Библия
Выбрать язык
Книги Ветхого Завета
Книги Нового Завета
с русским текстом
ПРОРОК ИСАИЙЫН КНИГАЖЕ
39 Глава
Вавилон кугыжан колтымо еҥже-влакым сайын вашлийын, Езекий йоҥылыш ышта.1 Тиде жапыште Вавилон кугыжа Меродах-Баладан, Баладан эрге, Езекийын черле лиймыж да пареммыж нерген колмеке, тудлан серыш-влакым да пӧлекым колтен.2 Колтымо еҥ-шамычым Езекий куанен вашлийын да нунылан шке клатше-влакым, поянлыкым аралыме верыштыже мо улмым: ший ден шӧртньым, тамлыпушан наста ден шергакан ӱй-влакым, тыгак саргуралым аралыме пӧртшым – чыла ончыктен. Езекийын пӧртыштыжӧ, озанлыкыштыже нунылан ик арверат ончыктыде кодын огыл.
3 Езекий кугыжа дек пророк Исаий толын да тудын деч йодын: «Нине еҥ-влак мом ойленыт, нуно тый декет кушеч толыныт?» Езекий вашештен: «Тора мланде гыч, Вавилон гыч, мый декем толыныт».4 «Нуно тыйын пӧртыштет мом ужыныт?» – Исаий йодын. «Мо пӧртыштем лийын, чыла ужыныт. Поянлыкым аралыме верлаштем ик арверат нунылан ончыктыде кодын огыл», – вашештен Езекий.5 Тунам Исаий Езекийлан каласен: «Колышт Господь Саваофын шомакшым:6 Тугай жап толын шуэш, кунам пӧртыштет мо улмым, мом ача-кочат-влак таче кече марте погеныт – чыла Вавилоныш наҥгаят. Тыште нимат ок код, тыге Господь ойла.7 Тый дечет шочшо эргыч-влакым, тыйын тукыметым, пленыш налыт. Нуно Вавилон кугыжан полатыштыже служитлыше евнух лийыт».
8 Езекий Исаийлан каласен: «Мом тый кызыт мылам каласышыч – Господь деч сай шомак». Вара ешарен: «Тугеже, мыйын илыме жапыште тыныс да ласка илыш лиеш!»
Глава 39
