Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловарь1-я книга Моисеева. Бытие2-я книга Моисеева. ИсходПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ВАСЕНЦЕ КНИГАЦ

УШЕДОМАСЬ

Глава 13

Аврамонь и Лотонь кисна явихть

1Аврам тусь Египетста эсь рьванц, сембе паршинц и Лотонь мархта, и таргазе кинц Ханаанть лямбе ширезонза.2Тяни Аврам пяк козяль кудонь жуватаса, сияса и зрняса.3Фкя вастста омбоцети ётнезь, Ханаанть лямбе ширестонза сон пачкодсь Вефили, ся вастти, коса инголи стяфтфоль сонь кошец, Вефильть и Гайть ёткса,4и коса сон васенцеда путсь алтарь, и озондомста тердезе Азорть лемонц.

5Лотонь, кона якась Аврамонь мархта, тяфта жа ульсть учанза, сяванза, траксонза и кошенза.6Марса эрязь, синь лоткасть тяльгондемда ся модати, сяс мес кафцьконь ламоль паршидост-жуватадост, и тейст ни ашель кода эрямс марса.7Аврамонь жуватань ваныенза и Лотонь жуватань ваныенза кармасть сялонкшнема фкя-фкянь мархта. Эста ся модаса эрясть нинге ханаанейхне и ферезейхне.

8Аврам мярьгсь Лотонди: «Пяк аф пара ся, мес минь ётксонк и минь жуватань ваныеньконь ёткса кяжбе и явома, минь вдь мархтот фкя вероннетяма.9Дяряй аф сембе модась сельминголет? Яфт эздон: кда тон туят кержи шири, эста мон туян види шири, а кда тон туят види шири, эста мон – кержи шири».10Лот кеподезень сельмонзон и няезе: Иорданонь лашмоть модац Сигорть самс лац валондови ведьса, кода Азорть перец, кода Египетонь масторсь. Ся пингста Азорсь нинге ашезе срафта Содомть и Гоморрать.11Лот кочказе эстейнза марнек Иорданонь лашмоть и тусь шинь стяма шири. Тяфта синь явсть фкя-фкянь эзда.12Аврам лядсь эряма Ханаанонь модаса, а Лот тусь эряма лашмонь ошненди. Сон полафнезень эряма вастонзон и тяфта пачкодсь Содому.13Содомонь эряйхне ульсть кяжихть и пяк пежуфт Азорть инголе.

14Лотонь тумдонза меле Азорсь мярьгсь Аврамонди: «Кеподить сельмотнень и ся вастста, конань лангса тон ащат, варжакстт кельме шири и лямбе шири, шинь стяма шири и шинь валгома шири.15Сембе тя модать, конань тон няйсак, Мон сембе пинкненди максса тейть и тонь юромонь поладыхненди.16Мон ламолгофтсайне тонь юромонь поладыхнень. Синь эздост ули сяшкава лама, конашкава лама шуварда масторлангса. Кода аф лувови масторлангонь шуварсь, стане аф лувовихть тонь юромонь поладыхневок.17Архт ётак тя модать ильцек-пяльцек, сяс мес Мон максса сонь тейть».18Аврам кочказень эсь кошензон и тусь тоста. Сон лоткась эряма Мамре тумоналть видес, кона Хевронца. Тоса сон тись Азорти озксказнень кандома алтарь.

 Глава 13