Выбрать язык
Книги Ветхого Завета
Книги Нового Завета
без русского текстаRUFIN KIRJ | КНИГА РУФЬ |
Глава 1 | Глава 1 |
| 1 Sen aigan, konz Izrail՚as ižandoičiba sudjad, tuli maha näl՚g. Siloi eraz mez՚ Judejan Viflejemaspäi läksi ičeze akanke i kahten poiganke elämaha Moavitan pöudoile. | 1В те дни, когда управляли судьи, случился голод на земле. И пошел один человек из Вифлеема Иудейского со своею женою и двумя сыновьями своими жить на полях Моавитских. |
| 2 Mehen nimi oli Elimeleh, hänen akaze nimi oli Noemin՚, a hänen kahten poigan nimed oliba Mahlon i Hileon. Hö oliba efratalaižed, Judan Viflejemaspäi. Hö tuliba Moavitan pöudoile i jäiba sihe. | 2Имя человека того Елимелех, имя жены его Ноеминь, а имена двух сынов его Махлон и Хилеон; они были Ефрафяне из Вифлеема Иудейского. И пришли они на поля Моавитские и остались там. |
| 3 Sid՚ Noeminin mužik Elimileh koli, i hän jäi üksnäze ičeze kahten poiganke. | 3И умер Елимелех, муж Ноемини, и осталась она с двумя сыновьями своими. |
| 4 Poigad naiba Moavitan neiččil, toižen kuctihe Orfa, toižen – Ruf՚. Hö eliba sigä läz kümned vot. | 4Они взяли себе жен из Моавитянок, имя одной Орфа, а имя другой Руфь, и жили там около десяти лет. |
| 5 Erases aigas päliči koliba hänen molembad poigad-ki, Mahlon i Hileon, i jäi naine üksnäze hänen poigiden i mužikan jäl՚ghe. | 5Но потом и оба сына ее, Махлон и Хилеон, умерли, и осталась та женщина после обоих своих сыновей и после мужа своего. |
| 6 Siloi Noemin՚ tahtoškanzi ühtes ičeze millidenke pörttas Moavitan maspäi, sikš ku hän kerdan kulišti, miše Ižand oli pidänu hol՚t ičeze rahvahas i andnu heile leibäd. | 6И встала она со снохами своими и пошла обратно с полей Моавитских, ибо услышала на полях Моавитских, что Бог посетил народ Свой и дал им хлеб. |
| 7 I hän läksi necil sijalpäi, kus eli, i hänen molembad milläd läksiba mugažo hänenke. Konz hö astuiba tedme Judejan maha, | 7И вышла она из того места, в котором жила, и обе снохи ее с нею. Когда они шли по дороге, возвращаясь в землю Иудейскую, |
| 8 Noemin՚ sanui ičeze millile: ”Mängat, pörtkatoiš jogahine ičeiž maman kodihe; tehkaha teile Ižand sidä-žo armod, midä tö olit tehnuded kolnuzile i minei. | 8Ноеминь сказала двум снохам своим: пойдите, возвратитесь каждая в дом матери своей; да сотворит Господь с вами милость, как вы поступали с умершими и со мною! |
| 9 Abutagha teile Ižand, miše jogahine teišpäi löudaiži lebusijan ičeiž uden mužikan kodiš”. I hän tervehti heid. No hö kidastaškanziba i voikaškanziba | 9да даст вам Господь, чтобы вы нашли пристанище каждая в доме своего мужа! И поцеловала их. Но они подняли вопль и плакали |
| 10 sanudes: ka em, mö lähtem sinunke sinun rahvahannoks. | 10и сказали: нет, мы с тобою возвратимся к народу твоему. |
| 11 No Noemin՚ sanui: ”Pörtkatoiš, minun tütred, mikš teile mända minunke? Jose minun vacas om völ poigid, kudambad voižiba tehtas teiden mužikoikš? | 11Ноеминь же сказала: возвратитесь, дочери мои; зачем вам идти со мною? Разве еще есть у меня сыновья в моем чреве, которые были бы вам мужьями? |
