Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
19 Псалом
1 Хор вуйлатышылан. Давидын псаломжо.2 Неле лийме кечын Господь тыйым колжо,
Иаковын Юмыжын лӱмжӧ тыйым аралыже.
3 Святой верже гыч тылат полышым колтыжо
да Сион гыч тыйым пеҥгыдемдыже.
4 Тыйын кондымо чыла надыретым шарналтыже,
да йӱлалтен пуымо надырет Юмылан келшыше лийже.
5 Тек [Господь] тылат шӱметын йодмыж почеш пуа,
чыла ышташ шоныметым шукта.
6 Тунам ме тыйын сеҥымашетлан куанена
да шкенан Юмына лӱмеш тистым нӧлталына.
Тек Господь чыла йодмашетым шукта.
7 Кызыт палем мый:
Господь шке шӱрен палемдымыжлан полша,
шке утарыше кидшын вий-куатше дене
святой пылпомыш гычше тудлан вашешта.
8 Южышт орвашт дене, южышт имньышт дене моктанат,
а ме Господь Юмынан лӱмжӧ дене моктанена.
9 Нуно шӱртнят да йӧрлыт,
а ме шогалын улына да пеҥгыдын шогена.
10 Господь, утаре кугыжам да кол мемнам,
кунам ме Тыйым ӱжын кычкыраш тӱҥалына.
Глава 19
