Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
6-тӥ ПСАЛОМ
1Хорлэн кивалтӥсезлы. Тямыс сиё шудонэн. Давидлэн крезьгурез.
2Кузё-Инмаре! Йырыд кур луон дыръя монэ вӧсь эн кары,
вожед потон дыръя монэ эн куареты.
3Кузё-Инмаре, жаля монэ, кужыме быриз;
Кузё-Инмаре, бурмыты монэ, лыосы ик куалекъяло ни.
4Лулы но туж зол куалектэмын;
нош Тонэ, Кузё-Инмаре, кудкемозь витём на?
5Кузё-Инмаре, берытскы, мозмыты лулме, Ачид жаляса уть монэ.
6Кулэм бере кин Тонэ тодэ ваёз, шайгуысен кин Тонэ данъялоз?
7Лулӟылыса мон жади ни:
уйлы быдэ кӧлон интыме коттӥсько,
синкылиен валесме миськисько.
8Куректыса синъёсы куасьмизы ни,
гужазы ни тушмонъёсыным сэрен.
9Законэз сӧрыса улӥсьёс, мон бордысь палэнске;
Кузё-Инмар бӧрдэм куараме кылӥз.
10Кузё-Инмар куриськемме санэ понӥз,
Кузё-Инмар вӧсяськемме кабыл басьтоз.
11Вань тушмонъёсы возьытэ вуттэмын мед луозы,
туж куалектытэмын мед луозы,
мед чигналозы, со куспын ик возьытэ мед усёзы.
Глава 6
