Your word is a lamp to my feet

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПСАЛТИРЬ

25 Псалом

Давидын псаломжо.

1 Господь, мылам чын судым ыште,
вет иленам титакым ыштыде.
Господьлан инанен, мый пеҥгыдын шогем!
2 Шымлен нал, Господь, да мыйым терге,
кӧргем ден шӱмемым ший семын левыкте.
3 Вет Тыйын порылыкет – шинча ончылнем,
мый Тыйын чынет почеш иленам.
4 Шояк еҥ-влак дене пырля шинчен омыл,
осал чоя еҥ-шамыч дене ом кай.
5 Осалым ыштыше-влакын погынымашыштым ужмем ок шу,
Юмым шотлыдымо еҥ-шамыч дене пырля ом шич.
6 Титакдыме улам – кидемым мушкам,
Тыйын жертвенникет йыр, Господь, коштам.
7 Уло йӱкем дене Тыйым моктен мурем,
ӧрыктарыше чыла пашатым мый каласкалем.
8 Йӧратем, Господь, Тыйын илыме пӧртетым,
Тыйын чапетын илыме вержым.
9 Ит пытаре мыйын чонем сулыкан-влак дене пырля,
илышем – вӱрым йоктарыше-влак дене пырля.
10 Нунын кидышт осал пашам ышта,
взятке дене пурла кидышт темын.
11 А мый илем титакым ыштыде –
[Господь], утаре, мый декем лий поро!
12 Мыйын йолем тӧр верыште шога,
погынымашыште мый Господьым моктем.

предыдущая глава Глава 25 следующая глава