Выбрать язык
Книги Ветхого Завета
Книги Нового Завета
с русским текстом1 Вара мый денем кутырышо Суксо пӧртылын да мален кийышым помыжалтарыме семын мыйым помыжалтен.2 Тудо йодын: «Мом ужат?» Мый вашештенам: «Светильникым ужам, тудо пӱтынек шӧртньӧ. Кӱшныжӧ – ӱйлан чаше, тудын ӱмбалне – шым лампаде, кажне лампадыште – йытын рӱдылан ыштыме шым изи пуч.3 Тудын воктене кок олив пушеҥгым ужам: иктыже чаше деч пурла велне, весыже – шола велне».4 Мый денем кутырышо Суксо деч йодынам: «Тиде мо тыгай, мыйын озам?»5 Тудо мылам каласен: «Тиде мо тыгай, от пале?» Мый вашештенам: «Ом пале, мыйын озам».6 Тунам тудо мыланем каласен: «Господь деч Зоровавельлан*а тыгай шомак: сарзывий дене огыл, куат дене огыл, но Мыйын Шӱлышем дене, – ойла Господь Саваоф. –7 Кугу курык, тый кӧ улат? Зоровавель ончылно тый тӧрверыш савырнет. Тудыжо пусак кӱм тыге кычкырыме йӱк шоктымо годым пышта: ”Тудын ӱмбалне порылык, Господьын порылыкшо лийже!”»
8 Мыланем Господьын шомакше лийын:9 «Тиде пӧртлан негызым Зоровавельын кидше пыштен, тудынак кидше тиде пашам мучашла». Тунам умыледа: тендан деке мыйым Господь Саваоф колтен.10 Южышт тиде изи тӱҥалтышым йӧрдымыш луктыныт. Но Зоровавельын кидыштыже чоҥымо годым кучылтмо воткандырам ужмеке, нунат куанен колтат.
«Нине шым лампаде Господьын шинчаже улыт, нунын ончалтышышт пӱтынь мландым авалта».11 Мый Суксо деч йодынам: «Светильникын пурла да шола велныже улшо кок олив пушеҥге мом ончыктат?»12 Мый тудын деч эше йодынам: «А тиде кок олив укш, кудышт кок изи шӧртньӧ пуч гоч ӱйым йоктарат, мом ончыктат?»13 Тудо мый дечем йодын: «Тиде мо тыгай, от пале?» Мый вашештенам: «Уке, мыйын озам».14 Тунам тудо каласен: «Тиде – шӱрен палемдыме кок еҥ, нуно уло тӱнян Господьшо ончылно шогат».
*а 4:6 Зоровавель – ончо: Агг 1:1.
Глава 4