Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
123 Псалом
Кӱзымӧ годым мурымо муро. Давидын псаломжо.1 Господь огеш лий ыле гын мемнан дене, –
тыге каласыже Израиль, –
2 тушман-влакын ӱмбакна кержалтмышт годым
Господь огеш лий ыле гын мемнан дене,
3 мемнан ӱмбак шыдышт ылыжмеке,
нуно мемнам илышынек нелыт ыле.
4 Вӱд-влак мемнам наҥгаят ыле,
вӱдйогын эртен кая ыле мемнан ӱмбачын,
5 тале вӱд йоген кая ыле мемнан ӱмбачын.
6 Моктымо лийже Господь!
Тудо мемнам нунын кидышкышт пуэн огыл,
нунын пӱйышт мемнам кӱрыштын огыл.
7 Кайык семын ме кучышо-влакын лӧдышт гыч утленна,
тудыжо шаланен – ме утаралтынна.
8 Полыш мыланна Господь деч толеш,
Тудыжо кава ден мландым ыштен.
Тау
Глава 123
