Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловарь1-я книга Моисеева. Бытие2-я книга Моисеева. ИсходПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ВАСЕНЦЕ КНИГАЦ

УШЕДОМАСЬ

Глава 22

Шкайсь варжасы Авраамонь кемаманц тевса

1Тяда меле Шкайсь варчсезе Авраамонь и корхтась тейнза: «Авраам!» Сон мярьгсь каршезонза: «Мон тясан».2Шкайсь мярьгсь: «Сявк Исаак цёрацень, фкя сяконяцень, конань кельгсак, и архт мархтонза Мориа модав. Тоса кантк сонь марнек плхтамань озксказнекс ся пандть пряса, конань Мон тейть няфтьса».

3Омбоце шиня Авраам стясь валдашкодомшовор, путсь ишим лангс камбраз*а, сявсь мархтонза кафта покодихть и Исаак цёранц. Сон лазсь марнек плхтамань озксказненди пенгат и тусь ся вастти, конань колга тейнза корхтась Шкайсь.4Колмоце шиня Авраам кеподезень сельмонзон и няезе ся вастть ичкозде.5Эста Авраам мярьгсь покодиензонды: «Тинь лядода тяса ишимть мархта, а мон и цёразе мольхтяма тоза, сюконятама Шкайти и мрдатама тейнть».6Авраам сявсь пенгат озксказненди и лаподезень Исаак цёранц лафтузонза. Сонць сявсь тол и пеель, и синь тусть кафонест.7Исаак мярьгсь алянцты, Авраамонди: «Аляй!» Ся каршезонза: «Мезе, цёрай?» Исаак мярьгсь: «Минь ули толоньке и пееленьке, а коса верозсь*б, конань кандсаськ марнек плхтамань озксказнекс?»8Авраам мярьгсь: «Цёрай, Шкайсь муй Эстейнза вероз марнек плхтамань озксказненди». И синь мольсть сяда тов кафонест.

9Мзярда синь састь ся вастти, конань колга тейнза мярьгсь Шкайсь, Авраам тись тоса алтарь и марась лангозонза пенгат. Сон сотнезе Исаак цёранц и путозе алтарти пенгятнень лангс.10Сяльде Авраам венептезе кяденц и сявсь пеель, конань мархта ёразе печкомс цёранц.11Эста Азорть ангелоц ювадсь Авраамонди менельста и мярьгсь: «Авраам! Авраам!» Сон каршезонза: «Ваган мон».12Ангелсь мярьгсь: «Тяк кепсе кядцень цёрать лангс и мезевок тят тие мархтонза, сяс мес тяни Мон содаса, тон пелят Шкайда и фкя-тяка цёраценьге ашить ужяльде Монь инксон».13И мзярда Авраам кеподезень сельмонзон, сон няйсь боран, конань сюронза тапарясть кусторкснень ёткс. Авраам нежедсь, сявозе боранть и кандозе сонь марнек плхтамань озксказнекс цёранц вастс.14Авраам лемдезе тя вастть Иегова-ире*в. Сяс тячемс корхневи: «Пандть лангса, коса Азорсь няйсы-ладясы».

Азорть надияфтомац бславамать колга

15Азорть ангелоц омбоцеда ювадсь Авраамонди менельста.16Сон мярьгсь: «Тяфта корхтай Азорсь: "Сяс мес тон тиить тя тевть, и ашить ужяльде эсь фкя-тяка цёрацень, Мон варан Эсь прязень мархта:17Мон пяк бславате тонь и сяшкава ламолгофтсайне тонь юромонь поладыхнень, нльне синь лувкссна ули менелень тяшттнень лаца и оцюведь трвань шуварть лаца; тонь юромонь поладыхне сявсазь эсь кядялост каршек молихнень ошснон.18Тон юромонь поладыцень эса бслававихть масторлангонь сембе ломаньтналхне, сяс мес тон улеть кулхцондыкс Тейне"».19Авраам мрдась эсь покодиензонды, и синь марса тусть Вирсавияв. И Авраам лядсь эряма Вирсавияса.

Нахоронь юромоц

20Тяда меле Авраамонди пачфтсть куля, азозь: «Милка шачфтсь Нахоронди, тонь брадцти, цёрат:21Уцонь – васень цёрать, Вузонь – сонь брадонц, Кемуилонь – Арамонь алянц,22Кеседонь, Хазонь, Пилдашонь, Идлафонь и Вафуилонь».23Вафуилонь эзда шачсь Ревекка. Ня кафксотнень Милка шачфтозень Нахоронди, Авраамонь брадонцты.24Нахоронь омбоце рьвац, конань лемоц Реума, тяфта жа шачфтсь шабат: Тевахонь, Гахамонь, Тахашонь и Маахань.

*а 22:3 камбраз – седло

*б 22:7 вероз – учань али сявань лефкс; ягнёнок, агнец

*в 22:14 Иегова-ире валть смузец – «Азорсь няйсы-ладясы».

 Глава 22