Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
67 Псалом
1 Хор вуйлатышылан. Давидын псаломжо. Муро.2 Тек Юмо кынелеш, да тушманже-влак шаланен пытат,
тек Юмым ужмышудымо-влак Тудын чурийже деч куржыт!
3 Шикш шаланыме семын нуным шалате,
тек шыштын тулышто левен шулымыж семын
осал еҥ-влак Юмын чурий ончылно пытат.
4 А чын ыштыше-влак тек йывыртат да куанат,
кугу куан дене Юмын ончылно йомартланат.
5 Мурыза Юмылан, Тудын лӱмжым моктыза,
кава дене Коштшым чапландарыза!
Лӱмжӧ Тудын – Господь,
Тудын чурийже ончылно куаныза!
6 Тудо – тулык-влакын ачашт,
тулык вате-шамычлан чын судым ыштыше,
Юмо – шке святой илыме верыштыже.
7 Шкет кодшо еҥым Юмо пӧртыш илаш пурта,
петырымаште улшо-влакым эрыкыш луктеш,
а ӱскырт-влак кошкышо мландыште илаш тӱҥалыт.
8 Юмем, кунам шке калыкет ончылно каенат,
кунам ир мланде дене ошкылынат –
9 Тыйын ончылнет, Синайысе Юмо, Израильын Юмыжо,
мланде чытырналтын, кава йӱрым йоктарен.
10 Шке мландет ӱмбаке, Юмем,
Тый тале йӱрым колтенат,
кунам тудо лунчырген, Тый тудым ылыжтенат.
11 Тыйын калыкет тушто илен;
шке порылыкет дене, Юмем,
Тый йорло-влаклан мо кӱлешым пуэнат.
12 Господь колта шке шомакшым,
уверзе ӱдырамаш-влак шукын улыт:
13 куржыт, сеҥалтын куржыт сарзывий-влак да нунын кугыжашт,
а мӧҥгыштӧ ӱдырамаш-влак мом поген налмым шеледат.
14 Шке тукым мландыштыда киен,
те кӧгӧрчен гай лийында,
кудыжын шулдыржо ший дене,
пыстылже яндар шӧртньӧ дене леведалтын.
15 Кунам кугыжа-влакым Чылакертше кырен шалатен,
Селмон курыкышто лум лумын.
16 Васан курык, Юмын курык!
Васан курык, кӱкшӧ курык!
17 Кӱкшӧ курык-влак, те молан
Юмын илаш шонымо курык ӱмбак кӧранен ончеда?
Тушто Господь курымеш илаш тӱҥалеш.
18 Юмын сарорваже шотлен пытарыдыме – тӱжем-тӱжемле,
Господь нунын покшелнышт Синайыште, святой верыште.
19 Тый кӱкшытыш кӱзенат,
пленыш налме-влакым пеленет наҥгаенат,
айдеме-влак деч налынат пӧлекым,
тунам ӱскырт-влак кокла гычат Господь Юмо дене илен кертыт.
20 Моктымо лийже Господь кажне кечын!
Мемнан ӱмбаке Юмо нумалтышым пышта,
но Тудак мемнам утара.
21 Мемнан Юмына – утарыше Юмо,
Господь Юмо мемнам колымаш деч утара.
22 Юмо чынжымак шалата тушманже-влакын вуйыштым,
сулык корно дене коштшо-шамычын ӱпан вуйыштым.
23 Господь каласен:
«Васан гыч пӧртылтем Мый нуным,
теҥыз пундаш гычат муын луктам.
24 Тунам тушман-влакетын вӱрышкышт тошкалат,
пиет-влакат тудым йӱаш тӱҥалыт».
25 Юмына, Тыйын лӱмеш тӱшкан ошкылмым ужыныт,
Кугыжа Юмем лӱмеш святой верыш ошкылмым ужыныт.
26 Ончылно ошкылыныт мурызо-влак,
шеҥгелне – семӱзгар дене шоктышо-шамыч,
коклаштышт – ӱдыр-влак тимпан дене.
27 «Те, Израиль тукым гыч лекше-влак,
Господь Юмым погынымашыште моктыза!»
28 Тушто Вениамин, эн изи шольо, нуным вӱден наҥгая,
туштак улыт Иудан тукымвуйжо-влак шке еҥышт дене,
Завулон ден Неффалимын тукымвуй-влакшат.
29 Юмет тылат вийым ончылгоч палемден.
Юмына, мом Тый мыланна ыштенат, угыч ончыкто.
30 Иерусалимысе храметлан кӧра
кугыжа-влак Тылат пӧлекым кондат.
31 Пеҥгыдын каласе омыж коклаште илыше янлыклан,
презе-влак коклаште улшо ӱшкыж кӱтӱлан.
Тек нуно лийыт ӱлыкшемдыме, кондат ший моклакам.
*а Кредалаш шонышо калыкым шалатен пытаре!
32 Толыт Египет гыч колтымо лӱмлӧ еҥ-шамыч,
Эфиопийыште илыше-влакат Юмо деке кидыштым шуят.
33 Мландысе кугыжаныш-влак,
Юмылан мурыза, Господьым моктен мурыза!
34 Акрет кава дене Тудо кая,
кӱдырчӧ гай йӱкшӧ Тудын шокта!
35 Чапым пуыза Юмылан!
Тудын кӱдыратлыкше – Израиль ӱмбалне,
Тудын куатше – пыл лоҥгаште.
36 Луктеш лӱдмашым Юмо,
Израильын Юмыжо, шке святой верыштыже.
Тудо шке калыкшылан вийым да пеҥгыдылыкым пуа.
Тек Юмо чапландарыме лиеш!
Тау
*а 67:31 Еврей текстыште тыште мом возымым умылаш неле.
Глава 67