| 12 Pörtkatoiš, minun tütred, mängat, minä olen jo ani vanh, miše olda mehel. Ka hot՚ minä sanuižin-ki: ”Om völ toiv”, ka hot՚ minä sil-žo öl oližin mužikanke, a sen jäl՚ghe sündutaižin poigid, – | 12Возвратитесь, дочери мои, пойдите, ибо я уже стара, чтоб быть замужем. Да если б я и сказала: `есть мне еще надежда', и даже если бы я сию же ночь была с мужем и потом родила сыновей, -- |
| 13 ka voiži-ik teile varastada, kuni hö kazvaba? Voižit-ik tö sihesai püžuda üksin mehele mänmata? Ka ei, minun tütruded, minei om žal՚ teid, sikš ku Ižandan käzi sai mindai.” | 13то можно ли вам ждать, пока они выросли бы? можно ли вам медлить и не выходить замуж? Нет, дочери мои, я весьма сокрушаюсь о вас, ибо рука Господня постигла меня. |
| 14 Hö möst kidastaškanziba i voikaškanziba. I Orfa prostihe ičeze anopenke, a Ruf՚ jäi hänenke. | 14Они подняли вопль и опять стали плакать. И Орфа простилась со свекровью своею, а Руфь осталась с нею. |
| 15 Noemin՚ sanui Rufile: ”Kacu, Orfa läksi ičeze rahvahannoks, mäne sinä-ki necen millän jäl՚ghe.” | 15Ноеминь сказала Руфи: вот, невестка твоя возвратилась к народу своему и к своим богам; возвратись и ты вслед за невесткою твоею. |
| 16 No Ruf՚ sanui vastha: ”Ala käske mindai jätta sindai i pörttas, sikš ku kuna sinä lähted, sinna minä-ki lähten, i kus sinä ödud, sinna minä-ki jän öks. Sinun rahvaz linneb minun rahvahan, a sinun Jumal – minun Jumalan. | 16Но Руфь сказала: не принуждай меня оставить тебя и возвратиться от тебя; но куда ты пойдешь, туда и я пойду, и где ты жить будешь, там и я буду жить; народ твой будет моим народом, и твой Бог--моим Богом; |
| 17 I kuna sinä koled, sinna minä-ki kolen, i sigä mindai-ki pandas maha, tehkaha necen minei Ižand. I tegeb völ enamban, i vaiše üks՚ surm erigoitab meid sinunke. | 17и где ты умрешь, там и я умру и погребена буду; пусть то и то сделает мне Господь, и еще больше сделает; смерть одна разлучит меня с тобою. |
| 18 Noemin՚ nägištades, miše hän om vahvas pätnu lähtmaha hänenke, eriganzi händast pagištoitmaspäi. | 18Ноеминь, видя, что она твердо решилась идти с нею, перестала уговаривать ее. |
| 19 Hö astuiba sihesai, kuni tuliba Viflejemha. Heiden tulendan jäl՚ghe Viflejemha kaik lidn zavodi pagišta, sanudes: ”Om-ik nece Noemin՚?” | 19И шли обе они, доколе не пришли в Вифлеем. Когда пришли они в Вифлеем, весь город пришел в движение от них, и говорили: это Ноеминь? |
| 20 Hän sanui heile: ”Algat kuckoi mindai Noeminikš, a kuckat mindai Maraks, | 20Она сказала им: не называйте меня Ноеминью, а называйте меня Марою, потому что Вседержитель послал мне великую горесть; |
| 21 sikš ku minä läksin täspäi bohatan, a pördimoi pal՚hal kädel. Mikš kucta mindai Noeminikš, ku Ižand andoi minei mokid, i Kaikenvaldaine oigenzi minei äi ozatomut?” | 21я вышла отсюда с достатком, а возвратил меня Господь с пустыми руками; зачем называть меня Ноеминью, когда Господь заставил меня страдать, и Вседержитель послал мне несчастье? |
| 22 I muga Noemin՚ pördihe, a hänenke moavitalaine Ruf՚-mil՚l՚, kudamb tuli Moavitan maspäi. Hö tuliba Viflejemha ozrrahnmižen augotišes. | 22И возвратилась Ноеминь, и с нею сноха ее Руфь Моавитянка, пришедшая с полей Моавитских, и пришли они в Вифлеем в начале жатвы ячменя. |
Глава 1