Выбрать язык
Книги Ветхого Завета
Книги Нового Завета
с русским текстом1Иосифонь сяда тов ашель виец кирдемс пря перьфканза ащихнень инголе. Сон ювадсь: «Сявость ваксстон сембонь!» И кивок ашель Иосифонь ваксса, мзярда сон панжезе брадонзонды, кие сон.2Сон оцю вайгяльхть аварьгодсь, нльне кулезь египтяттне и фараонть кудоц.3Иосиф мярьгсь брадонзонды: «Мон Иосифан. Алязе нинге шиса?» Но брадонза мезевок ашесть корхтав каршезонза, сяс мес синь таяскодсть инголенза.4Но Иосиф мярьгсь брадонзонды: «Нежедеда малазон». Синь нежедсть. Сон мярьгсь: «Тя монан – Иосиф, тинь брадонте, конань тинь мисть Египету.5Аньцек тяни тяда пичеде и тясть маятафта прянтень сянкса, мес мимасть монь сей: Шкайсь кучемань тяза тиндедонт инголи эряфонтень ванфтоманкса.6Кафта кизот ни вачаши масторлангса, и ляткшни нинге вете кизот, конатнень пингста аф кармайхть аф сокама, аф нума.7Шкайсь кучемань монь тиндедонт инголи, сяс мес Сонь мялецоль максомс тейнть юромонь поладыхть масторлангса и ванфтомс тинь эряфонтень ламотнень идеманкса*а.8Сяс аф тинь кучемасть монь сей, а Шкайсь. Сон путомань монь алякс*б фараонти, азоркс сембе кудонц лангса и тевонь вятикс сембе Египетонь масторса.9Арда куроконе алязти и азость тейнза: "Тяфта корхтай Иосиф цёраце: 'Шкайсь путомань монь оцюнякс сембе Египетть лангса. Куроконе сак тейне, тяк тарксе пингть.10Тон кармат эряма Гесем модаса и улят монь эздон аф ичкозе; и тонь мархтот улихть цёратне, унокне, учатне и сяватне, траксне и букатне, и сембе тонь уликс-пароце.11Мон карман трямот тоса, афток тон, тонь кудце и сембоце, мезце ули, кармай эряма ашушиса, сяс мес вачашись кирди нинге вете кизот'".12Тинь эсь сельмосонт няйсасть, и Вениамин брадозевок няйсы: тя мон корхтан мархтонт.13Азондость алязти, конашкава мон содафан и оцюван Египетса и семботь сянь, мезе няеде, и куроконе вятесть алязень сей».14Иосиф ашкодсь Вениамин брадонц кргас и авардсь. Вениаминга авардсь сонь мяштенц лангса.15Иосиф палазень сембе брадонзон и авардезь ашкодозень синь. Тяда меле брадонза корхнесть мархтонза.
16Мзярда фараонть кудозонза пачкодсь кулясь: Иосифонди састь брадонза, эста фараонць и сонь покодиенза кенярдсть.17Фараонць мярьгсь Иосифонди азомс эсь брадонзонды: «Вага мезе тиеда: марасть кяскавонтень ишимонтень лангс и арда Ханаанонь модав.18Сявость алянтень и эсь юромонь ломанентень и сада тейне. Мон максса тейнть инь цебярть Египетонь масторса, и тинь карматада ярхцама тя масторть инь цебярь имождонза».19Вага мезе мярьк тейст: «Тиеда тяфта: сявода Египетонь масторста крандаст идентень и рьвянтень ускомс. Сявость мархтонт алянтень и сада.20Тяда пичеде катф уликсонтень инкса, сяс мес мон максса тейнть сембода цебярть Египетонь масторста».
21Израилень цёранза тяфта и тисть. Иосиф, фараонть валонц коряс, макссь тейст крандаст и ки лангс ярхцамбяль.22Сон макссь эрти эздост полафтомань щам, а Вениаминонди макссь колма сятт сиянь ярмак и вете полафтомань щапт.23Алянцты сон кучсь кемонь атяишипт, конат марафтольхть Египетонь инь цебярь паршида, кемонь аваишипт, конат марафтольхть сёроса, кшиса и лия ярхцамбяльса алянц кинц лангс.24Эста Иосиф нолдазень брадонзон кис, и тумстост мярьгсь тейст: «Тяда сялонкшне ки лангса».25Тяфта синь тусть Египетста и састь Иаков аляснонды Ханаанонь модав.26Синь азондозь тейнза: «Иосиф шиса. Сон тяни азорондай сембе Египетонь масторть лангса». Но Иаковонь седиец таяскодсь, и сон ашезь кема тейст.27Аньцек мзярда синь азондозь тейнза семботь, мезе Иосиф азсь тейст, и мзярда сон няезень крандаснень, конатнень Иосиф кучезень мельганза, эста Иаковонь, синь аляснон, ваймоц эреклась,28и сон мярьгсь: «Тя саты тейне! Иосиф цёразе нинге шиса. Молян няйса сонь, мзярс ашень кула».
*а 45:7 Лиякс нинге шарьхкодеви: «ванфтомс тинь эряфонтень оцю идемаса».
*б 45:8 али: ёнень максыкс
Глава 45