Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
66 Псалом
1 Хор вуйлатышылан. Кылан семӱзгар дене. Псалом. Муро.2 Юмына, лий мемнан деке поро,
мемнам суапландаре,
чуриетын волгыдыж дене мемнам волгалтаре –
3 тек пален налыт Тыйын корнетым мландымбалне,
Тыйын утарымашетым – чыла калык коклаште.
4 Юмына, тек моктат Тыйым калык-влак,
тек моктат Тыйым калык-влак чылан!
5 Тек йывыртат да куанат тукым-шамыч!
Вет Тый калык-влакым чын судитлет,
мландымбалысе тукым-шамычым виктарен шогет.
6 Юмына, тек моктат Тыйым калык-влак,
тек моктат Тыйым калык-влак чылан!
7 Мланде мыланна шке саскажым пуа.
Юмо, мемнан Юмына, тек суапландара мемнам!
8 Тек Юмо суапландара мемнам,
тек мландын чыла тӱрыштыжӧ Тудын деч лӱдын илат!
Тау
Глава 66
