Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
151 Псалом
[Давидын псаломжо. Голиаф дене кучедалмеке возымо.*а1 Изам-влак коклаште мый эн изи,
ачамын пӧртыштыжӧ эн самырык лийынам,
ачамын шорыкшо-влакым мый кӱтенам.
2 Кидем шиялтышым ыштен,
парням-влак кӱслем оҥареныт.
*б3 Кӧ мыйын Господемлан тидым увертара? –
Господь Шке, Тудо Шке мыйым колын.
4 Шке уверзыжым Тудо колтен,
ачамын шорык кӱтӱж деч мыйым налын,
шке елейже дене шӱрен палемден.
5 Мотор, кугу капан лийыныт изам-влак,
но Господь иктыжымат ойырен налын огыл.
6 Йот тукым еҥ ваштареш мый кредалаш лектынам,
шояк юмыж-влакын лӱмышт дене тудо мыйым карген.
7 Но, шупшын налын кердыжым,
мый вуйжым руал ойыренам,
Израиль эрге-влак ӱмбач намысым кораҥденам.]
*а 151 Еврей текстыште тиде псалом уке. Тудым грек текст гыч кусарыме.
*б 151:2 Кӱслем оҥараш – настраивать гусли.
Глава 151
