Библия
Выбрать язык
Книги Ветхого Завета
Книги Нового Завета
с русским текстом
ПРОРОК ИЕРЕМИЙЫН КНИГАЖЕ
47 Глава
Филистим-влак нерген пророк шомак.1 Фараонын Газа олам кырен шалатымыж деч ончыч Иеремийлан Господь деч филистим-влак нерген пророк шомак лийын.
2 «Господь тыге ойла:
теве вӱд-влак нӧлталтыт йӱдвелым,
ташлыше вӱдйогыныш савырнат
да мландым, чыла мо тушто улым,
ола ден илыше-шамычым леведыт.
Еҥ-влак полышым йодын кычкыраш,
элыште илыше-шамыч шорташ тӱҥалыт,
3 кунам виян ожо-влакын кудалме йӱкыштым,
орва ден ораваштын лӱшкымыштым колыт.
Тунам ача-влак шке йочаштлан полшаш огыт савырне –
чонышт йолвундашке волен кая
4 тудо кечын, кунам филистим-влакым кырен шалатат,
Тир ден Сидонлан полшышо-шамычым пытартыш еҥ марте пытарат.
Филистим-влакым, Кафтор отро гыч толшо калыкын кодшыжым,
Господь пытара.
5 Газа вуйысо ӱпшым нӱжын кудалта, Аскалон шыплана.
Лапверыште илыше кокла гыч утлен кодшо-влак,
эше кужун мо капдам коркалаш тӱҥалыда?*а
6 О, Господьын кердыже, кунам тый чарнет?
Пӧртыл лодакышкет, шогал, лыплане!
7 Но кузе тылат чарнаш,
кунам Господь кӱштымашым пуэн,
Аскалон ден теҥыз серышке шке кердыжым колтен?»
*а 47:5 Вуйым нӱжымаш да капым коркалымаш ойгым ончыктышо йӱла лийыныт.
Глава 47
