Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
23 Псалом
Давидын псаломжо. [Арнян икымше кечынже.]1 Чылажат Господьын – мланде да мо тушто уло,
тӱня да тушто чыла илыше,
2 вет Тудо теҥыз-влак ӱмбалне мландылан негызым пыштен,
эҥер-влак ӱмбалне тудым пеҥгыдемден.
3 Кӧ Господьын курыкышкыжо кӱза,
кӧ Тудын святой верыштыже шоген кертеш?
4 Тудо, кӧн кидше титакдыме да шӱмжӧ яндар,
кӧ полган юмо-влаклан ок инане
да лишылъеҥжылан шояк товатмутым ок пу.
5 Тудо Господь деч суапландарымашым налеш,
Утарыше Юмыжо тудым чыныш луктеш.
6 Тыгай улеш Тудым кычалше тукым,
Тыйын чуриетым кычалше тукым, Иаковын Юмыжо!
7 Комдык почылтса, капка-влак,
курымашле омса-влак, почылтса –
чапын Кугыжаже пура!
8 Кӧ тиде чапын Кугыжаже?
Господь, пеҥгыде да куатан,
тиде Господь – кучедалмаште виян.
9 Комдык почылтса, капка-влак,
курымашле омса-влак, почылтса –
чапын Кугыжаже пура!
10 Кӧ тиде чапын Кугыжаже?
Господь Саваоф,
Тудо – чапын Кугыжаже!
Тау
Глава 23
