Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
129 Псалом
Кӱзымӧ годым мурымо муро.1 Господь, келгыт гыч Тыйым ӱжын кычкырем!
2 Господь! Кол мыйын йӱкем!
Тек Тыйын пылышет кумалме йӱкемлан тӱткӧ лиеш.
3 Господь, кажне сулыкнам шотыш налат гын,
тидым, Господь, кӧ чытен кертеш?
4 Но Тый улат титакым кудалтыше,
тек Тыйым чылан шотлен илат!
5 Господьлан инанен илем, вуча Тудым мыйын чонем,
Тудын шомакшылан мый инанем.
6 Оролын эрым вучымыж деч чот
мыйын чонем Господьым вуча,
оролын эрым вучымыж деч чот вуча!
7 Тек Израиль инанен ила Господьлан,
вет Тудын порылыкшо кугу,
утараш Господь эре ямде.
8 Тудо Израильым чыла сулыкшо деч утара.
Глава 129
