Your word is a lamp to my feet

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПСАЛТИРЬ

27 Псалом

Давидын псаломжо.

1 Тыйым, Господь, ӱжын сӧрвалем:
мыйын аралтышем, мыйым колдымо ит лий!
От вашеште, шып лият гын,
мый шӱгарыш волышо еҥ гай лиям.
2 Кол мыйын кумалмем, кунам Тыйым ӱжам,
кунам святой храмет велке кидемым шуялтем.
3 Осалым да чын огылым ыштыше-влак дене пырля мыйым ит пытаре.
Лишылъеҥышт-влак дене нуно сайын кутырат,
а шӱмыштышт – осал.
4 Пӧртылтӧ нунылан пашашт почеш, осалым ыштымышт почеш,
мом кидышт ыштен – тудымак пӧртылтӧ,
мом сулен налыныт – тудымак пу.
5 Нуно Господьын мом ыштымыжым,
Тудын кидше дене ыштыме пашажым шотыш огыт нал,
сандене Тудо нуным шалата да угыч ок нӧлтал.
6 Моктымо лийже Господь,
вет Тудо кумалмемым колын.
7 Господь – мыйын вием да авыртышем:
шӱмем Тудлан инана.
Полшыш Тудо мыланем, да чонемже куана –
Тудым мый мурен чапландарем.
8 Господь – шке калыкшын куатше,
шке шӱрен палемдымыжым утарен саклыше.
9 Утаре шке калыкетым,
Шкаланет налме тукымым суапландаре,
нуным кӱтӧ, курымеш арале!

предыдущая глава Глава 27 следующая глава