Библия
Выбрать язык
Книги Ветхого Завета
Книги Нового Завета
с русским текстом
ПРОРОК ОСИЙЫН КНИГАЖЕ
3 Глава
Осий шке пӧртышкыжӧ яжар ӱдырамашым конда – тидыже Господьын Израильым серлагымыжым ончыкта.1 Господь мылам каласен: «Кай да йӧратыше пӧръеҥже улмо ӱмбач яжарланен коштшо ӱдырамаш дек йӧратымашым ончыкто. Тудым туге йӧрате, кузе Господь Израиль эрге-влакым йӧрата, кеч нунышт вес юмо-влаклан кумалыт да нунын изюмыштым йӧратат».2 Тиде ӱдырамашым мый латвич ший окса да икытат пеле хомер*а шожлан налынам.3 Мый тудлан каласенам: «Тыште мый денем шуко жап илышаш улат. Ит яжарлане, нимогай пӧръеҥ дене ит лий, мыят тый денет ом мале».4 Израиль эрге-влакат кужу жаплан кугыжа ден вуйлатыше, надыр ден кумалме меҥге, ефод ден юмын статуйжо деч посна кодыт.5 Тидын деч вара Израиль эрге-влак угыч Господь Юмыштым да Давид кугыжаштым кычалаш тӱҥалыт. Пытартыш кечылаште нуно Господь ончылно да Тудын порылыкшо ончылно лӱдын илаш тӱҥалыт.
*а 3:2 «Икытат пеле»: еврей текстыште ’хомер да летек’. Летекыш мыняр литр пурен, пале огыл.
Глава 3
