Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
114 Псалом
[Аллилуия.]1 Господьым мый йӧратем,
колеш Тудо йӱкем, мыйын кумалмем,
2 савыра шке пылышыжым мый декем –
чыла илыме кечыштем Тудым ӱжын кумалам.
3 Колымашын кепшылже мыйым пидын,
вес тӱнясе шучкылык мыйым авалтен,
пален налынам мый ойго ден орлыкым.
4 Тунам Господьын лӱмжым ӱжын кумальым:
«О, Господь, утаре чонем!»
5 Господь чаманыше да чынле,
поро мемнан Юмына.
6 Арала Господь полышдымо еҥ-влакым:
кунам ӱнардыме лийым, Тудо мыйым утарыш.
7 Чонем, угыч лыплане,
вет Господь тылат порылыкым ыштыш.
8 Тый утарышыч чонем колымаш деч,
шинчам – шинчавӱд деч
да йолем – шӱртньымаш деч.
Мый илыше-влакын мландыштышт
Господь чурий ончылно кошташ тӱҥалам.
Тау
Глава 114
