Выбрать язык
Книги Ветхого Завета
Книги Нового Завета
с русским текстом1Веселеил тиезе арзять акация шуфтста; сонь кувалмоц ульсь кафта пяле мархта кенерь, келец – фкя пяле мархта кенерь и серец – фкя пяле мархта кенерь.2Сон вельхтязе потмонц и лангонц ару зрняса, и перьфканза тись зрнянь каеркс.3Сон тись-валсь арзяти зрнянь ниле суркст и кемокстазень синь алува, арзять ниле ужензон лангс: кафта суркст фкя боконц лангс и кафта – омбоцеть.4Сяльде сон тись акация шуфтста олкт, вельхтязень синь зрняса5и тонгозень суркснень потмос, конат арзять кафцьке бокованза. Синь вельдест кармайхть каннемонза арзять.6Веселеил тись ару зрняста арзяти пежень нолдама вельхкс. Вельхксть кувалмоц ульсь кафта пяле мархта кенерь, а келец – фкя пяле мархта кенерь.7Сяльде сон чакась-шавсь зрняста кафта херувипт-ангелхт и стяфтозень синь вельхксть кафта пензон лангс,8васенце херувимть-ангелть – фкя пенц лангс, а омбоцеть – лиять лангс. Сон тиезень херувипнень-ангелхнень вельхксть кафцьке пензон лангс. Синь ульсть фкя марстонь тифксокс вельхксть мархта.9Херувипнень-ангелхнень пацясна келептьфтольхть вяри ванозь, и эсь мархтост синь вельхнезь вельхксть лангонц. А шамасна шарфтфтольхть карань-каршек и ванцть вельхксть лангс.
10Веселеил тись акация шуфтста шра, кона ульсь кафта кенерень кувалмоса, фкя кенерень келеса и фкя пяле мархта кенерень сереса.11Сон вельхтязе шрать ару зрняса и перьфканза тись зрнянь каеркс.12Шрать крайганза сон тись кядьлапшень сереса перяфкскя, и перяфкскять перьфке тись зрнянь каеркс.13Сон тись-валсь зрняста ниле суркст и кемокстазень синь шрать ниле ужензон лангс, пильгонянзон вельхксс.14Сурксне ульсть перяфкскять ала. Эзост кармайхть тонгондовома олкне, мзярда эрявксты кандомс шрать.15Шрань кандома олкнень сон тиезень акация шуфтста, и вельхтязень синь ару зрняса.16Меле сон тись кядьгот шрать лангс: шават, качафтомань кядьгот, кукшетть и карьхкат, конатнень вельде кармайхть кайсемонза озксказнень винать. Синь сембе тифтольхть ару зрняста.
17Тяфта жа Веселеил тись ару зрняста валдоптомань кирдема. Сон чаказе-шавозе сонь фкя зрнянь пакшста: алксонцка, пильгонцка, панчфонь кукшеннянзонга, панчф цильхконянзонга и лопанянзонга.18Валдоптомань кирдемать бокстонза лисендсть кота таратт: колма таратт валдоптомань кирдемать фкя бокстонза и колма таратт валдоптомань кирдемать омба бокстонза.19Фкя тарадть лангса ульсть колма панчфонь кукшеннят, конат шаркстыхть миндалень панчфкятнень лангс, панчф цильхконят и лопанят. Омбоце тарадсонга ульсть колма панчфонь кукшеннят, конат шаркстыхть миндалень панчфкятнень лангс, панчф цильхконят и лопанят. И тяфта ульсь сембе кота тараттнень лангса, конат лисендсть валдоптомань кирдемаста.20А валдоптомань кирдемать пильгонц лангса ульсть ниле миндалень панчфкятнень лаца кукшеннят, панчф цильхконят и лопанят.21Васень кафта тараттнень ала ульсть панчфонь цильхконят, омбоце кафта тараттнень ала – панчфонь цильхконят, и колмоце кафта тараттнень ала – панчфонь цильхконят. Тяфтаптольхть сембе кота тараттне, конат лисендихть валдоптомань кирдемаста.22Панчфонь цильхконятне и тараттне ульсть фкя марстонь тифксокс валдоптомань кирдемать мархта. Синь чакафтольхть-шавфтольхть фкя ару зрнянь пакшста.23Веселеил тись валдоптомань кирдемати сисем вайтолонь валдоптомат, палф кайтанонь керсемс васоньбеельхть и палф кайтатнень алу кядьгонят. Сон тиезень синь ару зрняста.24Валдоптомань кирдемать и семботь сянь лангс, мезсь моли мархтонза, ётась фкя талант ару зрня.
25Веселеил тиезе качафтомань алтарть акация шуфтста. Сон ульсь ниле ужа мархта: фкя кенерь кувалмос, фкя кенерь келес и кафта кенерьхть серес. Сонь сюронза ульсть фкя марстонь тифксокс алтарть мархта.26Сон вельхтязе алтарть ару зрняса сембе пяльде: вярденьге, бокованга, тяфта жа сюронзонга. Сон тись алтарть перьфке зрнянь каеркс.27Алтарть каерксонц ала, кафта бокованза, сон тись кафта зрнянь суркст. Тоза тонгсазь олкнень и кармайхть каннемонза алтарть.28Олкнень сон тиезень акация шуфтста и вельхтязень синь зрняса.29Нинге сон тись вадеманди иняру вай и качафтоманди танцти шинень нолдамат. Сон тиезень синь аруста и пяк маштозь, стане, кода тянь тиендьсазь тя тевса маштыхне.
Глава 37