Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
137 Псалом
Давидын псаломжо.1 Уло шӱмем дене Тыйым моктем,
юмо-влак ончылно
*а моктен мурем,
[вет Тый чыла мутемым колынат]!
2 Святой храм ончылнет вуемым савем,
порылыкетлан, ӱшанле улметлан Тыйын лӱметым чаплем,
вет сӧрымӧ мутетым Тый шке лӱмет гай кугум ыштенат.
3 Кунам Тыйым ӱжын кумалынам – мыйым колынат,
кумылем нӧлтен, чонемлан вийым пуэнат.
4 Господь, ойлымо мутетым колын,
Тыйым мландымбалысе кугыжа-влак чаплат,
5 пашат-влакым моктен мурат,
вет Господьын чапше пеш кугу.
6 Господь кӱшнӧ,
но ӱлыкшемдыме еҥым Тудо ужеш,
кугешныше айдемым умбачынак пала.
7 Коштам гынат мый лӱдыкшӧ коклаште,
илышемым Тый саклен шогет.
Тушман-влакемын шыдышт ваштареш шке кидетым шуялтет,
да мыйым утара Тыйын пурла кидет.
8 Господь шукта мылам сӧрымӧ мутшым!
Тыйын порылыкет, Господь, курымеш –
ит кай коден шке кидетын пашажым.
*а 137:1 «Юмо-влак ончылно»: Грек йылме дене кусарымаште «суксо-влак ончылно».
Глава 137
