Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
22 Псалом
Давидын псаломжо.1 Господь – мыйын Кӱтӱчем,
мылам мо кӱлеш – чылажат уло:
2 Тудо мыйым ужар олыклаште кандара,
шып йогышо вӱд деке конда,
3 пеҥгыдемда мыйын чонемым,
шке лӱмжылан кӧра мыйым чын корно дене наҥгая.
4 Кеч колымаш ӱмылан лапвер дене каем,
ом лӱд осал дечын – Тый пеленем улат.
Тыйын кӱтӱчӧ тоят ден пондет мыйым лыпландарат.
5 Тушманем-влак ончылно Тый мылам ӱстелым погет,
вуемым ӱй дене шӱрет –
мыйын коркам тӱргоч темыме.
6 Тыйын порылыкет ден чаманымашет
чыла илышаш кечыштем пеленем лийыт,
да мый Господьын пӧртыштыжӧ ӱмыр мучко лиям.
Глава 22
