Библия
Выбрать язык
Книги Ветхого Завета
Книги Нового Завета
с русским текстом
ПРОРОК ИСАИЙЫН КНИГАЖЕ
64 Глава
Господь, мемнам орлыклан пуэт мо?1 О, пылпомышым кушкедын, Тый волет ыле гын!
Чуриет ончылно чытырнат ыле курык-влак,
2 оргаж семын йӱлат ыле тулышто,
вӱд семын пурат ыле шолаш –
палдарет ыле шке лӱметым тушманет-влаклан!
Тыйын чуриет ончылно чытырнат ыле калык-шамыч.
3 Кунам Тый лӱдмашан паша-влакым ыштенат –
тыгайым ме Тый дечет вучен огынал –
да мландымбак воленат,
Тыйын чуриет ончылно курык-влак чытыреныт.
4 Тылат инанен илыше-влаклан Тый шуко суапым ыштенат.
Тый гает вес юмо нерген
нигунам нигӧн пылышыже колын огыл,
тыгайым нигӧн шинчажат ужын огыл.
5 Кӧ чыным куанен ышта,
кӧ Тыйым да Тыйын корнетым шарна –
тыгай-влакым порын вашлият.
Но ме кужу жап сулыкым ыштен иленна,
сандене Тый шыдешкенат.
Лийына мо ме утарыме?
6 Ме чылан ару огыл еҥ гай лийынна,
чыла чын пашана – пуйто лавыран лапчык.
Лышташ семын ме чылан кошкенна,
титакна-влак мемнам мардеж семын наҥгаят.
7 Нигӧ ок ӱж Тыйын лӱметым,
нигӧ уло шӱм-чонжо дене Тый декет пижаш ок тырше,
сандене Тый мемнан деч чуриет шылтенат,
осал пашана-влак мемнам пытарат.
8 Но тыге гынат, Господь, Тый мемнан Ачана улат!
Ме шун улына, а Тый – кӧршӧк ыштыше,
чылан ме Тыйын кидетын паша лектышыже улына.
9 Господь, мыланна утыжден ит шыдешке,
мемнан титакнам курымеш ит шарне!
Ончал ӱмбакна – ме Тыйын калыкет улына.
10 Святой олат-влак ир мландыш савырненыт,
Сион ынде ир мланде лийын, Иерусалимым пустаҥдыме.
11 Святой да чапле храмнам,
кушто ачана-влак Тыйым моктеныт,
тул дене йӱлалтыме,
мом тынар аклыме – кӱ ораш савырнен.
12 Тидын деч варат, Господь, Тый нимом от ыште мо?
Тыгак шып кодат да мемнам утыждене орландарет мо?
Глава 64
