Выбрать язык
Книги Ветхого Завета
Книги Нового Завета
с русским текстом1«Оскиськонэд юнме: солэн учкемезлы чидатэк, уд усьы-а?
2Сое интыысьтыз вырӟытыны дӥсьтӥсь, кышкасьтэм мурт ӧвӧл.
Мынам ымныр азям кин сылыны чидалоз?
3Кин Монэ азьпалтӥз Мыным солы пунэм берыктон понна?
Быдэс инбам улын мар вань, со ваньмыз Мынам.
4Солэн мугор люкетъёсыз сярысь, кужымез сярысь,
соослэн чебер интыяськемзы сярысь вератэк уг улы.
5Кин быгатоз солэсь выл дӥсьсэ усьтыны,
кин матаз мыноз солэн кык полэсо ангесэз доры?
6Кин быгатоз солэн ымнырызлэсь ӧссэ усьтыны?
Солэн пиньёсызлэн котыразы учкыны ик шимес, кышкыт;
7солэн тыбырвыл щитъёсыз паймымон юнэсь:
чурыт печатен выллем соос юнматэмын;
8ог-огзы борды лякисько, соос вискытӥ омыр но уг ортчы;
9одӥгез мукетыз борды ёртӥськыса кылле,
герӟаськизы но уг ни лэзисько.
10Солэн кизьнэм бераз югыт воректэ;
солэн синъёсыз ӵук ӟардонлэн синлысъёсыз кадесь;
11солэн ымысьтыз тыл потэ, тылгизьыос пазьгисько;
12нырпасьёсысьтыз пӧзись горшокысь яке пуртыысь кадь ӵын потэ.
13Солэн шоканэз эгыръёсты ӟырдатэ, ымысьтыз гомась тыл потэ.
14Солэн чырты бордаз кужым улэ, азьпалтӥз шимес кышкан бызе.
15Солэн мугорызлэн сӥлё люкетъёсыз асьсэ куспын юн герӟаськемын,
ог-огзылэсь уг ёзнасько.
16Солэн сюлмыз из кадь юн, кикӧлэн улысь изэз кадь чурыт.
17Со ӝутскыку, туж кужмо муртъёс но куалекто, туж кышкатско,
чылкак ма карыны ик паймо.
18Со борды йӧтӥськем меч но уз чида,
шибоды но, лэзьян пурт но, корт дӥсь но.
19Кортэз со куро интые лыдъя, ыргонэз сисьмем писпу интые понэ.
20Пукыӵ ньӧлын сое кышкатыса уд улля;
зӥръям изъёс солы сялӟем дыльды кадесь гинэ пото.
21Жугиськон корт йыро бодыез со куро шуыса лыдъя;
лэзьян пуртлэсь шуласа мынэмзэ со серем каре.
22Со улын йылсо изъёс, со йылсо изъёс вылын, напраын, кылле.
23Бергась вуэз со пуртыез кадь пӧзьтэ,
нош зарезез пӧзись мазьлы пӧрмытэ;
24ас бераз чилясь сюрес кельтэ;
пыдэстэм ву пурысьтам йырси кадь адӟиське.
25Музъем вылын солы укшасез ӧвӧл:
чик кышкасьтэм луонлы со кылдытэмын;
26вань вылӥлыко луисьёс шоры со кышкатэк учке;
вылтӥяськонлэн вань пиосызлы со эксэй луэ».
Глава 41