Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
78 Псалом
Асафын псаломжо.1 Юмем, йот калык-влак мландышкет тольыч,
Тыйын святой храметым шакшылышт,
Иерусалимым шалатен пытарышт.
2 Тарзе-влакетын капыштым кайыклан,
ӱшанле-влакетын капыштым янлыклан кочкаш пуышт.
3 Иерусалим мучко вӱрыштым вӱд семын йоктарышт,
нуным тойышо нигӧ уке.
4 Пошкудо-влаклан ме воштылчык лийна,
йыр улшо калык мемнам вурса да мыскыла.
5 Мыняр жап эше, Господь, мыланна Тый сырет,
эре мо йӱлаш тӱҥалеш тул семын Тыйын шыдет?
6 Тыйым палыдыме калык-влак ӱмбак шыдетым оптал,
лӱметым ӱжде илыше кугыжаныш-влак ӱмбак сырыметым йоктаре,
7 вет нуно Иаковым пытареныт,
тудын илыме вержым пустаҥденыт.
8 Ит пыште мемнан ӱмбак ача-кочанан сулыкыштым,
шке порылыкетлан кӧра вашке мемнам серлаге,
вет чот мыскыньыш ме савырненна.
9 Полшо мыланна, Юмына, мемнан Утарышына,
шке лӱметын чапшылан кӧра.
Шке лӱметлан верч мемнам утаре,
сулыкнам Тый кудалте.
10 Ынышт ойло йот калык-влак:
«Кушто нунын Юмышт?»
Тарзет-влакын вӱрыштым йоктарымылан
тек мемнан шинча ончылно калык-влаклан ӱчӧ шукталтеш,
тек пален налыт калык-влак тидын нерген.
11 Пленыште улшо-влакын йӧсланен кычкырымыштым кол,
пушташ пуымо-шамычым виян кидет дене утаре.
12 Шым пачаш пӧртылтӧ кажне пошкудо калыклан,
Тыйым, Господь, шӱктарымыштлан.
13 А ме, Тыйын калыкет да кӱтӱэтын шорыкшо-влак,
курымеш Тылат таум ыштена,
тукым гыч тукымыш Тыйым моктен мурена.
Глава 78
