в храм и учил. |
| 15Evrejalaižiden pämehed čududelihe i sanuiba: «Kut nece mez', kudamb ei ole opendanus, voib teta Pühäd Kirjutused?» | 15И дивились Иудеи, говоря: как Он знает Писания, не учившись? |
| 16Iisus sanui heile: «Se, midä minä opendan, ei ole minun openduz, a hänen, kudamb om mindai oigendanu. | 16Иисус, отвечая им, сказал: Мое учение--не Мое, но Пославшего Меня; |
| 17Kaikutte, ken tahtoib eläda hänen tahton mödhe, tedištab, om-ik minun openduz Jumalaspäi, vai pagižen-ik ičein päspäi. | 17кто хочет творить волю Его, тот узнает о сем учении, от Бога ли оно, или Я Сам от Себя говорю. |
| 18Ken pagižeb ičesazepäi, ka tahtoib kitändad ičeleze. No ken tahtoib kitändad ičeze oigendajale, hän pagižeb tot, hänes ei ole kelastust. | 18Говорящий сам от себя ищет славы себе; а Кто ищет славы Пославшему Его, Тот истинен, и нет неправды в Нем. |
| 19Ei-ik Moisei andand teile käskištod? No niken teišpäi ei elä sen mödhe. Mikš tö tahtoit rikta mindai?» | 19Не дал ли вам Моисей закона? и никто из вас не поступает по закону. За что ищете убить Меня? |
| 20Mehed sanuiba: «Sinus om paha heng. Ken sindai tahtoib rikta?» | 20Народ сказал в ответ: не бес ли в Тебе? кто ищет убить Тебя? |
| 21Iisus virki: «Minä tegin ühten tegon, i tö kaik čududeletoiš. | 21Иисус, продолжая речь, сказал им: одно дело сделал Я, и все вы дивитесь. |
| 22Moisei andoi teile käskön tehta prihaižile ümbrileiktusen — ka, nece käsk ei ole Moisejaspäi, a tatoiden tatoišpäi — i tö teget sen sobatan-ki. | 22Моисей дал вам обрезание--хотя оно не от Моисея, но от отцов, --и в субботу вы обрезываете человека. |
| 23I ku mehele tehtas ümbrileiktuz sobatan-ki, miše oliži Moisejan käskišton mödhe, ka mikš tö buraidat minun päle sikš, miše minä sobatan tegin tervheks mehen kogonaz? | 23Если в субботу принимает человек обрезание, чтобы не был нарушен закон Моисеев, --на Меня ли негодуете за то, что Я всего человека исцелил в субботу? |
| 24Algat sudigoi pälpäi kacten, a sudigat oiktal sudal.» | 24Не судите по наружности, но судите судом праведным. |
| 25Erased jerusalimalaižed sanuiba: «Ei-ik nece ole se, keda hö tahtoiba rikta? | 25Тут некоторые из Иерусалимлян говорили: не Тот ли это, Которого ищут убить? |
| 26Kut hän voib pagišta avoin i hänele ei sanugoi nimidä? Voib olda, pämehed oma tedištanuded, miše hän om Messia? | 26Вот, Он говорит явно, и ничего не говорят Ему: не удостоверились ли начальники, что Он подлинно Христос? |
| 27No mö tedam, kugalaine hän om. A konz Messia tuleb, niken ei teda, kuspäi hän om.» | 27Но мы знаем Его, откуда Он; Христос же когда придет, никто не будет знать, откуда Он. |
| 28Opetes pühäkodiš, Iisus sanui lujal änel: «Tö tundet mindai i tedat kugalaine olen. No minä en tulend ičein valdal, mindai oigenzi se, kudamb om iče tozi! Tö händast et tuntkoi, | 28Тогда Иисус возгласил в храме, уча и говоря: и знаете Меня, и знаете, откуда Я; и Я пришел не Сам от Себя, но истинен Пославший Меня, Которого вы не знаете. |
| 29no minä tunden händast, sikš miše tulin hänennopäi i sikš miše hän om mindai oigendanu.» | 29Я знаю Его, потому что Я от Него, и Он послал Меня. |
| 30Hö tahtoinuižiba tabata händast, no niken ei kosketand, sikš ku hänen aig völ ei tulend. | 30И искали схватить Его, но никто не наложил на Него руки, потому что еще не пришел час Его. |
| 31No äi rahvast uskoi hänehe. Hö sanuiba: «Voib-ik Messia tuldes tehta enamban tundmuztegoid, mi nece mez' om jo tehnu?» | 31Многие же из народа уверовали в Него и говорили: когда придет Христос, неужели сотворит больше знамений, нежели сколько Сей сотворил? |
| 32Konz farisejad kulištiba, miše mehiden keskes pagištihe Iisusan polhe muga, hö i ülembaižed papid oigenziba mehid tabadamha händast. | 32Услышали фарисеи такие толки о Нем в народе, и послали фарисеи и первосвященники служителей--схватить Его. |
| 33Iisus sanui heile: «Minä völ vähäižen olen teidenno. Jäl'ges lähten hänennoks, kudamb mindai om oigendanu. | 33Иисус же сказал им: еще недолго быть Мне с вами, и пойду к Пославшему Меня; |
