Выбрать язык
Книги Ветхого Завета
Книги Нового Завета
без русского текстаSOLOMONAN | ПРИТЧИ |
Глава 14 | Глава 14 |
| 1 Melev ak ladib ičeze kodin, a vähämeline murendab sen ičeze käzil. | 1Мудрая жена устроит дом свой, а глупая разрушит его своими руками. |
| 2 Ken astub oiktad tedme, se varaidab Ižandad, a kenen te om vär, se hondostab händast. | 2Идущий прямым путем боится Господа; но чьи пути кривы, тот небрежет о Нем. |
| 3 Vähämeližen su veb händast löndaha, a melevan su varjoičeb melevut. | 3В устах глупого–бич гордости; уста же мудрых охраняют их. |
| 4 Kus ei ole härgid, sigä heinän purn om tühj, no väkekahad härgäd andaba äi satust. | 4Где нет волов, там ясли пусты; а много прибыли от силы волов. |
| 5 Todesine todištai ei kelasta, a kelaz todištai pagižeb äjan tühjad. | 5Верный свидетель не лжет, а свидетель ложный наговорит много лжи. |
| 6 Vedelii mez՚ ecib melevut, no ei löuda, a melevale sada tedoid om kebn. | 6Распутный ищет мудрости, и не находит; а для разумного знание легко. |
| 7 Käte vähämeližes mehespäi, kudamban paginoiš ed homaiče mel՚t. | 7Отойди от человека глупого, у которого ты не замечаешь разумных уст. |
| 8 Melevan päazj om tedištada ičeze matk, vähämeližen meletomuz՚ veb segoidusihe. | 8Мудрость разумного–знание пути своего, глупость же безрассудных–заблуждение. |
| 9 Vähämeližed vaiše nagraba grähkid, a tozioiktad oma hüväd. | 9Глупые смеются над грехом, а посреди праведных–благоволение. |
| 10 Mez՚ om üks՚ ičeze gor՚as, ka hänen ihastusehe-ki niken ei voi tunktas. | 10Сердце знает горе души своей, и в радость его не вмешается чужой. |
| 11 Jumalatomiden pert՚ murendase, a tozioiktoiden pert՚ änikoičeb. | 11Дом беззаконных разорится, а жилище праведных процветет. |
| 12 Oma matkad, miččed ozutasoiš mehele oiktoikš, no matkan lopus om surm. | 12Есть пути, которые кажутся человеку прямыми; но конец их–путь к смерти. |
| 13 Nagrandan keskes-ki erašti kibištab südänt, dai ihastusen lopus voib olda tusk. | 13И при смехе иногда болит сердце, и концом радости бывает печаль. |
| 14 Kovasüdäimeline sab külläks ičeze matkoiš, hüväsüdäimeline – ičeze. | 14Человек с развращенным сердцем насытится от путей своих, и добрый–от своих. |
| 15 Vähämeline uskob kaikehe, midä kuleb, melev valičeb ičeze teid. | 15Глупый верит всякому слову, благоразумный же внимателен к путям своим. |
| 16 Melev varaidab pahut dai sirdäse sišpäi, a vähämeline om käred i korgednenaine. | 16Мудрый боится и удаляется от зла, а глупый раздражителен и самонадеян. |
| 17 Tabakaz mez՚ voib tehta tühjad, a ken tegeb pahad ičeze tahtol, sidä niken ei navedi. | 17Вспыльчивый может сделать глупость; но человек, умышленно делающий зло, ненавистен. |
| 18 Opendamatoi sab ičeleze meletomut, a melevad saba tedovencan. | 18Невежды получают в удел себе глупость, а благоразумные увенчаются знанием. |
| 19 Pahad kumardasoiš hüviden edehe, jumalatomad koverdasoiš tozioiktoiden verajannoks. | 19Преклонятся злые пред добрыми и нечестивые–у ворот праведника. |
| 20 Gol՚l՚ad ei navedigoi erašti hänen ičhižed-ki, a bohatal om äi sebranikoid. | 20Бедный ненавидим бывает даже близким своим, а у богатого много друзей. |
| 21 Ken ei navedi ičeze lähelišt, se tegeb grähkän, a ken žalleičeb gollid, se om ozakaz. | 21Кто презирает ближнего своего, тот грешит; а кто милосерд к бедным, тот блажен. |
| 22 Ei-ik segoikoi ned, ked tahtoiba toižile tehta pahad? [Pahantegijad ei tekoi, mi oma armod da mi om armastuz,] armod da hüvüz՚ om nenil, ked meletaba hüväs. | 22Не заблуждаются ли умышляющие зло? но милость и верность у благомыслящих. |
| 23 Kaikuččes radospäi om liža, a tühjad paginad oma ližatomad. | 23От всякого труда есть прибыль, а от пустословия только ущерб. |
| 24 Melevad saba bohatusen vencan, a vähämeližiden tühjuz՚ ka se tühjuz՚ om-ki. | 24Венец мудрых–богатство их, а глупость невежд глупость и есть. |
| 25 Oiged todištai päzutab pahaspäi mehen hengen, a vär todištai saneleb äi tühjad. | 25Верный свидетель спасает души, а лживый наговорит много лжи. |
| 26 Ižandan varaiduses om vahv tugi, i ičeze poigile hän om kaičendtaho. | 26В страхе пред Господом–надежда твердая, и сынам Своим Он прибежище. |
| 27 Ižandan varaiduz om elon purde, mitte kaičeb surman verkoišpäi. | 27Страх Господень–источник жизни, удаляющий от сетей смерти. |
| 28 Rahvahan sures märas kunigahan korged arv kazvab, a penes märas knäzile om gor՚a. | 28Во множестве народа–величие царя, а при малолюдстве народа беда государю. |
| 29 Tirpajal mehel om äi mel՚t, a tabakaz mez՚ ozutab ičeze meletomut. | 29У терпеливого человека много разума, а раздражительный выказывает глупость. |
| 30 Laskav südäin tob hibjale elod, a kadehuz՚ tob luile hapatust. | 30Кроткое сердце–жизнь для тела, а зависть–гниль для костей. |
| 31 Ken ahtištab gol՚l՚ad, se lajib ičeze Tegijad, a ken Tegijad ülenzoitab, se abutab gol՚l՚ale. | 31Кто теснит бедного, тот хулит Творца его; чтущий же Его благотворит нуждающемуся. |
| 32 Jumalatoman kükstas hänen pahuden tagut, a tozioiktal surmas-ki om nadei. | 32За зло свое нечестивый будет отвергнут, а праведный и при смерти своей имеет надежду. |
| 33 Melevuz՚ om melekahan südäimes, vähämeližiden-ki keskes se ozutab ičtaze. | 33Мудрость почиет в сердце разумного, и среди глупых дает знать о себе. |
| 34 Tozioiktuz՚ ülenzoitab rahvast, zakonoiden kundlematomuz՚ om rahvahiden huiged. | 34Праведность возвышает народ, а беззаконие–бесчестие народов. |
| 35 Kunigaz navedib melevad käskabunikad, a ei navedi händast huigenzoitajid. | 35Благоволение царя–к рабу разумному, а гнев его–против того, кто позорит его. |
Глава 14