Выбрать язык
Книги Ветхого Завета
Книги Нового Завета
с русским текстом1Та бере Иов ымзэ усьтӥз но аслэсьтыз вордӥськем нуналзэ каргаз.2Иов вераны кутскиз, со шуиз:
3«Мынам вордскем нуналы мед быроз,
уй но, кудаз шуэмын: ”Адями луыны кидыс шедиз!”
4Со нунал пеймытлы мед пӧрмытскоз;
вылысен Инмар сое медаз утча,
со йылын югыт медаз пишты!
5Сое пеймытлык, кулон вужер мед шобыртоз,
пилем сое мед котыртоз,
ӵушкась пӧсьлэсь кадь солэсь мед кышкалозы!
6Со уез пеймыт мед вормоз,
арлэн нуналъёсыз пӧлын со медаз лыдъяськы,
толэзьёслэн лыдзы пӧлы медаз пыры!
7Э! Со уй – калыктэм мед луоз,
со пушкы шулдыръяськон медаз пыры!
8Левиафан кыез сайкатыны быгатӥсьёс,
нуналэз каргасьёс сое мед каргалозы!
9Югдонэзлэн кизилиосыз мед кысозы:
мед возьмалоз югытэз, но со уг лыкты,
со медаз но адӟы ӵук ӟардонлэсь синлысъёссэ,
10мынам анаелэсь пушкысьтыз ӧсъёссэ ворсамтэ понназ,
мынам син азьысьтым куректон-кайгуэз ватымтэ понназ!
11Пушкысь потыкум, малы мон ӧй кулы,
пушкысь потэм берам но малы ӧй кулы?
12Пыдесъёс малы монэ кабыл басьтӥзы?
Малы ноныосты мыным нононо вал?
13Табере мон кылльысал, кулон уммен кӧлысал,
изьысал, мыным каньыл луысал.
14Асьсэлы кыр дуннее юртъёссэс пуктылӥсь эксэйёсын но,
музъем вылысь визь-кенеш сётъясьёсын но
15яке зарнизы ванё, асьсэлэсь коркаоссэс азвесен тырмытъясь
кивалтӥсьёсын но,
16яке усем-куштӥськем, ватэм нуны кадь,
югытэз адӟымтэ вож нуныос кадь мон ӧй улысал.
17Отын законлы пумит улӥсьёс кышкатъямысь дугдо,
кужымзы-кынарзы быремъёс отын шутэтско.
18Отын жильыетын пукисьёс майбыр, эзыласа уло,
чакласькисьлэсь кесяськем куаразэ но уг кыло.
19Пичи но, бадӟым но отын огкадесь,
ляльчи но аслаз кузёезлэсь эрике потэмын.
20Курадӟисьлы малы югыт сётэмын,
лулынызы ӝоже усемъёслы – улон,
21соос кулонэз витё, но со ӧвӧл, узырлыко ватэгез сярысь, эсьмаса,
кулонэз соос утчасалзы,
22паймытозязы шумпотысалзы,
шайпул шедьтӥм шуыса, туж паймысалзы.
23Малы югыт сётэмын сюресэз ворсаськем адямилы,
кудзэ Инмар пеймытэн котыртӥз?
24Няньме куртчылыса лулӟылӥсько,
вулэн кисьтӥськемез кадь ялан ӝуштыса улӥсько,
25уго туж шимес маке, кудӥзлэсь шимаса-кышкаса мон улӥ,
со ик мон вылэ вуиз;
марлэсь курдаса улӥ, со ик мон доры вуиз.
26Ӧвӧл мыным тупаса улон, ӧвӧл каньылэн улон,
ӧвӧл шумпотон: куректон-кайгу мон доры вуиз».
Глава 3