Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловарь1-я книга Моисеева. Бытие2-я книга Моисеева. ИсходПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ВАСЕНЦЕ КНИГАЦ

УШЕДОМАСЬ

Глава 36

Исавонь юромонь поладыенза

1Тя азкссь Исавонь, лиякс, Едомонь колга и сонь юромонь поладыензон колга.2Исав сявсь эстейнза рьват Ханаанонь стирьхнень эзда: Адань, хеттеень Елонть стиренц, и Оливемань, евеень Цивеонть Ана цёранц стиренц.3Тяфта жа сон сявозе рьвакс Измаилонь стиренц Васемафань, Наваиофонь сазоронц.4Ада шачфтозе Исавонди Елифазонь, Васемафа шачфтозе Рагуилонь,5Оливема шачфтозе Иеусонь, Иегломонь и Кореень. Нят Исавонь цёранза, конат шачсть тейнза Ханаанонь модаса.

6Исав сявозень эсь рьванзон, цёранзон, стирензон, кудсонза сембе эряйхнень, стаданзон, сембе жуватанзон и сембе уликс-паронц, конань сон кочказе Ханаанонь модаса, и тусь лия модав Иаков брадонц эзда.7Синь уликссна ульсь сяшкава оцю, нльне тейст ашель кода эрямс марса. Синь стадасна пяк оцюфтольхть, и сяс синь ашесть тяльгонде ся модав, коса эрясть кода ширде саф ломатть.8Исав, лиякс мярьгомс Едом, лоткась эряма Сеиронь панттнень лангс.

9Тя азкссь Исавонь, едомейхнень аляснон, и сонь юромонь поладыензон колга Сеиронь панттнень лангса.10Исавонь цёранзон лемсна: Елифаз, тя Исавонь Ада рьванц цёрац, и Рагуил, тя Исавонь Васемафа рьванц цёрац.11Елифазонь ульсть цёранза: Феман, Омар, Цефо, Гафам и Кеназ.12Исавонь цёранц, Елифазонь, ульсь лия рьвацка – Фамна, кона шачфтозе Елифазонди Амаликонь. Нят Адань, Исавонь рьванц, юромонь поладыенза.13Вагот Рагуилонь цёранза: Нахаф и Зерах, Шамма и Миза. Нят Васемафань, Исавонь рьванц, юромонь поладыенза.14Исавонь рьвац Оливема шачфтозень Исавонди: Иеусонь, Иегломонь и Кореень. Оливема ульсь Анань, Цивеононь цёранц, стирец.

15Вагот Исавонь цёранзон юромонь оцюнясна. Нят Елифазонь, Исавонь васень цёранц, цёранза: юромонь оцюнятне Феман, Омар, Цефо, Кеназ,16Корей, Гафам и Амалик. Нят Елифазонь эзда лисьф оцюнятне, конат эрясть Едомонь модаса. Синь сембе Адань юромонц эзда.17Нят Рагуилонь, Исавонь цёранц, цёранза: юромонь оцюнятне Нахаф, Зерах, Шамма и Миза. Нят Рагуилонь эзда лисьф оцюнятне, конат эрясть Едомонь модаса. Синь сембе Васемафань, Исавонь рьванц, юромонц эзда.18Нят Оливемань, Исавонь рьванц, цёранза: юромонь оцюнятне Иеус, Иеглом и Корей. Ня оцюнятне лиссть Исавонь рьванц Оливемань эзда. Тя Анань стирец.19Нят ульсть Исавонь, али лиякс мярьгомс Едомонь, цёранза и синь юромонь оцюнясна.

20Вагот хорреень Сеирть цёранза, конат эрясть ся модаса: Лотан, Шовал, Цивеон, Ана,21Дишон, Эцер и Дишан. Нят хоррейхнень, Сеиронь цёранзон, юромонь оцюнясна Едомонь модаса.22Лотанонь цёранза ульсть Хори и Геман. Лотанонь ульсь сазороц Фамна.23Нят Шовалонь цёранза: Алван, Манахаф, Эвал, Шефо и Онам.24Нят Цивеононь цёранза: Аиа и Ана. Сон ся Анась, кона мусь шавмодаса пси лихтибрят, мзярда ванозень алянц, Цивеононь, ишимонзон.25Нят Анань иденза: Дишон и Оливема, Анань стирец.26Нят Дишононь цёранза: Хемдан, Эшбан, Ифран и Херан.27Нят Эцеронь цёранза: Билган, Зааван и Акан.28Нят Дишанонь цёранза: Уц и Аран.29Нят хоррейхнень юромснон оцюнясна: Лотан, Шовал, Цивеон, Ана,30Дишон, Эцер и Дишан. Нят хоррейхнень юромонь оцюнясна, конат азорондасть эсь юромснон лангса Сеир модаса.

31Вагот оцязорхне, конат азорондасть Едомонь модаса. Тя ульсь ся пингта инголе, мзярда Израилень ломаньтналса кармасть азорондама оцязорхт.32Бела, Веоронь цёрац, ульсь оцязоркс Едомса, и сонь ошенц лемоцоль Дингава.33Белань куломда меле оцязоркс арась Иовав, Зерахонь цёрац, кона ульсь Восораста.34Иовавонь куломда меле оцязоркс арась Хушам, кона ульсь феманиттнень модаста.35Хушамонь куломда меле оцязоркс арась Гадад, Бедадонь цёрац, кона сяськозень мадианитяттнень Моав паксяса. Сонь ошенц лемоцоль Авиф.36Гададонь куломда меле оцязоркс арась Самла, кона ульсь Масрекаста.37Самлань куломда меле оцязоркс арась Саул, кона ульсь Реховофста, кона ляйть*а маласа.38Саулонь куломда меле оцязоркс арась Баал-Ханан, Ахборонь цёрац.39Баал-Хананонь, Ахборонь цёранц, куломда меле оцязоркс арась Гадар. Гадаронь ошенц лемоцоль Пау, а рьванц лемоцоль Мегетавеель. Тя ульсь Матредань, Мезагавонь цёранц, стирец.

40Вагот Исавонь юромонь оцюнянзон лемсна синь юромснон, эряма вастснон и лемснон коряс: юромонь оцюнятне Фимна, Алва, Иетеф,41Оливема, Эла, Пинон,42Кеназ, Феман, Мивцар,43Магдиил и Ирам. Нят Едомонь юромонь оцюнятне эсь эряма вастснон коряс ся модаса, коса синь азорондасть. Тя ульсь Исавонь, едомейхнень аляснон, юромоц.

*а 36:37 Евфрат

 Глава 36