Выбрать язык
Книги Ветхого Завета
Книги Нового Завета
с русским текстом1Моисей Моав нёжалысен Нево гурезе, Фасгилэн йылӥяз, тубиз, со Иерихонлэн ваче бериназ интыяськемын, отысен Кузё-Инмар солы быдэс Галаад музъемез возьматӥз, Дан дорозь кыстӥськись быдэс музъемез возьматӥз,2быдэс Неффалим [музъемез], [быдэс] Ефрем но Манассия музъемъёсты, быдэс Иуда музъемез, шундыпуксён палась зарезь дорозь кыстӥськись музъемез возьматӥз,3лымшорпал музъемез, Иерихон нёжаллэсь ӵошкыт интыоссэ, Пальмаё городэз, Сӥгор городозь кыстӥськись музъемез.4Соку Кузё-Инмар солы шуиз: «Тани Мынам Авраамлы, Исааклы, Иаковлы тазьы вераса сӥзем музъеме: ”Тынад кидысэдлы-выжыедлы сое сёто”; аслад синмыныд сое адӟыны Мон тыныд луонлык сётӥ, но тон отчы уд пыры».
5Кызьы вераз вал Кузё-Инмар, отчы, Моав музъеме, кулӥз Моисей, Кузё-Инмарлэн ляльчиез;6сое ватӥзы Моав музъемысь нёжалэ, Беф-Фегорлы ваче беринэ, но сое ватэм интыез туннэ нуналозь но нокин но уг тоды.7Моисейлы кулыкуз сю кызь арес вал; нош солэн синмыз ӟеч адӟе вал, кужмыз но солэн ӧз лябӟы.
8Израиль пиос Моав нёжалын, [Иерихон вӧзын, Иордан дурын] куамын нунал ӵоже Моисеез жаляса бӧрдӥзы, буре вайизы. Моисей пумысен бӧрдон, ӝожъяськон нуналъёс ортчизы.
9Навинлэн Иисус пиез визьлыклэн духеныз тыр луиз, малы ке шуоно Моисей со вылэ кизэ понӥз, израиль пиос солы тэрытскизы, лэсьтӥзы озьы, кызьы Кузё-Инмар Моисейлы косон сётӥз.
10Израильлэн Моисей кадь пророкез ноку но ӧй ни вал, сое Кузё-Инмар ваче ымныр адӟыса тодэ вал,11Кузё-Инмар сое Египет музъеме фараонлы, солэн вань ляльчиосызлы, быдэс музъем вылаз улӥсьёслы паймымон тодметъёс, паймымон ужъёс возьматыны ыстӥз,12быдэс израиль калык азьын Моисей кужымзэ, быдӟымесь паймымон ужъёс возьматъяз.
Глава 34