Выбрать язык
Книги Ветхого Завета
Книги Нового Завета
с русским текстом1Куинь воргоронъёс Иовлы юанъёс-ответъёс сётъямысь дугдӥзы, малы ке шуоно адӟизы, со ассэ шонере поттыны выре шуыса.2Соку Рам выжыысь Вуз пи Варахииллэн пиезлэн Елиуйлэн йыркурез ӝуатскиз: Инмарез сярысь ассэ тросгес шонере поттыны выремез понна Иовлы солэн йыркурез ӝуатскиз.3Нош куинь эшъёс вылэ соин солэн вожпотонэз пурӟиз: соос ӧз шедьтылэ кыӵе ответ сётыны, нош со куспын ик Иовез янгыше уськытылӥзы.4Елиуй витиз Иовлэсь вераськемзэ, соос арескын солэсь бадӟымесьгес вал.5Елиуй адӟиз, кызьы та куинь воргоронъёс ответ сётыны кыл уг ни шедьто, соку солэн йыркурез пурӟиз.6Вуз пи Варахииллэн пиез Елиуй ответ сётыса шуиз:
«Мон арескын пинал, нош тӥ – мӧйы муртъёс;
соин ик мон керпотӥ, аслэсьтым малпанме тӥледлы ялыны кышкай.
7Мон аслым ачим шуи: ”Нуналъёс мед вералозы,
бадӟым арлыд визьлыклы мед дышетоз”.
8Но адями пушкын дух вань,
Дунне Кутӥсьлэн шоканэз солы валан сётэ.
9Кема улӥсьёс гинэ визьмоесь ӧвӧл,
пересьёс гинэ зэмлыкез тодӥсьёс ӧвӧл.
10Соин ик мон шуисько: ”Кылзӥське монэ,
мон но аслэсьтым малпанме тӥледлы иворто”.
11Тани, мон тӥлесьтыд верам кылдэс пелям понӥ,
мар кулэ вал вераны, со кылэз тӥ шедьтытозь,
тӥлесьтыд вераськемдэс кылзӥськи.
12Мон тӥ шоры сак учкылӥ,
но тани тӥ пӧлысь нокин но Иовлэсь янгышъёссэ
шарае уг потты, солэн кылъёсызлы ответ но уг сёты.
13Эн шуэ: ”Ми визьлык шедьтӥмы –
Инмар сое тэрытскись карыны быгатоз,
нош адями уг быгаты”.
14Со аслэсьтыз кылъёссэ мыным верасал ке,
соку мон тӥляд кылъёсыныды солы ответ ӧй сётысал.
15Кышказы, табере ответ уг ни сёто: вераськемысь дугдӥзы.
16Кыӵе мон возьмай, нош соос номыр но уг верало,
чус кариськизы, ответ уг ни сёто.
17Табере мон но ачим ответ сёто,
аслэсьтым малпанме мон но шарае потто.
18Мынам но пачылаз уго верано кылъёсы,
пушкысьтым духе ёртэ монэ.
19Тани, мынам пушкы усьтымтэ вина кадь:
выль ку сепысъёсты кадь со пась карыса потыны дась.
20Верай ке, мыным капчигес луоз; ымме усьтыса ответ сёто.
21Адямилэн ымнырыз шоры уг учкы,
нокыӵе адями азьын но чеберъяськыса уг улы,
22мон чеберъяськыны уг быгатӥськы уго:
Кылдытӥсе, табере ви монэ».
Глава 32