Библия
Выбрать язык
Книги Ветхого Завета
Книги Нового Завета
с русским текстом
ПРОРОК ИСАИЙЫН КНИГАЖЕ
12 Глава
Господьлан тауштымо муро.1 Тудо кечын тый каласет:
«Тыйым чапландарем, Господь!
Мылам Тый шыдым кученат,
но шыдет лушкен, да мыйым Тый лыпландаренат.
2 Чынжымак, Юмо – мыйын утарымашем,
Тудлан мый инанем, нимо дечын ом лӱд.
Господь – вий-куатем, Господь – мыйын мурем,
Тудо мыйым утарен!»
3 Утарымаш памаш гыч вӱдым
куанен кошталаш тӱҥалыда.
4 Тудо кечын те маныда:
«Моктыза Господьым, Тудын лӱмжым ӱжын кумалза!
Калык-влак коклаште пашаж нерген каласкалыза,
Тудын лӱмжын кӱдыратле улмыж нерген ушештарыза.
5 Господьлан мурыза, вет Тудо кугу паша-влакым ыштен –
тек тидын нерген уло мланде пала.
6 Сионышто илыше-влак, куаныза да мурыза,
вет тендан коклаште Израильын Святой Юмыжо пеш кугу!»
Глава 12
