Выбрать язык
Книги Ветхого Завета
Книги Нового Завета
с русским текстом1Азорсь мярьгсь Моисеенди:2«Васенце ковть васенце шистонза стяфтк-кепотьк Шкайть эряма вастонц – васедемань кошть,3и потмозонза путк сотксонь арзять, а ся вастть, коса ащи арзясь, перяк котфонь перяфксса.4Сувафтк шрать и путк лангозонза семботь сянь, мезсь моли мархтонза, тяфта жа сувафтк валдоптомань кирдемать и путыть лангозонза сембе сонь валдоптоманзон.5Зрняста тиф качафтомань алтарть путк сотксонь арзять инголи, а иняру кошть сувама вастонц перяк котфонь перяфксса.6Путк марнек плхтамань озксказненди алтарть васедемань кошть сувама вастонц инголи.7Путк штамань кядьготь васедемань кошть и алтарть ёткс, и каяк эзонза ведь.8Кошть перьфке тик пирьф, и пирьфу сувама вастти повфтак котфонь перяфкс.9Сяфть вадемань вай и ватьк иняру кошть и семботь, мезе эсонза. Иняруяфтк сонь и семботь сянь, мезсь моли мархтонза, и эста сон ули иняру.10Ватьк марнек плхтамань озксказненди алтарть и семботь, мезсь моли мархтонза. Иняруяфтк алтарть и сон арай пяк инярукс.11Вадить вайса штамань кядьготь и сонь алксонц, и иняруяфтыть синь.12Вятить Аарононь и сонь цёранзон васедемань кошть сувама вастонцты и штайть синь ведьса.13Щафтыть Аарононь лангс иняру щапнень, ватьк сонь вайса и иняруяфтк, араза сон Тейне озксвятикс.14Цёранзонга вятить и щафтыть лангозост алгань кувака панархнень.15Вадить синь, кода вадить аляснонга, араст синь Тейне озксвятикс. Тя вадемась няфти: озксвятемань покодемась максф тейст пефтома пингс юромста юромс молезь».16Моисей семботь тиезе стане, кода Азорсь мярьгсь тейнза.
17Шкайть эряма вастоц, иняру кошсь, стяфтфоль омбоце кизоть васенце ковстонза и васенце шистонза.18Моисей стяфтозе иняру кошть: сон путозень алксонзон, кеподезень лангозост стена-седяфнень, тонгозень олкнень и стяфтозень орванзон.19Сон лаподезе вельхтердать кошть лангс, и тянь ланга путсь вельхкс, кода Азорсь мярьгсь тейнза.20Меле сон сявозень сотксонь няфти седяфнень и путозень синь сотксонь арзяв. Тонгозень олкнень арзять сурксонзон потмос и путозе пежень нолдама вельхксть арзять лангс.21Сон сувафтозе сотксонь арзять иняру кошть потмос, повфтась котфонь перяфкс и тяфта перязе сотксонь арзять, стане, кода Азорсь мярьгсь тейнза.22Моисей путозе шрать васедемань кошть потмос, кошть кельме ширезонза, котфонь перяфксть фталу,23и шрать лангс путозень Азорти кантф кшитнень, кода Азорсь мярьгсь тейнза.24Сон путозе валдоптомань кирдемать васедемань кошть потмос, кошть лямбе ширезонза, шрать каршес,25и валдоптоманзон стяфтозень Азорть инголи, кода Азорсь мярьгсь тейнза.26Моисей путозе зрнянь алтарть васедемань кошу котфонь перяфксть инголи27и качафтозе лангсонза танцти шинень нолдамать, кода Азорсь мярьгсь тейнза.28Сяльде сон повфтазе котфонь перяфксть иняру кошть сувама вастонцты.29Моисей путозе марнек плхтамань озксказненди алтарть васедемань кошть сувама вастонц ваксса и лангсонза кандсь марнек плхтамань и кшинь озксказнет, кода Азорсь мярьгсь тейнза.30Сон путозе штамань кядьготь васедемань кошть и алтарть ёткс, и каясь эзонза штамс ведь.31Моисей, Аарон и Аарононь цёранза штакшнезь эсонза эсь кядьснон и пильгснон.32Васедемань кошу сувамста и алтарти нежедемста синь штакшнесть, кода Азорсь мярьгсь тейнза.33Моисей тись иняру кошть и алтарть перьфке пирьф, и пирьфу сувама вастса повфтась котфонь перяфкс.
Тяфта Моисей шумордазень сембе тефнень.
34Коволсь вельхтязе васедемань кошть, и Азорть иневалдоц пяшкодезе иняру кошть.35Моисей ашезь сував васедемань кошть потмос, сяс мес кошть лангс валгсь коволсь, и Азорть иневалдоц пяшкодезе кошть потмонц.
36Фалу, мзярда коволсь кепсесь иняру кошть эзда, эста Израилень ломаньтналсь полаткшнезе молеманц.37А кда коволсь ашезь кепсе, эста синьге ашесть тушенда кис, мзярс сон ашезь кепсе.38Азорть коволоц шить ащесь кошть вельхксса, а веть сонь эсонза палсь тол, и тянь няезь Израилень сембе ломаттне. Тяфта ульсь сембе якамаснон пингста.
Глава 40