Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
113 Псалом
[Аллилуия.]1 Кунам Израиль Египет гыч,
Иаковын тукымжо йот калык кокла гыч лектын,
2 Иуда Тудын святой тукымжо,
Израиль Тудын озаланыме калыкше лийын.
3 Тидым ужын, теҥыз чакнен,
Иордан эҥер мӧҥгеш савырнен.
4 Лӱдмышт дене курык-влак тага семын,
чоҥгата-влак пача семын тӧрштылыныт.
5 Мо лие тый денет, теҥыз, молан чакнышыч,
да [тый денет], Иордан – молан мӧҥгеш савырнышыч?
6 Курык-влак, молан те тага семын
да те, чоҥгата-влак, пача семын тӧрштылыда?
7 Чытыре, мланде, Господь чурий ончылно,
Иаковын Юмыжын чурийже ончылно,
8 вет кӱ курыкым Тудо ерыш,
кӱм памашыш савыра.
9 Мыланна огыл, Господь, мыланна огыл,
а Тыйын лӱметлан чап лийже,
Тыйын порылыкетлан, Тыйын ӱшанле улметлан кӧра.
10 Ынышт ойло йот калык-влак:
«Кушто нунын Юмышт?»
11 Мемнан Юмына – пылпомышто [да мландыште],
мом шона, Тудо чыла ышта.
12 А нунын шояк юмышт ший да шӧртньӧ дене ыштыме,
айдеме кидын пашаже улыт.
13 Уло нунын умшашт, но огыт ойло,
уло шинчашт, но огыт уж.
14 Уло нунын пылышышт, но огыт кол,
уло неррожышт, но ӱпшым огыт шиж.
15 Уло нунын кидышт, но уке кидшӱмышт,
уло йолышт, но огыт кошт,
да логарышт гыч нимогай йӱк ок лек.
16 Нуным ыштыше да нунылан ӱшаныше-влак
тек шкештат нунын гаяк лийыт!
17 Израиль [тукым], Господьлан инанен иле:
Тудо мыланна полыш да авыртыш.
18 Аарон тукым, Господьлан инанен иле:
Тудо мыланна полыш да авыртыш.
19 Господь деч лӱдшӧ-влак, Господьлан инанен илыза:
Тудо мыланна полыш да авыртыш.
20 Господь шарна да суапландара мемнам,
суапландара Израиль тукымым,
суапландара Аарон тукымым.
21 Суапландара Господь Тудын деч лӱдшӧ-влакым:
изижымат, кугужымат.
22 Тек Господь тендам шукемда:
тендам да йочада-влакым.
23 Суапландара тендам Господь,
кавам да мландым Ыштыше.
24 Кава – Господьын,
а мландым Тудо айдеме эрге-шамычлан пуэн.
25 Колышо-влак, шӱгарысе тып-тымыкыш волышо-влак
Господьым огыт мокто,
26 а ме, [илыше-влак,] чапландарена Господьым
кызыт да курым-курымеш. Аллилуия!
Глава 113
