Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловарь1-я книга Моисеева. Бытие2-я книга Моисеева. ИсходПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ВАСЕНЦЕ КНИГАЦ

УШЕДОМАСЬ

Глава 16

Агарь и Измаил

1Сара, Аврамонь рьвац, таки ашезь шачфне Аврамонди итть. Но Сарань ульсь Египетонь аваурец, конань лемоцоль Агарь.2Сара мярьгсь Аврамонди: «Азорсь пякстазе потмозень и аф максы тейне шачфтомс итть. Удок аваурезень мархта, пади сон шачфты тейне итть». Аврам кулхцондозе Сарань.3Аврам эрясь ни кемонь кизот Ханаанца, мзярда Сара рьвац максозе Агарень, Египетонь авауренц, Аврам мирденцты омбоце рьвакс.4Аврам удось мархтонза, и сон пекиясь. Мзярда Агарь содазе пекияманц колга, сон кармась вярде ванома эсь азораванц лангс.5Эста Сара мярьгсь Аврамонди: «Тонь инксот тя сембось лиссь мархтон. Мон максыне эсь аваурезень тонь мархтот удомс, а сон, кодак пекиясь, кармась вярде ванома лангозон. Катк Азорсь ули тейне и тейть судьякс».6Аврам мярьгсь Саранди: «Тя тонне авауресь, сон тонь кядялот, мезе мяльце, сянь тик мархтонза». Эста Сара ушедсь люпштамонза Агарень, и ся ворьгодсь эздонза.

7Азорть ангелоц*а васьфтезе Агарень шавмодаса ведень лихтибрять ваксса, кона ащи Сурти вяти кить лангса.8Сон мярьгсь тейнза: «Агарь, Сарань аваурец! Коста тон молят и ков срхкать?» Сон мярьгсь каршезонза: «Мон ласькан Сара азоравазень эзда».9Азорть ангелоц мярьгсь тейнза: «Мрдак эсь азоравацти и ульхть кулхцондыкс тейнза».10И Азорть ангелоц нинге мярьгсь тейнза: «Мон сяшкава ламолгофтсайне тонь юромонь поладыхнень, нльне синь аф лувовихть, сяс мес эздост ули пяк лама».11Азорть ангелоц тага мярьгсь тейнза:

«Тон тяни каннят пексот идня.
     Тон шачфтат цёра,
и лемонц путсак Измаил*б,
     сяс мес Азорсь кулезе, кода тон маятат.
12Тонь цёраце кармай кода вирьбаксянь ишим,
     сон кармай врьгяткшнема сембонь лангс,
     и сембе кармайхть врьгяткшнема лангозонза.
Сон фалу кармай кяжбеса эряма
     эсь брадонзон мархта».

13Эста Агарь лемдезе Азорть, кона корхтась мархтонза, тяфтама лемса: «Тон Шкаят, кона няйсамань монь». Сяс мес Агарь мярьгсь: «Мон афкукс тяса няине Сянь, кона няйсамань монь»,14тянкса ся лихтибрясь лемневи Беэр-лахай-роикс*в. Сон ащи Кадесть и Баредть ёткса.

15Агарь шачфтсь Аврамонди цёра, и Аврам лемдезе эсь цёранц, кона шачсь Агарень эзда, Измаилкс.16Аврамонди ульсь кафксогемонь кота киза, мзярда Агарь шачфтозе тейнза Измаилонь.

*а 16:7 Азорть ангелоц – тя ангелсь аф лия ангелхнень лаца. Мзярда сон корхтай али мезе-бди тии, лувови: тя корхтай али тии Сонць Азорсь.

*б 16:11 Измаил лемть смузец евреень кяльса «Шкайсь кульсы».

*в 16:14 Сянь лихтибряц, кона Эряй и няйсамань монь.

 Глава 16