Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
124 Псалом
Кӱзымӧ годым мурымо муро.1 Господьлан инаныше еҥ Сион курык гай,
тудо ок чытырне, курымеш пеҥгыдын шога.
2 Кузе курык-влак Иерусалимым авырен шогат,
туге Господь шке калыкшым кызыт да курым-курымеш авырен шога.
3 Чын ыштыше-влакын мландыштышт
[Господь] осал еҥ-шамычлан кужу жап озаланаш огеш пу,
тунам чын ыштыше-влак кидыштым осал пашам ышташ огыт шуялте.
4 Господь, поро еҥ-влаклан, яндар шӱм-чонан-влаклан
сайым ыште.
5 А кадыр корныш савырныше-влакым, Господь,
осалым ыштыше-шамыч дене пырля поктен колто.
Тыныс лийже Израильлан!
Глава 124
