Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
128 Псалом
Кӱзымӧ годым мурымо муро.1 Самырык жап гычак мыйым шуко шыгыремденыт, –
каласыже тыге Израиль, –
2 шыгыремденыт мыйым самырык жап гычак,
но сеҥен кертын огытыл.
3 Куралше-влак тупыштем куралыныт,
шке кужу кашыштым колтеныт.
4 Но Господь чынле –
осал еҥ-влакын чиктыме кепшылыштым Тудо пӱчкын.
5 Тек намысыш пурат да чакнен каят чылан,
кӧмытын Сионым ужмышт ок шу.
6 Тек лийыт нуно леведыш ӱмбалысе шудо гай –
кӱрлын шумо деч ончыч тудо кошка,
7 тӱредше еҥын ӧлтыштыжӧ ок лий,
кылтам пидше тудым поген ок нал.
8 Эртен кайыше-влак нунылан огыт каласе:
«Господь тендам суапландарыже,
Господьын лӱмжӧ дене тыланда суапым тыланена!»
Тау
Глава 128