| 34Tö eciškandet mindai, no et löutkoi, i tö et voigoi puta sinna, kus minä linnen.» | 34будете искать Меня, и не найдете; и где буду Я, туда вы не можете придти. |
| 35Evrejalaižiden pämehed küzeliba toine tošt: «Kuna hän tahtoib mända, kus mö em voigoi händast löuta? Lähteb-ik hän neniden mijalaižidennoks, kudambad eläba grekalaižiden keskes? Tahtoib-ik hän opeta grekalaižid-ki? | 35При сем Иудеи говорили между собою: куда Он хочет идти, так что мы не найдем Его? Не хочет ли Он идти в Еллинское рассеяние и учить Еллинов? |
| 36Midä hän tahtoi sanuda sanoil: ‘Tö eciškandet mindai, no et löutkoi,’ i: ‘Tö et voigoi putta sinna, kus minä linnen’?» | 36Что значат сии слова, которые Он сказал: будете искать Меня, и не найдете; и где буду Я, туда вы не можете придти? |
| 37Praznikan jäl'gmäižel, surel päiväl Iisus seižutihe i kirgui lujal änel: «Ku kenel-ni om jomannäl'g, tulgha minunnoks i jogha. | 37В последний же великий день праздника стоял Иисус и возгласил, говоря: кто жаждет, иди ко Мне и пей. |
| 38Ken uskob minuhu, hänen südäimespäi jokseškandeba eläban veden joged, ninga kut om sanutud Pühiš Kirjutusiš.» | 38Кто верует в Меня, у того, как сказано в Писании, из чрева потекут реки воды живой. |
| 39Muga Iisus pagiži Hengen polhe, kudamban saižiba ned, ked uskoba hänehe. Heiden päl völ ei olend Pühäd Henged, sikš ku Iisusan korged arv völ ei tulend kaikehe hoštoteshe. | 39Сие сказал Он о Духе, Которого имели принять верующие в Него: ибо еще не было на них Духа Святаго, потому что Иисус еще не был прославлен. |
| 40Kulištades Iisusan sanoid äjad rahvazkogospäi virkiba: «Hän om todeks se Jumalan sanankandai.» | 40Многие из народа, услышав сии слова, говорили: Он точно пророк. |
| 41Toižed sanuiba: «Hän om Messia.» No toižed sanuiba: «Jose Messia tuleb Galilejaspäi? | 41Другие говорили: это Христос. А иные говорили: разве из Галилеи Христос придет? |
| 42Ei-ik Pühiš Kirjutusiš ole sanutud, miše Messia om Davidan heimokundaspäi i tuleb Viflejemaspäi, Davidan kodilidnaspäi?» | 42Не сказано ли в Писании, что Христос придет от семени Давидова и из Вифлеема, из того места, откуда был Давид? |
| 43Muga mehed ridleškanziba hänen polhe. | 43Итак произошла о Нем распря в народе. |
| 44Erased tahtoiba tabata händast, no niken ei koskend händast. | 44Некоторые из них хотели схватить Его; но никто не наложил на Него рук. |
| 45Mehed, keda oigetihe tabadamha Iisusad, pördihe ülembaižiden papidennoks i farisejidennoks. Ned küzuiba: «Mikš et tonugoi händast?» | 45Итак служители возвратились к первосвященникам и фарисеям, и сии сказали им: для чего вы не привели Его? |
| 46Mehed sanuiba: «Igäs völ niken ei pagižend muga kut hän.» | 46Служители отвечали: никогда человек не говорил так, как Этот Человек. |
| 47Siloi farisejad sanuiba: «Olet-ik tö-ki andnuded manitada ičtatoi? | 47Фарисеи сказали им: неужели и вы прельстились? |
| 48Om-ik hot' üks' pämez' usknu hänehe? Vai üks' farisei? | 48Уверовал ли в Него кто из начальников, или из фарисеев? |
| 49No nece rahvaz nikut ei teda käskištod — tulgha heiden päle Jumalan viha!» | 49Но этот народ невежда в законе, проклят он. |
| 50Siloi Nikodim, kudamb konz-se öl oli kävunu Iisusanno da iče-ki oli farisei, sanui heile: | 50Никодим, приходивший к Нему ночью, будучи один из них, говорит им: |
| 51«Voib-ik meiden käskišt sudida mest, edel sidä ku kundeltas händast i ottas sil'mnägubale, midä hän om tehnu?» | 51судит ли закон наш человека, если прежде не выслушают его и не узнают, что он делает? |
| 52No toižed sanuiba hänele: «Ed-ik sinä-ki ole Galilejaspäi? Luge hüvin Pühid Kirjutusid, siloi nägištad, miše Galilejaspäi ei tule Jumalan sanankandai.» | 52На это сказали ему: и ты не из Галилеи ли? рассмотри и увидишь, что из Галилеи не приходит пророк. |
| 53Kaik läksiba kodihe, | 53И разошлись все по домам. |
Глава 7