Выбрать язык
Книги Ветхого Завета
Книги Нового Завета
с русским текстом1Меле Шкайсь азозень сембе ня валхнень, мярьгомок:
2«Мон Азорсь, тонь Шкайце, кона лихтензе Египетонь масторста, урексшинь кудста».
3Тяст уле тонь лия шкайхне Мондедон башка*а.
4Тят тиенде эстейть шкай и кодамовок лия тифкс, кона шарксты сянь лангс, мезсь вяре менельса, алува мода лангса и модада алува ведьса.5Тят сюконякшне тейст и тят покоде тейст, сяс мес Мон, Азорсь, тонь Шкайце – куне*б Шкаян. Мон наказакшнесайне иттнень аляснон пежеснон инкса колмоце и нилеце юромть самс, кда синь прокс аф кельгсамазь Монь,6но сятненди, кит кельгсамазь Монь и тиендихть Монь кошарксонень коряс, Мон няфтьса Эсь аф полафни кельгомазень тёжянце юромснон самс.
7Стакащемда тяк азонкшне Азорть, Шкайцень, лемонц, сяс мес Азорсь пантфтсы сянь шумонц, кие стакащемда азонкшнесы Сонь лемонц.
8Мяляфтт ваймамань шить колга и лувк сонь инярукс.9Кота шит покотть и тиендить сембе тефнень,10а сисемце шись – Азорть, Шкайцень, ваймамань шиц: тят тиенде ся шиня кодамовок тев, аф тонць, аф цёраце, аф стирце, аф покодице, аф покоди аваце, aф жуватаце, аф ширде саф ломанць, кона эряй тонь ошсот.11Сяс мес кота шит Азорсь тиендезе менельть и масторть, оцюведть и семботь, мезсь эсост, а сисемце шиня Сон ваймосесь. Сяс Азорсь бславазе ваймамань шить и иняруяфтозе сонь.
12Ванк аляцень и тядяцень мяльснон, эста кувалгодыхть тонь шитне модать лангса, конань Азорсь, Шкайце, макссы тейть.
13Тят шавонда.
15Тят салсе.
16Тят васькафне судса маластонь ломанцень лангс.
17Тят кая сельме маластоцень кудонц лангс. Тят кая сельме маластоцень рьванц лангс, аф покодиенц, аф покоди аванц лангс, аф буканц, аф ишимонц, аф кодамовок уликс-паронц лангс».
18Сембе ломаньтналсь няезень атяпнень и ёндолхнень, кулезе турамать вайгяленц и няезе качады пандть. Тянь няемста ломаньтналсь трнатозевсь эводемать эзда и арась сяда ичкози.19Синь мярьгсть Моисеенди: «Тон корхтак мархтонк, и минь карматама кулхцондомот. Аньцек Шкайсь тяза корхта мархтонк, афток минь кулотама».20Эста Моисей мярьгсь ломаньтналти: «Тяда пеле. Шкайсь сась, сяс мес Сонь мялец варжамс тинь и сргозьфтемс эсонт Эздонза пелема, афоледе тиенде пежет».21Сембе ломаньтналсь ащесь ичкозе, а Моисей маладсь шобда коволти, косоль Шкайсь.
22Азорсь мярьгсь Моисеенди: «Тяфта азк Израилень ломаньтналти: Тинь няесть, кода Мон корхтань тейнть менельста.23Тяда тиенде эстейнть сиянь али зрнянь шкайхть и тясть путне синь Монь мархтон ряцок.24Тик Тейне модаста алтарь и каннить лангсонза марнек плхтамань озксказнетнень и сетьмошинь озксказнетнень, учатнень и букатнень. Эрь вастса, коса мярьган шнамс-оцюлгофтомс Монь лемозень, Мон саян тейть и бславате тонь.25Тиендярят Тейне кевонь алтарь, эста тяк тиенде сонь лаксеф кевста, сяс мес кда токафтсак тейнза лаксемать, тисак сонь аф арукс.26Тят куценде алтарезень лангс куцемава, афоль панжев лангсонза тонь крхтапашице».
*а 20:3 буквальна «Монь шамаликозень инголе»
*б 20:5 куне – ревнивый
*в 20:14 пола – супруг, супруга
Глава 20